فاطنة بنت الحسين

مغنية مغريبية

فاطنة بنت الحسين (زيادة فسيدي بنور ف 1935، توفات ف 6 أبريل 2005) مغنية عيطة مغريبية. هي من أهم فناني العيطة ف لقرن لعشرين ف لمغريب، وكانت متخصصة فالعيوط العبدية والمرساوي والعيوط الحوزية والحصباوية. فاطنة رتبطات بزاف بمجموعة ولاد بنعݣيدة لدرجة أن السمية الفنية ديالهوم كانت لمدة طويلة "فاطنة بنت الحسين وولاد بنعكيدة".[1]

فاطنة بنت الحسين
معلومات عامة
زيادة 1935
سيدي بنور
لموت 6 أبريل 2005 (69/70 عام)
لمغريب
لجنسية لمغريب
لحرفة مغنية
لّوغات لي كيعرف عربية و لوغات أمازيغية
لفاميلة
لولاد حفيظة الحسناوية
معلومات خرى
ستيل شعبي مغريبي
لألة صوت


حياتها بدل

بدات فاطنة لغنا فاش كانت صغيرة، وكانت كاتغني ف لمواسم العراس فمنطقة دكالة. العائلة ديالها ماكانوش راضيين على أن بنتهوم تغني، عليها مشات هاجرات ل ليوسفية باش تخدم وتغني معا فرقة الشيخ المحجوب ومراتو الشيخة خدوج العبدية.

من بعد تلاقات معا فرقة ولاد بنعݣيدة، فوسط السبعينات[2]، اللي دارت معاهوم مسار طويل و رتابطات سّمية ديالهوم بجوج ف أغاني نجحات نجاح كبير فالمغريب.

ف غشت 2005، أي ربع شهور من بعد ما ماتت، تم التكريم ديالها من طرف وزارة الثقافة و جهة عبدة دكالة ف لمهرجان لوطني د فن العيطة ف آسفي.

قال عليها لمفكر و لكاتب لمغريبي حسن نجمي:

وخا بنت الحسين خدمات معا بزاف د شّيوخ و شّيخات، فا بعد لالبوم لغنائي لّول لي سجلات، طاحت ف فرقة ولاد بن عݣيدة على لاسرة لفنية الحقيقية ديالها و سجلات معاهم كتر من ميتين أغنية، سوا من قصائد و براول لعيطة ؤلا من لأغاني شّعبية. ؤ مابعداتش من لفرقة حتا شرفات ؤ عيات لكسدة ؤ صّوت ديالها، موراها قررات تعتازل بعدما رجعات من لحج هادي تلت سنين، كيما أكدات ليا ف ملاقية جمعاتنا ف بيت لفنان حجيب فرحان ف رّباط.[3]

الريپيرطوار بدل

فاطنة بنت الحسين خلات كتر من 100 أغنية منها أغاني ديالها ؤلا إعادة غناء أغاني تراتية مشهورة و قديمة ديال لعيطة، من أهمها:[4]

  • هاداك حبيبي
  • مولاي عبد الله الوالي - اللي هي فالأصل مولاي التهامي.
  • بريولات - قصائد زجلية لمولاي التهامي
  • بين الجمعة والثلاث
  • عيسى بن عمر كال كلام
  • ركوب الخيل
  • مولاي الطاهر
  • الحب المغدور
  • خربوشة
  • الشاليني
  • دايرة يديا فيديه
  • الربطة زغبية

عيون لكلام بدل

  1. ^ "سنة على وفاة فاطنة بنت الحسين الفنانة التي أغنت خزينة الأغنية الشعبية". مأرشيڤي من لأصل ف 2019-11-11. تطّالع عليه ب تاريخ 2019-11-11.
  2. ^ "فاطنة بنت الحسين… "عرابة" العيطة". مأرشيڤي من لأصل ف 2022-01-21. تطّالع عليه ب تاريخ 2019-11-11.
  3. ^ "الأسطورة فاطنة بنت الحسين". مأرشيڤي من لأصل ف 2023-06-03. تطّالع عليه ب تاريخ 2022-02-15. رغم أن بنت الحسين اشتغلت مع شيوخ وشيخات عديدين، فإنها بعد مجموعتها الغنائية الأولى التي سجلت معها عددا من الأسطوانات، عثرت في مجموعة أولاد بن اعكيدة على أسرتها الفنية الحقيقية الثانية وسجلت معهم أكثر من مائتي أغنية، سواء من قصائد وبراول العيطة أو من الأغاني الشعبية. ولم تبتعد عن المجموعة إلا بعد أن تقدمت في السن وتعب الجسد والصوت، ثم قررت الاعتزال بعد عودتها من الديار المقدسة قبل ثلاث سنوات، كما أكدت لي ذلك في لقاء جمعنا معا ببيت الفنان حجيب فرحان بالرباط.
  4. ^ "فاطنة بنت الحسين ... رائدة العيطة". مأرشيڤي من لأصل ف 2019-11-11. تطّالع عليه ب تاريخ 2019-11-11.