بوزنيقة

بوزنيقة
‫بوزنيقة‬ (ar) ⴱⵓⵣⵏⵉⵇⴰ (tzm)
سحال ديال بوزنيقة
لبلاصة
لبلاد	لمغريب
لعاصيمة	Q27536112
لإقليم	إقليم بنسليمان
السكان
شحال دالسكان	21,327 (1994)
شحال دلفاميلات	8,488 (2014)
لجغرافيا
لعلو	19 م
خط الطول بـ °	-7.15686321
خط لعرض بـ °	33.78770786
معلومات خرا
الرمز لجغرافي	6546124
لخريطة

بوزنيقة، جماعة ترابية مغربية بحرية، سياحية، غالب عليها طابع لحضري، كاينة بين مدينة رباط ودار لبيضا، فإقليم بن سليمان، جهة دار لبيضا سطات، و فيها 37,238  نسمة على حساب لإحصاء ديال عام 2014، نسبة لكبيرة منها عايشة فلمدينة.

تاريخ

تايرجع تاريخ تأسيس بوزنيقة للعهد ديال سلطان لعلوي سيدي محمد بن عبد الرحمن فلقرن تسعطاش، لي بنى «لقصبة» و دارها قشلة للجيش ديالو.

سكان ديال بوزنيقة لقدام تاينتاميو لقبايل ديال لعروبية، و تايرجع لأصل ديالهم للعرب ديال «صبّاح» من قبيلة بني هلال. أما تَواجد ديال ناس ديال تافيلالت فبوزنيقة، تايرجع للهجرة لي داروها لعروبية ديال لجنوب شرقي لمغربي لهاد لمنطقة، شي لي تايأكدوه لفخذات ودواور فإقليم راشيدية، لي عندهم نفس لإسم ديال دواور دبوزنيقة، بحال لعبابدة وولاد صبيح.

بوزنيقة فيها كنيسة تاريخية كاتوليكية، كاتشهد على لإستعمار لفرانساوي لي داز فلمدينة، فلقرن لعشرين.

طريق لوطنية رقم 1 بين رباط ودار لبيضا، ساهمات بزاف فتطور ديال لمدينة، زيادة على لهجرة لقروية من دواور للمركز، بحيت نتاقل عدد ناس فلمدينة ل37,238 نسمة عام 2014، بعد ما كانو عام 1936 ماتايفوتوش 417 نسمة.

لجغرافيا

جماعة بوزنيقة كاينة على هاد لإحداثيات 7.15968- : 33.7894، فإقليم بنسليمان، جهة دار لبيضا سطات، على لهضبة ديال شاوية سفلانية، وهي جماعة بحرية، كاتعتامد على سياحة شاطئية فلفصل ديال صيف، بحيت كايتعتابرو ليبلاج ديالها وجهة مزيانة عند ناس ديال لمدون لكبيرة لي مجاورينها بحال رباط ولمحمدية ودار لبيضا.

تجهيزات

جماعة بوزنيقة فيها محطة ديال تران، و دخلة للوتوروت، و دايزة عليها طريق لوطنية رقم 1، وطريق ساحلية بين رباط ولمحمدية، و طريق لوطنية رقم 23 فتيجاه مدينة بنسليمان. كيف ما فيها مربط ديال لخيل، ومضمار ديال سباق دلخيل، أوجوج تيرانات ديال لغولف، و مركبات وخميمات ترفيهية، وهوطيلات 5 دنجوم. كيف ما فيها لقصر لملكي، وحي صناعي.

لمعالم

لقصر لملكي ديال بوزنيقة

لبلاج ديال بوزنيقة

فندق لقصبة ديال بوزنيقة

لقصبة لتاريخية، لي تحولات لمربط ديال لخيل

لكنيسة لفرنسية لي تحولات لمؤسسة ديال دولة

فندق القصبة، لي هو أشهر معلمة فلمدينة

المناطق الطبيعية

غابة الزيتون البري على الطريق الوطنية رقم 1

غابة الصنوبر على الطريق الساحلية

شاطئ بوزنيقة

شاطئ ضاهومي

مضب واد بوزنيقة

غابة القنص التابعة للقصر الملكي

وادي بوزنيقة

وادي سيكوك

وادي لغبار

لأعلام دلمدينة

• عبد الله بها
• عمر المنصوري

أبرز الأحداث

لحوار لليبي بين وفد مجلس نواب ومجلس دولة لإستشاري عام 2020

تعليم

• نسبة لأمية (نّاس لّي ما كايعرفوش يقراو ولا يكتبو) : 22,9%
• نسبة سّكان لّي قاريين فوق تّانوي (تانوي و لجامعة): 20,9%

اقتصاد

• نسبة نّاس نّشيطين (لّي يقدرو يخدمو): 52,4%
• نسبة لبطالة (نّاس لّي ما خدامينش و تايقلبو على خدمة): 17,5%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 12,5%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):55,7%

لمعرض دتصاور

• 
• 
• 
• 
• 
• 
• 
• 
• 
• 
• 
• 
• 
• 
• 
• 

عيون لكلام

تقدر تزيد شوف بزاف د تّصاور و لمعلومات ديال Bouznika ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.