لعلاقات بين لمغريب ؤ ميريكان
لعلاقات بين لمغريب ؤ ميريكان
| ||
| ||
 لمغريب |
 ميريكان |
|
|---|---|---|
| سفير: لالة جمالة لعلوي | سفير: پونيت تالوار | |
| سفارة د لمغريب ف واشينطون | سفارة د لميريكان ف رباط | |
| ||
لعلاقات بين لمغريب ؤ ميريكان كيرجع تاريخهوم ل عام 1777، ف لوقت ديال لحرب تّورية لميريكانية، ملي ولّا سّلطان محمد تّالت بن عبد الله أول عاهل ف لعالم كيعاون دولت لميريكان، لي يلاه بدات كاتبان، ؤ كيعتارف بيها كا جمهورية مستاقلة. لمغريب كيتّعتابر أقدم ؤ أقرب حليف د لميريكان ف شمال إفريقيا.[1] الرئيس لميريكاني جورج بوش الصغير كان ڭال بلي لمغريب أهم حليف ديال لميريكان برا د الناطو.
لعلاقات الديپلوماسية الرسمية بين الجوج بلدان بداو ف 1787، ملي لكونڭريس د لكونفيديرالية سنا تيفاقية السلام و الصداقة لي كانو بداو لمفاوضات ديالها عام قبل. ف 1836، التيفاقية تّسنات مرة خرة بعد مفاوضات جديدة، و باقية مطبّقة تال ليوم، باش تكون أقدم تيفاقية ف التاريخ د ميريكان. أقدم مبنى تابع ل لخارجية لميريكانية موجود ف طانجا، لي هوّا لمفوضية لميريكانية د طانجا، و دابا ولّا متحف كيجيو ليه الزّوار، و هوّا لمعلامة لميريكانية لوحيدة لي جات برّا لميريكان و داخلة ف الليستة د لمعالم التاريخية لوطنية د ميريكان.
لولايات المتاحدة د ميريكان عندها سفارة ف الرباط ف شارع محمد السادس، السويسي، كوض پوسطال 10170،[2] و لمغريب عندو سفارة ف واشينطون ف نمرة 1601، شارع 21، ك.پ. 20009.
عيون لكلام
بدل- ^ شيريل براون ويلز (1939). The Department of State bulletin, Long-time Friends: Early U.S-Moroccan Relations, 1777-78. pp. 1–15.
- ^ "Embassy of the United States in Rabat". مأرشيڤي من لأصل ف 2023-10-15. تطّالع عليه ب تاريخ 2023-04-22.
 هادي زريعة ديال مقالة خاصها تّوسع. تقدر تشارك ف لكتبة ديالها. |