ديث نوط

ديث نوط
معلومات عامة
لعنوان لأصلي	デスノート
نوع د لمانڭا	أنمي ومانغا غموض، supernatural anime and manga و thriller anime and manga
مانڭاكا	تسوݣومي أوبا
لّوغة لأصلية	جاپونية
تاريخ د لبدية	1 دجنبر 2003
تاريخ دلمسالية	15 ماي 2006
لجوايز	(2008)  Prize for the best shonen at the Manga Barcelona
لموقع الرسمي	http://www.j-deathnote.com/

دّيت نوط (لعنوان لأصلي デスノート Death Note بمعنى لكناش د لموت) هيّا سيرية د لمانݣا جاپونية مألفها لمانݣاكا تسوݣومي أوبا، ؤ تنشرات ف مجلة د ويكلي شونن دجامپ من دجنبر 2003 حتال ماي 2006.

ف 3 أكتوبر 2006 بدات كاتخرج سيرية د أنيمي من لإنتاج ديال ستوديو مادهاوس، ف شّين د نيپون تيڤي جّاپونية. نّجاح لكبير لي لقاتو سّيرية، لي ولات كاتّعتابر أنيمي كلاسيكي، خلا إنتاجات خرين مبازيين عليها يصدرو، منهوم أفلام أنيمية ؤ حية، روايات، مانݣات ؤ لوعاب د تّيليجو ؤ د لپيسي.

لقصة

عنداك سپويلر!. عنداك... هاد لفقرة يمكن تديرليك سپويلر و تحرقليك لقصّة.

لقصة د ديت نوط كاتعاود علا واحد لعزري جاپوني عبقاري سميتو ياݣامي لايت 夜神 月 (ؤلا رايطو كيما كاتّنطق ب جّاپونية) لقا دفتار مكتوب علا غلافو ب نّݣليزية Death Note (دفتار ؤلا كناش د لموت)، ؤ كتاشف بلي هاد دّفتار عندو قدرة سحرية باش يقتل أي شخص، يلا لواحد كتب فيه سميتو ؤ كان شايف وجهو قبل. هاد دّفتار كان أصلا ف لملكية ديال رب د لموت (ب جّاپونية شينيݣامي)، سميتو ريوك リューク لي عايش ف عالام ديال شّينيݣامي ؤ كيراقب شنو كيطرا ف لعالام د بنادم حيت جاه لمالال ؤ بغا يقصّر ؤ يدوّز لوقت، ؤ من بعد كينزل ل لعالام د بنادم ؤ يتلاقا معا لايت. لايت غادي يخدّم دّيت نوط باش يبدا يقتل لمجرمين ؤ يرد لعالام آمن كتر، علا حساب تّصور ديالو، ولاكين معا لوقت ولّات عندو عقدة د رّب، يعني ولا كيحساب ليه راسو بلي عندو لحق باش يقرر شكون ف بنادم لي مزيان ؤ شكون لي شرير ؤ كيستاحق لموت، ؤ بلي أي واحد كيعارضو ؤلا كيحاول يحبسو من تحقيق لأهداف ديالو، حتا هوا كيستاحق لموت. سّيناريو كيتبّع لمواجهة مابين لايت ؤ واحد دّيتيكتيڤ، عبقاري حتا هوّا، مسمي راسو إيل L، ؤ مامبينش راسو ؤ سميتو لحقيقية، ؤ سّطراتيجيات دّكية لي كيخدّم كولا واحد فيهوم باش يشد لاخور ؤ يسالي معاه.

عيون لكلام

تقدر تزيد شوف بزاف د تّصاور و لمعلومات ديال Death Note ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.