عبد السلام بن محمد اليعقوبي الولاني
عبد السلام بن محمد اليعقوبي الولاني
| ||
| ||
| معلومات عامة | ||
| لجنسية | لمغريب | |
| لحرفة | متصوف | |
| لّوغات لي كيعرف | لوغات أمازيغية، لهجات عربية مغاربية و عربية | |
سيدي عبد السلام بن محمد اليعقوبي الولاني، هو متصوف ؤ ولي صالح من المغريب، كاين الضريح ديالو فالمركز القروي زاوية سيدي عبد السلام فجماعة تيزݣيت، إقليم إفران. هاد المركز القروي أسسو الولي الصالح عبد السلام بن محمد اليعقوبي الولاني ؤ تسمى على سميتو. هاد الشخصية الدينية والتاريخية عندها مكانة كبيرة فالمجتمع المحلي، و تايزوروها الناس بشكل دوري باش يتبركو بيها و يقدمو ليها القرابين.[1]
التاريخ
بدل
تايرجع أصل الولي الصالح عبد السلام بن محمد اليعقوبي الولاني لمناطق أمازيغية فالجنوب الشرقي دالمغريب، تحديدا من واحات واد زيز و السفوح دالأطلس الكبير الشرقي. الجد اللول المعروف ديال عبد السلام هو سيدي يعقوب لي هاجر منطقة الريصاني فالقرن صطاش و ستاقر فمنطة زايدة، لكن ولادو أحمد و عبد السلام، ستامرو فالهجرة للشمال. عبد السلام غادي يوصل للبلاصة لي هي اليوم زاوية سيدي عبد السلام، و غادي يعجبوه الخيرات الطبيعية ديالها على واد تيزݣيت فالأطلس المتوسط، و غايستاقر فيها باش يأسس هاد التجمع السكني لي معروف اليوم بزاوية سيدي عبد السلام، و لي غايرجّع منو بلاصة ديال الإقتصاد والفن والعلوم والدين. بعد ما أسس المستعمر لفرانساوي مدينة إفران، تراجعات الشعبية ديال زاوية سيدي عبد السلام.[1]
الضريح
بدلالضريح لي مدفون فيه عبد السلام بن محمد اليعقوبي الولاني كاين فزاوية سيدي عبد السلام، و هو عبارة على قبة هرمية خضرا من لياجور.
عيون لكلام
بدل- ^ a b "Zaouïat Sidi Abdeslem, commune rurale de TIZGUIT – IFRANE – partie 1". Les Recueils de Rapha (ب لفرانساوية). 2021-04-26. مأرشيڤي من لأصل ف 2023-08-11. تطّالع عليه ب تاريخ 2023-08-09.