فاطمة مروان
فاطمة مروان (مزيودة ف 1952 ف بنسليمان) كانت قبل شادّة لمنصب ديال وزيرة د صّناعة تّقليدية ؤ لقتيصاد لجتيماعي ؤ تّضامني، ؤ هيّا متخرجة من كلية د طب ف ليون ف فرانسا. تم تّعيين ديالها كا وزيرة د صناعة تقليدية ؤ لقتيصاد لجتيماعي ف 10 أكتوبر 2013، من حزب تجمع لوطني د لأحرار ؤ بقات فاطمة مروان كتشغل نفس لمنصب حتال 5 أبريل 2017.[1][2][3]
فاطمة مروان
| ||
| معلومات عامة | ||
| زيادة | 1952 (71/72 عام) بنسليمان | |
| لجنسية | لمغريب | |
| لحرفة | طبيبة غدد صماء، سياسية و طبيبة | |
| لّوغات لي كيعرف | لوغات أمازيغية و عربية | |
| معلومات خرى | ||
| لحيزب | تجمع لوطني د لأحرار | |
ساهمت ف صّياغة د لبرنامج ديال حزب تجمع لوطني د لأحرار ف مجالات صّحة ؤ تّعليم، ؤ أطرات بزاف ديال لّقاءات د لحزب. ؤ شغلت فاطمة مروان شحال هادا منصب ديال أستاذة ف لكلية د طّب ؤ صّيدلة ف دّارلبيضا، ؤ طبيبة ختصاصية ف أمراض لغدد ؤ سّكّار ؤ تّغدية ف لمركز لاستشفائي لجامعي بن رشد، ؤ رئيسة ديال لجمعية لمغربية ل أمراض لغدد ؤ سّكّار ؤ تّغدية. ؤ هيّا عضوة منتاخبة ف لّجنة لعلمية ف كلية د طّب ؤ صّيدلة ف دّارلبيضا، ؤ عضوة ف لّجنة لوطنية ل لوقاية ؤ محاربة مرض سّكّار ف وزارة صّحة. ؤ صدرات فاطمة مروان بزاف د لمقالات ؤ دّراسات لعلمية ف مجلات ؤ جورنالات علمية دولية متخصصة. ؤ هيّا عضوة ف جمعية دارلبيضا شيكاݣو سيستر سيتيز، ؤ كاتساهم بشكل كبير ف لمجال صّحي ؤ ف تعزيز لعمل لجتيماعي. ؤ من نهار خرجات من لقطاع لعمومي ف عام 2005، بقات فاطمة مروان كتمارس ف إطار لقطاع لخاص كا طبيبة ختيصاصية ف أمراض لغدد ؤ سّكّار ؤ تّغدية.[4]
عيون لكلام
بدل- ^ "معلومات عن فاطمة مروان". مأرشيڤي من لأصل ف 2021-04-21. تطّالع عليه ب تاريخ 2021-04-18.
- ^ "فاطمة مروان وزيرة الموازنات الصعبة". مأرشيڤي من لأصل ف 2022-03-29. تطّالع عليه ب تاريخ 2021-04-18.
- ^ "فاطمة مروان تؤكد أن الاقتصاد الاجتماعي والتضامني قطاع يخلق الاستقرار والتلاحم الاجتماعي". مأرشيڤي من لأصل ف 2021-04-23. تطّالع عليه ب تاريخ 2021-04-18.
- ^ "فاطمة مروان طبيبة اختصاصية في أمراض الغدد والسكري والتغدية". مأرشيڤي من لأصل ف 2014-04-02. تطّالع عليه ب تاريخ 2021-04-18.