لسان لمغريب
لسان لمغريب
| ||
| ||
| معلومات أساسية | ||
| نوع د الدورية | جورنال سيماني، جورنال و دورية | |
| لموضع | طانجا | |
| اللوغات د النشر | عربية | |
| إديتور | فرج الله و ارثور نمور | |
| تاريخ التأسيس | 1907 | |
| لإصدار اللول | 8 فبراير 1907 | |
| معلومات إضافية | ||
| نشر كلّا | 1 | |
لسان لمغريب (ب لعربية: لِسَانُ المَغرِب) كان جورنال مغريبي ب لعربية خرج ف 1907 ف طانجا. كان أسسو جوج خوت لوبنانيين، فرج الله نمّور ؤ أرتور نمّور.[1] ؤ تشهر ب نشير د مشروع دستور د 1908 ؤ بريات مفتوحة ل سلطان عبدلعزيز ؤ موراه عبدلحفيض.[2][3]
تاريخ
بدللسان لمغريب أسسو ف 1907 جوج خوت لوبنانيين، فرج الله نمور، كتاتبي تولد ف 1865 ف صيدا، ؤ خوه أرتور نمور، لي كان صحافي موهوب.[1] سافرو ل ؤروپا، لمغريب، أمريكا لجانوبية، طرابلس، تونس، باريز ؤ لوندون قبل ما يوصلو ل طانجا ف يناير 1906 باش يقلبو علا خدمة ؤ يأسسو شي منشور ب لعربية.[1] لقنصلية لألمانية ف طانجا كانت باغة تلقا شي منشور ب لعربية لي يقدر يعاون لمصالح لألمانية ف لمغريب، ؤ منها خداو لخوت نامّور منها علا لمعاونة لي كانو باغيين.[1] خداو ݣاع لأدوات ؤ لحوايج لي محتاجين من لمطبعة لكاطوليكية د لبّاوات ليسوعيين ف بيروت.[1] أول نمرة د لسان لمغريب خرجات ف 8 فبراير 1907.[1] كان جورنال سيماني ب لعربية فيه ربعة د صفاحي، ؤ خدام فيه فرج الله كا مودير د لقيسم سياسي ؤ أرتور مودير د نشير.[1]
ب تشجيع من لفرانصيص، أسسو لأنصار د سلطان عبدلعزيز جورنال صّباح ف طانجا ف 1904.[4][5] ف لوقيتة د لحفيضية (1907-1908)، مطايفة بين لخوت عبدلعزيز ؤ عبدلحفيض علا لعرش لمغريبي، كان جورنال لفرانصاوي لمكتوب ب لعربية سّعادة كيشجع عبدلعزيز.[5][6][7][8] نشرات لسان لمغريب بريات مفتوحة ل سلطان عبدلعزيز ؤ موراه عبدلحفيض.[2]
ف نمرة د 14 فبراير 1908 د لسان لمغريب، أكد جورنال لبيع ديالو ل لمخزن د سلطان عبدلحفيض ؤ بلي ماليه غادي يخدمو ليه.[1] ف شهورا من بعد ما تسنا لبيع، كلشي مشا مزيان، حتال ل تقريبان عام من بعد، ملي لمخزن ما لتازمش ب لمسؤوليات لمالية لي عليه ؤ بداو لخوت نمّور كينشرو محتوى تشهيري ب لمخزن ؤ كينتاقدو دّولة من ݣاع لجيهات.[1]
ف 1908، أمر عبدلحفيض باش يتطلق جورنال لفجر، لي خرج ف 27 يونيو 1908، باش يروج ل لأفكار ديالو.[1]
عيون لكلام
بدل- ^ a b c d e f g h i j رشيد العفاقي. "الصحافة اللبنانية الهاجرة إلى طنجة (1889-1911م)" (PDF). مدن وثقافات (ب لعربية). مأرشيڤي من لأصل (PDF) ف 9 دجنبر 2021.
- ^ a b Saïd Aïssaoui (15 دجنبر 2017). "En 1908, un projet de constitution évoquait les libertés individuelles au Maroc". yabiladi.com (ب لفرانساوية). مأرشيڤي من لأصل ف 2023-07-11. تطّالع عليه ب تاريخ 2021-12-10.
- ^ عبد العالي حامي الدين (23 شتنبر 2008). "مائة عام على مشروع دستور 1908." المساء (ب لعربية). مأرشيڤي من لأصل ف 2023-07-14. تطّالع عليه ب تاريخ 2021-12-10.
- ^ "دعوة الحق - الصحافة المغربية في الموسوعة العربية الميسرة". www.habous.gov.ma. مأرشيڤي من لأصل ف 2022-03-05. تطّالع عليه ب تاريخ 2021-12-10.
- ^ a b "السلطانُ المغربي المخلوع". تارودانت نيوز (ب لعربية). 5 شتنبر 2019. مأرشيڤي من لأصل ف 2022-03-28. تطّالع عليه ب تاريخ 2021-12-10.
- ^ Miller, Susan Gilson. (2013). A history of modern Morocco. New York: Cambridge University Press. OCLC 855022840. ردمك 978-1-139-62469-5.
- ^ "متصوفة استهوتهم "السلطة الرابعة" : شيخ الطريقة المعينية "صحافيا" في "السعادة"". الصباح. July 10, 2012. مأرشيڤي من لأصل ف 13 دجنبر 2022.
- ^ "Le Rappel / directeur gérant Albert Barbieux". Gallica (ب نڭليزية). 30 يناير 1908. مأرشيڤي من لأصل ف 11 يناير 2022.