لحاراكة التقيلة (تقافة)
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لحاراكة التقيلة (ب النڭليزية slow movement) هيّ مبادرة تقافية لي كاتدعو ل نقص لوتيرة الزربانة ديال لحياة لعصرية، و كاتشجّع الناس باش ياخدو وقتهم ف لأعمال ليومية ديالهم، بشكل رزين و مدروس.
هاد لحاراكة تفرّعات على حاراكة لماكلة التقيلة slow food (عكس لماكلة السريعة fast food)، لي كان بداها كارلو پيطريني ف 1986 على شكل حتيجاج ضد الريسطوات د ماكدونالدز ف مدينة روما.
لأفكار لأساسية ديال لحاراكة التقيلة هوما بلي بنادم خاصو:
- يسبّق الجودة على لكمية
- يقدّر و يستمتع ب اللحضة ديال دابا
- يبني علاقات مزيانة معا الناس و لمحيط ديالو
هاد لحاراكة كاتشجّع واحد لممارسة مقصودة بشكل كبر ديال لأنشطة ليومية، عادات مستادمة، و التوڭاض mindfulness. لمجال ديالها كيشمل لماكلة، لمدون، التعليم، لموضة، و غيرهم، و كاتدعو ل ستيل د لحياة متوازن و متكامل، لي كيقاوم الزربة ديال متطلبات لمجتمع لعصري.
من بين لمبادرات لمرتابطة بيها، كاينة مونضّامة سيتاصلو Cittaslow لي كاتدعو ل "مدون تقيلة"، سيرتو ف ناپل، پاري و روما.[1] نهارات بلا طوموبيلات و منع السكوتر من نوع ڤيسپا باش ينقص الصداع ف لمناطق لحضرية تاهوما أمتلة ديال هاد لمبادرات.[1]
عيون لكلام
بدل- ^ a b Parkins، Wendy؛ Craig، Geoffrey (February 2006). Slow Living (ب نڭليزية). Berg. ردمك 978-1-84520-160-9.