شريشمة

مقالة ما مصنفاش. هاد لمقالة ما مصنّفاش، حاول تزيد شي تصنيفات كاتناسب معاها و ماتنساش تزول هاد لقالب من بعد ما تصنّفها. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

شريشمة (بـنݣليزية: Machine Gun (MG)) هو واحد سلاح ناري آلي أوطوماتيكي، ولغرض منو هو طليق ديال رصاص من شي مكحلة مسربية دطلقات بلواسطة ديال حزام دلمين. وفلغالب بلمعدل ديال مياوات دالطلقات فالدقيقة لوحدة. الشريشمات القدام اللولة لولة كانت كاتخدم غير بليد. اما الرشاشات ديال دابا كتخدم ياما بلݣاز ولا بشي مصدر ديال ضو، بحال الشريشمة MK 134، فـلولايات المتاحدة د ميريكان، ولفردي رشاش هو كول سلاح ناري وأوطوماتيكي كاملو.

فردي رشاش ديال M134

الشرشيمة الجديدة

MP5 : كيتعتابر من احسن شريشمات فلعالم، وكيعتامدو عليه لبوليس لألماني ولقوات الخاصة بلحضيان دلحدود. كيخدم هاد السلاح بالإشعاع وكيتميز بدقة ديالو لكبيرة فتنياش على لأهداف، وكينصحو بيه.

Uzi : صممو عوزيل ݣال، وتبنى هاد سلاح رسميا فعام 1951م، وبدا لاستيعمال ابتداء من عام 1954م. وكيتميز بسهولة دلاستيعمال ديالو وتصميمو لبسيط، ومتعتامد فكتر من 70 دولة فلعالم.

P90 : هاد سلاح تطور فـبلجيكا فلأواخر ديال تمانينات، وكيتستعمل دابا من لقبل ديال لقوات لعسكرية ولقوات دتطبيق ديال لقانون. وكيتميز بتصميم ديالو الاستثنائي ولخصائص ديالو لي ماشي عادية، وعاد زيد عليه وزنو لخفيف وحجمو الصغير.

MP7 : هاد سلاح صنعاتو شركة هيكلر أند كوخ لالمانية، وحطوه فعام 2000. كان معروف شحال هادي بسلاح دالديفاع الشخصي، ولكن لجيوش دبزاف ديال دول ولات كتستعملو دابا، بحال كوريا لجنوبية ولمملكة لمتاحدة. وكيخدم هاد السلاح بلݣاز، وكيشبه تصميم دخلاني ديالو لبندقية هكلر أند كوخ جي36. وكيتميز بتفوق ديالو من ناحية دلمدى ولقدرة ديالو على لاختيراق.

PM12 : هاد رشاش تطور فلخمسينيات، وتحط فلأسواق أول مرة فعام 1959م. وتعتامد فعام 1961م من لقبل دلجيش لإيطالي، ولكن لموقع ديال «ميليطري توداي» كيتوقع بلي غادي يتوقف لاستيعمال ديالو فلقريب، حيت كيقول بلي سالا وقتو.

MAC-10 : تصمم بلواسطة ديال لمصمم دلأسلحة لميريكاني جوردون إنݣرام. ويتميز بحجمو الصغير وبلقدرة تاعو على تنياش على لاهداف لقريبة. وكيوصفوه لخبراء دسلاحات بـ«السلاح التيقة»، وكيتناسب بزاف مع لكواتم د صوت.

CZ Scorpion Evo 3 : هاد سلاح هو من اجيل تالت تصنع فـالتشيك. وتعتامد عليه فعام 2009م من لقبل دلقوات لمسلحة والبوليس فلجمهورية التشيكية. وكيتميز بلوزن لخفيف ديالو وحجمو صغير، ومناسب للهزان بتخبية ولاستيعمال فلداخل دلبنايات ولمركبات ولمساحات الضيقة.

MP9 : هو سلاح صمماتو وصنعاتو من لقبل ديال شركة "Brugger & Thomet" سويسرية. لبلان هو أنه السلاح ما لقاش شي اهتمام فلول، وهادشي خلا لمصممين يديرو عليه كتر من 19 تغيير هنداسي عليه. ومزال كيتستعمل لدابا فلجيش السويسري، وكيتصدر لـبلغاريا ولهند وإندونيسيا وماليزيا وهولندا ولبرطقيز وروسيا وطايلاند.

SAF : هو فردي رشاش طوراتو تشيلي فعام 1993، واعتامدو فيه على لبندقية السويسرية SIG SG 540. وكيتميز بسهولة دلاستيعمال ديالو وسرعة ديال طليق درصاص، اما لمدى ديالو كيوصل لـ100 متر.