عبد اللطيف عراقي

عبد اللطيف عراقي (مزيود ف 30 نونبر 1971 ف المحمدية) لعاب د الكورة مغريبي سابق كان كيلعب ف لپوسط ديال لڭول.

عبد اللطيف عراقي
معلومات عامة
زيادة	30 نونبر 1971 (52 عام) لمحمدية
لجنسية	لمغريب
لحرفة	كوايري، مدريب د لكورة و دركي
لكاريير ديال الشخص
شارك ف	كأس الأمم الإفريقية 1998 تصفيات كأس العالم 1998 - إفريقيا
رياضة
رياضة	كورة
پوسط	ݣارديان
لفراقي
أعوام	فرقة	ماتشات	بيوتا
1986–2006	شباب لمحمدية		-
2004–2007	نادي النهضة السطاتية		-
لمونتخاب لوطني
1994–1998	لمنتخب لوطني لمغريبي د لكورة		-

لكاريير

داز عبد اللطيف عراقي ف كثر من عشرة د الفراقي لي كاملة كاينة ف المغرب أهم وحدة فيهوم شباب المحمدية، فين بقى 20 عام من مور ما انضم للفريق ف 1986 وفين غايولي من أبرز اللعابة د البطولة ف المركز ديالو لدرجة أنه كان ولى كيتكونڤوكا بصفة منتظمة للمنتخب الوطني ف وسط التسعينات، بالخصوص ف الفترة ديال الإقصائيات ديال الكان و ديال كأس العالم 1998. ف المجموع عندو ربعة د الماتشات دوليين كاملة تحت القيادة ديال هنري ميشيل، أولها كان هو الميكال لي ربح المنتخب 3 ل 1 ف شهر واحد 1996 ف الرباط ضد تونس لي كانت كاتوجد للكان ديال 1996 ف جنوب إفريقيا، وآخر ماتش د عراقي هو فاش كان دخل ف النص ساعة اللخرة ضد غانا ف شهر واحد 1997 مور ما تبليسا عبد القادر البرازي، وكانو ماركاو عليه غانا جوج بيوت ف 13 دقيقة اللخرة من مور ما كان المنتخب رابح ب 2 ل 0، وكان هاداك الماتش الوحيد ف إقصائيات كأس العالم ديال 1998 لي ما كانش دا فيه المنتخب ثلاثة د النقاط كاملة.

فاش خرج من شباب المحمدية ف 2006 كان ولى مدرب ومشرف على مدرسة أشبال الأطلس لي تا هي كاينة ف المحمدية واخا كان مازال ما سالا الكاريير ديالو، وفاش كان كيلعب ف 2010/2011 ف جمعية المنصورية كان ف نفس الوقت كيدرب ليهوم الڭوال، وانطلاقا من 2012 ومن مور آخر تجربة ديالو كلعاب ف صفوف هاوس سطات ف الهواة غايتفرغ تماما للتدريب. آخر تجربة ديالو ف هاد المجال كانت ف 2021/2019 كمدرب حراس ديال شباب المحمدية، وكانت هاديك ثاني مرة كيشتاغل فيها ف الدكة ديال النادي من مور ما كان مدرب مساعد بين 2015 و2017.