قناة ناشيونال جيوڭرافيك

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

قناة ناشيونال جيوڭرافيك (نّݣليزية: National Geographic Channel) هي واحد القناة لي تابعة لمنظمة ناشيونال جيوڭرافيك، كاتعرض أفلام وبرامج وثائقية على الطبيعة والعلم والحضارة والتاريخ، وكاينين بزاف د النسخ لهاد القناة منها ناشيونال جيوڭرافيك أبو ظبي وهي قناة ناطقة باللغة العربية. ف شتنبر 1997، نطالقات هاد القناة ف ميريكان والمملكة المتحدة وأوروپا وأستراليا، ودابا كاينة القناة ف 162 دولة و بـ 27 لغة وف 231 مليون دار.

قناة ناشيونال جيوڭرافيك
معلومات أساسية
نوع د لمؤسسة	قناة د التلفازة، شركة إنتاج تلفزيوني، قناة تلفزيونية متخصصة و cable channel
لبلاد	الولايات المتاحدة د ميريكان
لموضع	واشينطون
تاريخ د تّأسيس	2001
سّيت رّسمي	nationalgeographic.com…
معلومات إضافية
أملاك	ناشيونال جيوغرافيك وايلد ناشيونال جيوغرافيك بيبول Nat Geo Wild

النسخ

ميريكان

نطالقات القناة ف ميريكان ف 12 يناير 2001 وهي مشروع مشترك بين الجمعية الجغرافية الوطنية و نيوز كوربوريشن.

كندا

نطالقات القناة ف كندا ف 15 غشت 2001، و نطالقات تا واحد النسخة فائقة الدقة (HD) ف 19 دجنبر 2006.

فرانسا

ف شتنبر 2001، نطالقات قناة ناشونال جيوڭرافيك ف فرانسا.

الشرق الأوسط و شمال إفريقيا (mena)

ف يوليو 2009 نطالقات نسخة عربية من قناة ناشونال جيوڭرافيك خاصة بالناس لي كايهضرو بالعربية.

شي قنوات أخرين تابعين ليها

صدرات ناشونال جيوڭرافيك بزاف د القنوات أخرين مختصة و هي رّاصها كاينة بنفس العنوان و لكن ببزاف د اللغات:

• ناشونال جيوڭرافيك ميوزيك: هي واحد القناة مهتمة بالموسيقى بأنواعها بدات ف الطاليان ف أكتوبر 2007.
• ناشونال جيوڭرافيك جونيور: قناة ديال اللأطفال.
• قناة ناشونال جيوغرافيك HD: نطالقات ف 2006، ومهمتها هي بث برامج قناة ناشونال جيوڭرافيك بواحد التقنية عالية الدقة.
• ناشونال جيوڭرافيك أدفانتشر: هي قناة موجهة ف الأصل للشباب والمراهقين وهي كاتبث بزاف من المغامرات والرحلات و الهدف منها هو تشجيع الشباب على السفر والتجوال ف العالم.
• ناشونال جيوڭرافيك وايلد: نطالقات ف 2006، وكاتبث برامج على الحيوانات والطبيعة والحياة البرية.
• ناشونال جيوڭرافيك وايلد HD: هي قناة كاتبث برامج ناشونال جيوغرافيك وايلد بواحد التقنية عالية الدقة.
• ناشيونال جيوڭرافيك أبو ظبي: هي قناة ناطقة باللغة العربية، نطالقات ف 2009 ومقرها ف أبو ظبي.
• ناشونال جيوڭرافيك موندو: هي قناة نطالقات ف 2011 وهي موجهة للجمهور الصبليوني ف ميريكان.
• ناشيونال جيوڭرافيك كيدس أبو ظبي: نطالقات ف 2017 وهي موجهة للأطفال العرب.
• ناشيونال جيوڭرافيك پيپول: نطالقات ف 1 ماي 2007 مختصة بالمغامرات وحقائق على بنادم