بلاد لباسك
ميّز على الجماعة لمستاقلة د لباسك.
بلاد لباسك (ب لباسكية: Euskadi)، هي منطقة لي تاريخيا سكنوها لباسكيين، و جات ف شمال نتاع سپانيا و الجنوب د فرانسا و بضبط ف جبال لبرانس.[1]
Euskal Herria (eu)
| ||||
| ||||
| التقسيم لإداري | ||||
| لبلاد | سپانيا | |||
| لجغرافيا والسكان | ||||
| لميساحة | 20,870 كم² | |||
| بلاصة لعالية | ميسا دي لوس تريس رييس (2,446 م) | |||
| شحال دالسكان | 3,193,513 (2020) | |||
| معلومات خرى | ||||
| اللوغات | ||||
| خريطة لجيهة | ||||
| ||||
.svg)
تاريخ بدل
لباسك قبل لغزو روماني بدل
كان بلاد لباسك كيسكنو شعب لباسكي لي كيتعتبر من شعوب لقديمة ف ؤروپا كاملة بزاف ديال لمؤرخين كيقولو بلي لباسكين هوما سكان لولين نتاع إيبيريا و لأصل ديالهم ماشي معروف و لكن كاين لي كيقول بلي جاو من لأناضول.
لباسك و لغزو روماني بدل
تعرضات إيبيريا تقريبا كلها لرومنة منين ولات تحت سيطرة نتاع لإمبراطورية رومانية و سبب هادشي ف إنتشار لاتينية و غا تولي هي لغة سائدة ف إيبيريا كاملة و لكن باسك كانت لحالة ديالو خاصة حيتاش لبلاصة و لمحيط لعامر بجبال حماهم بشكل كبير من رومنة لي وقعات ف إيبيريا.
لباسك و لݣوط لغربيين بدل
كانت لفترة نتاع حكم لݣوط لغربيين لباسك عامرة ب مدابزات و لحروب حيتاش كان ديما نوع من تمرد ضد لݣوط لغربيين.
لباسك و لأندلوس بدل
كانت لحضارة و تأتير نتاع لمسلمين كتزاد ف إيبيريا منين دخلو ف 711م و لكن أقل منطقة تأترات هي لباسك حيتاش بسبب طريقة لإنعزال و كيفاش كيعشيو ف بلايص بعيدة على لحضارة خلات حتكاكهم مع لمسلمين قليل شي شوية و كاين بعض لمسلمين ف ديك لوقت وصفو كيفاش كانو لباسكين وحوش و كيعيشو عريانين.
لباسك و لمسيحية بدل
على عكس شعوب لي كانو عايشيين في ؤروپا لي دخلو لمسيحية ف وقيتة مبكرة، بدات لمسيحية ف لباسك كتبان مع لقرن 11 م.
و مع حروب نتاع لإسترداد بداو سبنيول كيصيفطو حملات نتاع نشر لمسيحية ف لباسك و كانت شي حملات بلعنف و لا ب سلم.
لباسك و فترة نتاع حكم فرانكو بدل
بدا واحد نوع من لعنصرية ضد لباسك و لقمع ف فترة حكم فرانكو ل سپانيا. فهاد لوقيتة منعو باش تّقرّى و لا تّهضر بلوغة لباسكية، و هادشي لي سبب باش يبانو حركات قومية كتيرة، و حركات مسلحة كيديرو الفوضى ف لإقليم، و لي كانو عندهم ميول شتراكية و كيطالبو بإستقلال بلاد لباسك على سپانيا. و لكن مع لوقت و لبداية نتاع لألفينات فشلات محاولات لإستقلال نتاع لبلاد و عطات سپانيا نضام حكم داتي لباسك.
لوغة نتاع لباسك بدل
جميع لوغات ديال ؤروبا عندها إما أصل لاتيني ولّا أصل جرماني ولّا سلاڤي و لكن لغة لباسكية هي من لوغات قليلة ف لعالم ما عندهاش أي نقاط مشتركة مع لوغات نتاع جيران ديالها ولّا لمحيط ديالها.
دين ف بلاد لباسك بدل
بلاد لباسك كاين فيها تنوع ديني تاريخيا. شكلات لميتولوجيا لباسكية جزء منهم من تاريخ نتاع لباسك لقرون، و حتى لمسيحية لي أثرات ثقافيا على لباسك و لكن مؤخرا تزادو بزاف لأرقام نتاع لملحدين ف بلاد لباسك.