جزر صالومون

جزر صالومون ولأّ جزر سليمان (بلينݣليزية: Solomon Islands) هي بلاد أرخبيل ، جات ف لمحيط لهادي، و تابعة للقارة ديال أوقيانوسيا. صالومون فيها 6 د لجزر كبار، و كتر من 900 صغار. أقرب لبلدان ليها هوما پاپوا غينيا الجديدة من لغرب و ڤانواتو من لجنوب الشرقي.

أول آتار ديال بنادم سكن جزر صالومون تيرجعو لما بين 30.000 و 28.000 عام قبل لميلاد، و اللي هوما الجدود د السكان لأصليين د دابا. ف 1568، كانت أوّل مرة وصلو لأوروپيين للمنطقة، ملّي داز باطّو صبليوني على لبلاصة. الصبليون هوما اللي سمّاو لجزر "صالومون"، على سميّة النبي سليمان. ف 1893، ستعمرات بريطانيا رسميا لجزر، و تخدّمو بزاف ف لحرب لعالمية التانية، ملي كانت لمدابزة ف لمحيط لهندي ما بين لميريكان و الجاپون.^[1]^[2] لجزر د صالومون ستاقلات من بريطانيا ف 1978.

تيسكنو ف جزر صالومون شويا كتر من 650.000 د الناس، و لعاصمة ديالها هي هونيارا. اللغة الرسمية د لبلاد هي لينݣليزية و لفلوس اللي كيتخدّمو هوما الدولار د جزر صالومون. واخا ستاقلاّت من بريطانيا، لجزر د صالومون باقا عندها علاقة د لحكيم معاها، و لجزر عندها نظام ملكي دستوري، و تيعتابرو لملك تشارلز التالت هو لملك ديالهم.

عيون لكلام

^ "ماخلفته الحرب العالمية الثانية فى جزر سليمان - أخبار السعودية (2016)". مأرشيڤي من لأصل ف 2016-12-15. تطّالع عليه ب تاريخ 2021-03-10.
^ "مقتل شخصين خلال نزعهما ألغاماً من الحرب العالمية الثانية بجزر سليمان - الشرق الأوسط (2020)".

تقدر تزيد شوف بزاف د تّصاور و لمعلومات ديال Salomon Islands ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "ماخلفته الحرب العالمية الثانية فى جزر سليمان - أخبار السعودية (2016)". مأرشيڤي من لأصل ف 2016-12-15. تطّالع عليه ب تاريخ 2021-03-10.

[2] "مقتل شخصين خلال نزعهما ألغاماً من الحرب العالمية الثانية بجزر سليمان - الشرق الأوسط (2020)".

[1]

[2]