لفرق بين الجوج ڤيرسيونات ديال: "أناس السدراتي"
dir chi ssfha b "{{معلومات شخص}} أناس السدراتي ( بلأمازيغية: ⴰⵏⴰⵙ ⵙⴷⵕⴰⵜⵉ- تولد ف 20 أكتوبر 1989 ف سلا) هو مهندس ات..." |
(حتى فرق)
|
مراجعة 19:12، 6 شتنبر 2020
أناس السدراتي ( بلأمازيغية: ⴰⵏⴰⵙ ⵙⴷⵕⴰⵜⵉ- تولد ف 20 أكتوبر 1989 ف سلا) هو مهندس اتصالات ومدير مشاريع و بودكاسطر وويكيپيدي مغريبي وواحد من لمؤسسين د ويكيميديا لمغريب و ويكيپيديا بالدارجة ومن الناس اللي حطًوا لقواعد ديالها وكتبو فيها بزاف د لمقالات. أناس هو أول مغريبي خدم مع لمؤسسة د ويكيميديا[1]، و داكشي ف مارس 2019، ملًي خدم منسق ستراتيجي ديال ستراتيجية ويكيميديا 2030 بلعربية.
أناس السدراتي
| ||
| ||
| معلومات عامة | ||
| زيادة | 20 أكتوبر 1989 (34 عام) سلا | |
| لجنسية | لمغريب | |
| لحرفة | ويكيميدي، مدير د لمشاريع و پودكاسطر | |
| لّوغات لي كيعرف | عربية و لوغات أمازيغية | |
   
| ||
حياتو
تولد أناس السدراتي نهار 20 أكتوبر 1989 ف سلا. هو لكبير ما بين تلاتة د لخًوت. كبر فمدينتو و قرا ما بينها و بين الرباط فين قرا فالثانوية د مولاي يوسف فشعبة لعلوم الرياضية ب. خدا أناس لباك على 16 لعام وكمُل لأقسام التحضيرية د مدارس لمهندسين (لپريپا) فالرباط، و نجح فلمباراة ديال ل-مين ف 2008، اللي دخًلاتو للمدراسة د طيليكوم بًاري[2]. من مورا عاماين ف باريز مشا أناس للسويد و دار ديبلوم مزدوج مع لمعهد لملكي ف سطوكهولم، و ف 2012 خدا جوج ديبلومات د مهندس دولة، واحد من فرانسا[3]، والتاني من السويد. من بعد ما تخرًج، خدم أناس فشراكات د الطكنولوجيا، منها شركات د لخدمات و فاعلين د لإتصالات، فبزاف د لأدوار منها أدوار تقنية و إدارة لمشاريع. ف 2016، بلموازاة مع لخدمة ديالو بدا دكتورا على لحكامة و لأمن د انترنت لحوايج و لبلوكشيين[4]. ف 2018 كان واحد من لممثلين د إفريقيا فمجموعات لخدمة د ستراتيجية لعالمية د ويكيميديا 2030 (مجموعة المرافعة)[5] ، و ف 2019 خدم مع لمؤسسة د ويكيميديا منسق ديال الستراتيجية ديالها بلعربية. دخل أناس لعالم د ويكيبيديا ف 2013، و كتب فاللول فويكيبيديا بلعربية و لينكليزية، و شارك فبزاف د لمؤتمرات إقليمية و عالمية عرًفاتو كتر على لحركة. ف أكتوبر 2015، أسس هو و رضا بنخضرة و سماعيل زنيبر لمجموعة د ويكيميديا لمغريب[6]، اللي نضمات مؤتمر ويكي عربية 2019 ف مراكش. ف 2020، كان من لمؤسسين د ويكيبيديا بالدارجة، ومن الناس اللي وجدولها من اللول. هو دابا واحد من لمديرين ديالها.
التطوير د لمحتوى لمغريبي
أناس خدم على بزاف د لمواضيع عندها علاقة بلمغريب و اللغات ديالو فانترنت، منها ورقة بحثية على تيفيناغ فانترنت[7]، أطروحة على لوضع د يوتوب ف لمغريب[8]، ورقة بحثية على لوضع د ويكيبيديا بالدارجة[9] . من غير لأبحاث شارك أناس فبزاف د لمؤتمرات د ويكيميديا فلعالم و دار فيها عروض على مواضيع بحال ويكيبيديا لمهضورة[10] والتقوية د لمحتوى لمحلي و التطوير د ويكيبيديا لأمازيغية [11] . أناس عندو بودكاسط بالدارجة سميتو علاش و كيفاش، تيبسط فيه بزاف د لمفاهيم د لحياة و تيعطي ليها بعد فلسفي باش الناس يتعمقو فيها كتر.
مصادر
- ^ https://meta.wikimedia.org/wiki/User:ASedrati_(WMF)
- ^ https://www.men.gov.ma/Fr/Lists/Publications/cpge_liste_bourse_merite0809.pdf
- ^ https://www.economie.gouv.fr/files/BOAC_51_mars-avril_2013_0.pdf
- ^ https://portulansinstitute.org/team/anass-sedrati/
- ^ https://meta.wikimedia.org/wiki/Strategy/Wikimedia_movement/2018-20/Working_Groups/Advocacy
- ^ https://meta.wikimedia.org/wiki/Wikimedia_MA_User_Group/Board
- ^ https://www.researchgate.net/profile/Abderrahman_Ait-Ali/publication/315380128_Towards_Internet_Domain_Names_in_Tifinagh/links/58ce5d6daca272335516830a/Towards-Internet-Domain-Names-in-Tifinagh.pdf
- ^ http://www.diva-portal.org/smash/get/diva2:1130462/FULLTEXT01.pdf
- ^ https://revistas.uca.es/index.php/aam/article/view/5795/6028
- ^ https://www.youtube.com/watch?v=LTJQa8CIDMo
- ^ https://www.youtube.com/watch?v=q59rIDgv8m4