موت

لموت هو نهاية لحياة ديال لكائن لحي وهو وقف دايم ومافيهش الرجوع لجميع لوضائف لبيولوجية لّي كاتحافض على لكائن لحي. كايتستعمل لموت الدماغي بعض لمرات كا تعريف قانوني ل لموت. كايبدا لكائن لّي كان حي يتحلل مور لموت دغيا. لموت هو عملية عالمية حتمية كاتوقع فنهاية لمطاف لجميع لكائنات لحية.

روضة ف قنيطرة ؤ موراها جامع

لموت يقدر يجي بسباب الشرف ولا لمرض ولا لإفتراس ولا سوء التغدية ولا لإنتحار.

من لبدايات لقرن 21، كايموتو تقريبا كتر من 150.000 إنسان كل يوم، منهوم 100.000 ب سباب شّيخوخة.

بزاف ديال التقافات والأديان عندها فكرة لحياة لاخرة، وحتى فكرة لحكم على الأعمال لمزيانة ولخايبة فحياة بنادم. وهادشي كايشمل لإيمان ب لقيامة و لجنّة و لجحيم ولا لاخرة (لمرتابط ب الأديان الإبراهيمية) ، ولا التناسخ و لمعاودة د التجسد (لمرتابط بالديانات الدارمية) ، ولا اللاوجود بشكل دائم، و لمعروف ب سميت لعدم (لمرتبط ب اللادينية و لفلسفة لمادية).

لأنطروپولوجي لميريكاني إيرنست بيكير كيعتابر بلي بزاف د لمضاهر ديال تّقافة عند بنادم، بحال لفن، لموسيقا، دّين ؤ سّياسة، تطورات كا ميكانيزم ديفاعي نفسي ضد لفيكرة د لموت، حيت لإنسان هوّا لكائن لوحيد لي عندو وعي بلي واحد نّهار غادي يموت، ؤ هادشي كيسبب ليه قلق وجودي، ؤ كيخليه يقلّب علا معنى ل لوجود ديالو. ف مقطع من كتابو "رفض لموت" كيݣول:

هادا هوّا رّعب: باش تكون جيتي من والو، تكون عندك سمية، وعي ب راسك، أحاسيس دخلانية عميقة، رغبة دخلانية ماكاتقاومش ل لحياة ؤ تّعبير علا دّات، ؤ وخا هادشي كامل غادي تموت

عيون لكلام

تقدر تزيد شوف بزاف د تّصاور و لمعلومات ديال Death ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.