دورتموند
دورتموند
| ||||
|
Dortmund (de)
| ||||
| ||||
وسط لمدينة ديال دورتموند
| ||||
| تاريخ التأسيس | 882 | |||
| لبلاصة | ||||
| لبلاد | ألمانيا | |||
| لجيهة | شمال رّاين ڤيستفاليا | |||
| لإقليم | منطقة ديال رّور | |||
| لإدارة | ||||
| لعمدة | طوماس ڤيستفال | |||
| السكان | ||||
| شحال دالسكان | 612.065 (2023) | |||
| السكان الدكور | 289,096 $1 288,386 $1 | |||
| السكان لعيالات | 298,600 $1 | |||
| لجغرافيا | ||||
| لميساحة | 280.71 كم² | |||
| لقمة لعالية | Klusenberg (254.33 م) | |||
| لعلو | 103 م | |||
| معلومات خرا | ||||
| توقيت ديال لمدينة | ڭرينيتش + 1 (توقيت قياسي) ڭرينيتش +2 (التوقيت د الصيف) | |||
| نمرة التيليفون لمحلية | 0231 و 02304 | |||
| كود د لبوصطة | 44135–44388 | |||
| السيت الرسمي | dortmund.de | |||
| الرمز لجغرافي | 2935516 | |||
دورتموند (ب لألمانية: Dortmund) هي مدينة كبيرة لّي كاينة ف لغرب ديال لألمان ف جّيهة سميتها شمال رّاين ڤيستفاليا (ب لألمانية: Nordrhein-Westfalen نوردراين ڤيستفالن، ب لفرانساوية: Rhénanie du Nord-Westphalie).[1][2][3] راها تاسع أكبر مدينة ف لألمان، ؤ تالت أكبر مدينة ف هاد جّيهة من ناحيت عدد سّكان. حتا هي أكبر مدينة من ناحيت عدد سّكان ؤ لميساحة ف لمنطقة سميتها منطقة ديال رّور ؤلا حتا سميتها حوض رّور (ب لألمانية: Ruhrgebiet رورڭِبيت ؤ ب لّهجة ديالهم: Ruhrpott رورپوط).[4][2]
هاد لمدينة ؤ ڭاع لمدون ف لمنطقة ديال رّور كانو معروفين ف لألمان ؤ ف ؤروپا ب صّناعة، خاصة ب صّناعة ديال لفحم ؤ لحديد.[4] حتا ليومة كاينين ف دورتموند مناجم (لبلاصات لّي فيها كانو نّاس يخرجو لفحم من لأرض) ؤ مصانع ديال لحديد، ولكن نّاس مايخدموش فيهم هادي سنين. من بعد بلعو لبلاصات ديال صّناعة، كانت ليدارة ديال لمدينة تخليهم واقفين باش تبدلهم حتا ولاو متاحف ؤلا ساحات ديال رّاحة. ليومة دوك لبلاصات راهم معروفين على ود سّياحة من ڭاع لمدون ف لألمان ؤ حتا لبلدان ف لعالم.[5][6]
دورتموند هي دابا معروفة ف ڭاع لعالم ب لكورة على ود نّادي نّاجح بوروسيا دورتموند (ب لألمانية: Borussia Dortmund) جاي من تما.
تيسكنو فيها كتر من 612.000 ديال نّاس،[7] ؤ ف لمنطقة ديال رّور كتر من 5,1 مليون ديال نّاس لّي راها لمنطقة سادس أكبر ف ليتيحاد لؤروپي.[8] لمدون لكبيرة لمجاورة ليها هوما بوخوم (ب لألمانية: Bochum)، هيرنه (ب لألمانية: Herne) ؤ كاسطروپ راوكسل (ب لألمانية: Castrop-Rauxel) لّي حتا هوما جاو ف هاد لمنطقة. راه نّهر رّور لّي يعطي سّمية ل هاد لمنطقة يجري ف لجنوب ديال دورتموند، ولكن نّهر لّي سميتو إمشَر (ب لألمانية: Emscher) يجري عبر هاد لمدينة.
عيون لكلام
بدل- ^ "Dortmund | Germany, Map, Population, & Facts | Britannica". www.britannica.com (ب نڭليزية). 2024-08-31. تطّالع عليه ب تاريخ 2024-09-17.
- ^ a b "Dortmund, Allemagne - Cité interculturelle - Programme des « Cités interculturelles » - www.coe.int". Programme des « Cités interculturelles » (ب لفرانساوية). تطّالع عليه ب تاريخ 2024-03-20.
- ^ "Dortmund, Allemagne - Cité interculturelle - Programme des « Cités interculturelles » - www.coe.int". Programme des « Cités interculturelles » (ب لفرانساوية). تطّالع عليه ب تاريخ 2024-09-17.
- ^ a b "Découvrir la région de la Ruhr". Connexion-Française (ب لفرانساوية). 2024-04-11. تطّالع عليه ب تاريخ 2024-09-17.
- ^ "Ma région de la Ruhr - Ruhr Tourismus GmbH". RTG - Ruhr Tourismus GmbH (ب لفرانساوية). تطّالع عليه ب تاريخ 2024-09-17.
- ^ e.V، Deutsche Zentrale für Tourismus. "Métropole de la Ruhr : vous en prendrez plein les yeux ! - Germany Travel". www.germany.travel (ب لفرانساوية). تطّالع عليه ب تاريخ 2024-09-17.
- ^ "Dortmunder Statistik | dortmund.de". www.dortmund.de (ب لالمانية). تطّالع عليه ب تاريخ 2024-03-20.
- ^ "Région de la Ruhr / Ruhrgebiet". www.citego.org (ب لفرانساوية). 2015. تطّالع عليه ب تاريخ 2024-09-17.
|
تقدر تزيد شوف بزاف د تّصاور و لمعلومات ديال Dortmund ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |