سيينين
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
سييْنين هو مؤشير ديموغرافي ديال لمانݣا و لآنيمي كايستهدف لجمهور د الناس لبالغين من الرجال، لي عوموما كايكون عمرهم بين 18 و 35 ك متوسط. هادشي عكس لمانݣا شوونين، لي كاتڤيزي على الدراري الصغار و لموراهيقين لي عمرهم بين 8 سنين حتى ل18 ك متوسط. كاين عاوتاني موقابيل د هاد النوع د لمانݣا و لآنيمي لي كايستهدف لبنات لبالغات سميتو جوسيي، لي تصاوب باش يرضي الدوق د لبنات لي لعمر ديالهوم بين 18 ل 30.
التعريف و لخصايل
بدلف هاد النوع كاين تركيز قوي على لحبكة و ب التالي تركيز قل على لآكسيو و لحركة، الشخصيات و تفاعولاتهوم غاليبا كاتكون متطورة كتر على لمانݣا و لآنيمي د الشونين، بسباب هادشي، السينين بعض لمرات كايتغالط لناس معا لمانݣا د الشوجو ، حيت هاد النوع مامعروفش بزاف برا لجاپون، زيد لفانز كايعرفو مراحيل تاطوور د لكاراكطير، لعلاقات ديالهوم و الرومانسية ديالهوم، و لي بتلاتة بيهوم خصايل ف لمانݣا د الشوجو. وخا هاكداك، السينين ديما كايعالج هاد لمواضيع ب واقيعية كبر. ف لوقيتة لي الشوجو كاتركز على الميتالية ف لعلاقات الرومانسية بين لكاراكطيرات. لمانݣات لي كايكون فيهوم لهينطاي حتى هوما كايتصنفو سينين (ب ستيتناء الياووي).
لمانݣا و لآنيمي د السينين كايميلو كتر باش ينقلو لواقيع، معا بزاف د الديطاي ف نقيل لأحدات باش يزيدو حس لواقيعية، و حتى لمواضيع لي فيها لعناصر د لفنطازيا كاتدوز ب شكل منطيقي كتر من لأنواع لاخرى. هادشي مكايعنيش بلي خصنا نعممو هاد لجوانب على ݣاع لأعمال د السينين، كاين شي أعمال وخا ماتكونش فيهوم هاد لخصايل، تقدر تصنف ك سينين الا كان ف لأصل لجمهور لمستهدف هو الديموغرافية ديال السينين.
كيفاش نقدرو نعرفو بلي شي مانݣا سيينين
بدلصعيب تشوف شي مانݣا باش تحدد واش سيينين، شوونين، ولا شووجو. ف لوقيتة لي شي طيمات بحال لعنف الزايد و لمواضيع لجينسية يقدرو يكونو مؤشير، كاينين جوج ديال الديطاي لي نقدرو نخدموهم باش نحددو واش لمانݣا سيينين.
- الديطاي اللول هو لمجلة لأصلية لي تنشرات فيها لمانݣا، واش لمجلة سيينين ولا لا.
- الديطاي التاني هو لحضور ولا لغيياب ديال لفوريݣانا. لي هي لهيراݣانا (واحد من شكال د لكتابة لجاپونية) كاتكتب حدا لكانجي، لفوريݣانا كاتعاون الناس لي مكايعرفوش يقراو لكانجي، ملي لفوريݣانا مكاتكونش ف لمانݣا هادشي كايعني بلي لمانݣا مڤيزيا فيئة السيينين (البالغين) لي كايعرفو يقراو أغلب لكاراكطيرات ديال لكانجي.
مجلات د السيينين
بدلهادو إكزومپلات ديال مجلات د السيينين و لمانݣات لي تنشرو فيهوم.
- يونݣ ماݣازين لأوسبوعية
- 3×3 عيون
- ݣوست إن ذا شيل
- إنيشال دي
- پريزن سكوول
- يونݣ دجامپ لأوسبوعية
- مملكة
- كيرارا
- طوكيو غول
- بيݣ كوميك أوريجينال النص شهرية
- أوكامي سان
- هاݣوريݣومو
- مونستر
- مانݣا ݣوراكو لأوسبوعية
- ݣينݣا ليدجند وييد
- دجاك لعانيف
- ݣانيبال
- بيݣ كوميك النص شهرية
- روح من الشمش
- شجرة من الشمش
- ݣولݣو 13
- كوميك كايراكطين الشهرية (هينطاي)
- مورنين لأوسبوعية
- كووكينݣ پاپا
- پلانيطيس
- زيپانݣ