پريزن سكوول
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
| مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
پريزن سكوول
| ||
| معلومات عامة | ||
| لعنوان لأصلي | 監獄学園 | |
| نوع د لمانڭا | أنمي ومانغا كوميدية | |
| مانڭاكا | اكيرا هيراموتو | |
| لّوغة لأصلية | جاپونية | |
| تاريخ د لبدية | 7 فبراير 2011 | |
| تاريخ دلمسالية | 25 دجنبر 2017 | |
| لجوايز |
| |
| لموقع الرسمي | https://yanmaga.jp/c/prison_school/ | |
پريزن سكوول (ب الجاپونية: 監獄学園プリズンスクール، پوريزون سوكوورو، مدرسة لحبس) هي سيرية د لمانݣا جاپونية كتبها و رسمها آكيرا هيراموطو. لمانݣا تسلسلات ف مجلة د السينين، يونݣ ماݣازين لسبوعية د دار النشر كوضانشا من فبراير 2011 حتى ل دجنبر 2017. لقصة كاتاخد بلاصة ف مدرسة صارمة و مشهورة كانت مخصوصة شحال هادي غير ل لبنات، و لايني ليدارة بدلات السياسة الداخلية ديالها باش يدخلو 5 د لولاد، على ود سلوكهوم، هاد لولاد غادي يلقاو راسهوم محجوزين تما. غادي يكونو ملزومين باش يواجهو ݣاع النواع د لمصايب باش يقدرو يخرجو من هاد لوضعية لخايبة و يشوفو طريقة كي يهربو من لتيحاد د التلميدات.
آضاپطاسيو د سيرية آنيمي تلفازي د 12 لحلقة، خرجها تسوطومو ميزوشيما، تبتّات من يوليوز ل شتنبر 2015. سيرية د الدراما تصوير حي تبتّات من أوكتوبر ل دجنبر 2015. أوڤا فيها حلقة وحدة خرجات ف 2016.
ف مارس 2018، لمانݣا جابت كتر من 13 لمليون ݣوپي و هي كاتسلسل. ف 2013، پريزن سكوول ربحات لجايزة ال37 د جوايز لكوضانشا ف لفيئة لعامة.
لحبكة
بدلواحد لوقت فين آكاديمية هاتشيميتسو لپريڤي لي ف جوايه طوكيو، كانت محتارمة و غير ل لبنات، و لكن لموراجعات لخرة د السياسية الداخلية سمحات حتى ل الدراري يدخلو ل لمدرسة. ف نهارو اللول، كييوشي فوجينو كتاشف بلي غير هو بوحدو و خمسة د لولاد خرين لي ف لمدرسة. و هوما يوليو مفتونين ب لآلاف د لبنات لي كاينين ف لكومپيس، هاد الشوية د لولاد غادي يلقاو راسهوم ف وضعية ماشي ميتالية وسط لمدرسة.
الشخصيات
بدلپروطاݣونيستات
بدل- كييوشي فوجينو ب صوت هيروشي كامييا
كييوشي تقيد من نفس ليعدادية لي تقيد فيها شينݣو، هو أول ولد ف آكاديمية هاتشيميتسو لي دار كونطاكط معا بنت ملي تعاشر معا تشييو، لي غايربي عليها لكبدة ف اللاحق، وخا ماشي مطور بزاف، دايمان كايدبر على بلانات ناجحة ملي كايكون تحت شي ضغط كبير. ب سباب بزاف د لمواقيف لي فيها سوء تفاهوم، ولا هدف ل لعاطيفة د هانا ف لوقيتة لي هو محبوس، حتى ل دابا، هو بوحدو بين لخمسة د لولاد لي تسيفطو ل لحبس كتر من مرة، و منين مجلس التلميدات لفوق أرضي خداو السلطة ف لحبسة ديالو التانية، كايولي شريك معا ماري، لي حتى هي ولات ف لحبس.
- طاكيهيطو موروكوزو ب صوت كاتسويوكي كونيشي
طاكيهيطو، كايعيطو ليه "ݣاكطو" هو تلميد غريب لطوار، كايلبس لمضاضر، تقيد هو و جو من نفس ليعدادية، عندو هتيمام كبير ب لممالك التلاتة و كايهدر بحال الناس لقدام، ديما كايهدر على راسو ب الضامير التالت، و لايني ف لحبس، ݣاكطو هدف تابت ل التعديات د مييكو. وخا السلوك ديالو منحارف، ݣاكطو سطراطيجيست واعر لي كايوضف الطاكتيكات د جينيرالات لممالك التلاتة ولا شي ݣيرات قدام، هاد لخوطاط بينو لفعالية ديالهم ف أغلب لبلانات لي دار، لكراش ديالو هي ميتسكو.
- شينݣو واكاموطو ب صوت كينيشي سوزومورا
شينݣو هو تلميد متشائم لي كايبان بحال شي موشاغيب. لكراش ديالو هي آنزو، و فايت بين بلي هو ولد متشائم ب شكل كبير، بعد لمحاولة د التدرام د كييوشي، تبرأ منو و دار راسو ماكايعرفوش.
- نيزو جووجي ب صوت ضايسكي ناميكاوا
جووجي، كايعيطو ليه "جو"، هو أرقق واحد بين لخمسة. مولوع ب النمل، ديما كايغطي وجهو ب لقُب، ضعيف جسديا بزاف، و كايتمحن ب سباب واحد لكحة ب الدم ب سباب واحد الشكل ماشي مميت ديال لتيهاب لفم. جو كان ف نفس لمدرسة معا ݣاكطو. لكراش ديالو هي صاطو.
- رييجي آنضوو ب صوت كازويوكي أوكيتسو
رييجي آنضوو، كايعيطو ليه "آندري" هو ولد غليض و مازوخي. مولوع ب مييكو و كايتشهاها ديما "تعاقبوا"، ف اللاحق غايربي على ريسا لكبدة، هادشي لي غاتستاغلو كاطي.
مجلس التلميدات التحت أرضي
بدل- ماري كوريهارا ب صوت صاياكا أوهارا
ماري هي رئيسة د مجلس التلامد التحت أرضي، هي بنت مودير لآكاديمية د هاتشيميتسو و خت تشييو، بنت باردة لعواطف و كاتضرب حسابها، ماري ناوية باش تحافض على التقاليد و لقوانين د لمدرسة. من لبدية وهي كاتحتاقر لولاد و لقرار د باها ف دخول لولاد للمدرسة، هاد لخصايل جاو منين عاقت ب السلوك لمنحارف د باها، منين كانت ف ليعدادي، ماري عاونات مييكو باش توقف ضد التنمور لي طرا ليها من كاطي، و بجوج ولاو صحابات الروح ب الروح من ديك لوقت، هي، كيما لخرين ف فاميلة د كوريهارا، كايوضفو فلسافة ف شي شكل ف لحكيم على الشخصية د شي حد، فلسافتها هي، "أي حد كايعجبوه طيور لغراب، مغايكونش شخص خايب ݣاع".
- مييكو شيراكي ب صوت شيزوكا إيطوو
هي نائيبة الرئيسة د مجلس التلامد التحت أرضي، عندها نقص الشوف. هي لي حاضية الدراري ف لحبس. ف ليعدادي، كانو كايتنمرو عليها ب سباب صدرها لكبير. هي أقوى بنت ف لمدرسة، و عندها معا الجودو، مييكو كاتعرف تديسيپليني ب شكل قاصح لولاد، و ديما كاتعاقبهوم على أتفه حاجة، خوصوصا ݣاكطو، وخا هي شخص قوي، كاتخاف بزاف لا تخسر خاطر ماري، كاتولي كاتعرق بزاف ملي كاتكون ف هاد لموقف، عزيز عليها تطريني لكاليسطينيكس، و ديما كاتبان كاتريني شي أونطرينمات فشي شكل، ب سباب لفورمة ديالها لفاخرة، لونيفورم د لمدرسة بزز كايستر لحمها.
- هانا ميدوريكاوا ب صوت كانا هانازاوا
هانا هي السوكريطيرة د مجلس التلامد التحت أرضي. ديما كاتطيح ف أكفس لمواقف معا كييوشي، لي ولات كاتبغيه، عندها معا فنون لحرب، و ديما كاتخدم لكاراطي باش تضرب لولاد ب وحشية هادشي يلا لعيقاب د مييكو ماݣرش، وخا كاتبان مرزنة و حادݣة، هي ف لحقيقة مبرهشة و كاتفهم لولاد، و ماكاتعرفش تآضابطا معا لمواقف لي مكاتوقعهاش، من مور ماتطلقات من لحبس، خدمات كا جاسوسة د ماري ف مجلس التلامد لفوق أرضي.
مجلس التلميدات لفوق أرضي
بدل- كاطي طاكينوميا ب صوت آمي كوشيميزو
كاطي هي الرئيسة د مجلس التلامد لفوق أرضي و لمنافيسة د ماري، هي لي دعات مجلس التلامد التحت أرضي ملي تلصقات عليهوم تهمة، تنقاص مدة لحبس د لولاد، و زادت عدباتهوم ملي دخلو ل لحبس. ناضية ف لآيكيضو، و فنانة تلاعب حرايفية، كاطي عرفات كيفاش ترد لمدرسة كاملة ضد لمجلس التحت أرضي، و دغيا ولات لعدو د ماري و لولاد.
- ريسا بيطوو
هي نائيبة الرئيسة د مجلس التلامد لفوق أرضي، مخبية حب قوي ل آندري و كاتوضف طيكنيكات سادية باش ترضيه. ب سباب هادشي، ولات كاتكره مييكو. عندها معا لكينضو، و قادرة تتطايف معا مييكو و هانا، زيد ماطرية واعرة وخا صغيرة على السوݣان.
- ميتسكو يوكوياما ب صوت ميكاكو طاكاهاشي
ميتسكو هي السوكريطيرة د مجلس التلامد لفوق أرضي و بنت عم آنزو، عندها إعجاب ب ݣاكطو و مرعودة بزاف
شخصيات اخرى
بدل- لمودير كوريهارا ب صوت كييجي فوجيوارا
هو لمودير د آكاديمية هاتشيميستو و بات ماري و تشييو، هو لاباس عليه و لكن منحارف، ديما كايتعاطف معا لولاد. عندو بزاف د التصاور د لبنات ف لبيرو ديالو، و ديما كاتلقاه كايشوف ف التصاور و هو كايدير رونديڤووات معا شخصيات اخرى. هو، كيما لخرين ف فاميلة د كوريهارا، كايوضفو فلسافة ف شي شكل ف لحكيم على الشخصية د شي حد، فلسافتو هي، "أي حد كايعجبوه لمؤخيرات، مغايكونش شخص خايب ݣاع".
- تشييو كوريهارا ب صوت تشينامي هاتشيموطو
هي بنت قيسم كييوشي و هوايتها لفراجة ف السومو، كييوشي كايكراشي عليها، و هي كاتكراشي عليه. هي خت ماري و كاتحتارمها بزاف، هي، كيما لخرين ف فاميلة د كوريهارا، كايوضفو فلسافة فش شي شكل ف لحكيم على الشخصية د شي حد، فلسافتها هي، "أي حد كايعجبو السومو، مغايكونش شخص خايب ݣاع". ف اللخر د السيرية غاتاخد بلاصة ماري كا رئيسة د مجلس التلامد التحت أرضي
- آنزو يوكوياما ب صوت يوو طايتشي
آنزو هي جاسوسة سابقة د مجلس التلامد التحت أرضي و بنت عم ميتسكو، عندها إعجاب ب شينݣو، و كبر منو ب عام
- صاطوو ب صوت نانا هاماصاكي
تلميدة ف آكاديمية هاتشيميستو، لكراش د جو. كاتبان غير ف لأوڤا
- مايومي طاناكا ب صوت آمي ناناسي
الصاخبة لعزيزة د تشييو و لي كاتكون معاها ف أغلب لمرات