لحرية (جورنال مغريبي)
لحرية (جورنال مغريبي)
| ||
| ||
| معلومات أساسية | ||
| نوع د الدورية | جورنال | |
| اللوغات د النشر | داريجة يهودية و لفرانساوية | |
| لمؤسس | سليمان بن حيون | |
| تاريخ التأسيس | 18 يونيو 1915 | |
لحرية (ب لحروف لعبرية אלחוררייא، ب لحروف لّاتينية El Horria، ب لفرانساوية La Liberté) هوّا جورنال مغريبي كان كيصدر ف طانجا، مكتوب ب دّاريجة ليهودية ب حروف عبرية، ؤ ب لفرانساوية. لمؤسس ديالو هوّا سليمان بنحيون لي كان أيضا مول دار طّباعة لي كاتطبعو ؤ كاتوزعو. جّورنال بدا ف 18 يونيو 1915 ؤ خرجات نّمرة لّخرة ديالو ف 4 غشت 1922، شهورا بعدما ما مات لمؤسس ديالو، ب مجموع ديال 105 د نّماري. وخا رسمياً جّورنال كان سيماني، كان شي سيمانات ماكيخرجش بسباب صّعوبات لمادية لي كان كيعاني منها.[1]
لڤيرسيونات لي ب دّاريجة ؤ ب لفرانساوية ديال جّورنال ماكانش فيهوم نفس لمحتوى. لڤيرسيون ب لفرانساوية كانت مركّزة علا لكميونيتي د ليهود ف طانجا، ؤ كانت پلاطفورم ل لموتقافين ليهود طّانجاويين، بينمّا لڤيرسيون ب دّاريجة ليهودية كانت موجّهة ف معلوماتها كتر ل ليهود لي كاينين ف مدون خرين ف لمغريب، ؤ فيها معلومات قلال علا ليهود د طانجا. هادشي يقدر مبدئيا يدل علا لجمهور ديال كلا ڤيرسيون، ولاكين ف لواقع ماكاينين حتا معلومات علا لبلايص فين كانت كاتّوزع ؤ كاتباع كلا وحدة فيهوم.[1]
جّورنال د لحرية كان كيعتابر راسو مودافيع علا لحقوق ديال ليهود لمغاربا. ؤ كانو فيه خبار علا ليهود ف لعالام، ؤ معلومات علا سّياسة صّهيونية ؤ لأنشطة لي ضايرين ف فلسطين. ؤ كان كيدافع علا صّهيونية بلا مايقحم راسو ف نيقاشات عليها، ؤ عندو توجه مساند ل لفرانسيس، ؤ تلقا حتا بعض دّعم لمادي من عندهوم. وخا داكشي لحالة لمادية ديال جّورنال بقات كاتكرف حتا تسد ف مرة ف 1922.[1]
عيون لكلام
بدل- ^ a b c "جورنال لحرية" (ب نڭليزية والعبرية). مأرشيڤي من لأصل ف 2023-02-06. تطّالع عليه ب تاريخ 2021-12-15.
لمزاود
بدل هادي زريعة ديال مقالة خاصها تّوسع. تقدر تشارك ف لكتبة ديالها. |