برنامج د تلفازة

لبرنامج د تّلفازة هوّا أي مضمون مصور عادة علا شكل ڤيديو ب صّوت كيتم لبت ديالو ب شي طريقة من طّرقان (بحال ساطليت ؤلا علا لأنترنيت) باش يتشاف ف تّلفازة. لبرامج د تّلفازة كيكونو عادة مبلانيين قبل باش يتبتو ف وقت محدد، ولاكين سّربيسات ديال ستريمينݣ ف لأنترنيت كيقدرو يوفرو لإمكانية د تّفراج فيهم ف أي وقت. لبت ديال برنامج يقدر يكون مباشر (كيطرا ديك سّاع نيت)، بحال ف لماتشات د لكورة، ؤلا كيكون مسجّل من قبل، ؤ كاينين فيه نواع بزاف، منهم لبرامج د سّپور، تّرفيه، لخبار، ؤ زيد ؤ زيد.

سيريّةعدل

شي برامج ماكيتبتّوش ف حلقة وحدة، مي ف جوج ؤلا بزاف د لحلقات. ف هاد لحالة كتّسّمّا سيرية ؤلا مسلسال. أغلبية د سّيريّات كيكونو ديال تّرفيه ؤ كيعاودو شي قصة فيها شخصيات ؤ حبكة. ولاكين تقدر تكون سّيرية ديال وتائقي ؤلا شي برنامج إخباري ؤلا د نّيقاش.

سيزونعدل

شي سيريّات حتا هوما ماكيخرجوش ف مرة حلقة مورا حلقة، مي ب شكل متقطع، متلا مرة ؤلا جوج ف لعام، ؤ كولا طرف منهوم كيكون فيه عدد د لحلقات. هاد طّرف ديال سيرية كيتسما سيزون (من نݣليزية season ؤلا من لفرانساوية saison).[1]

عيون لكلامعدل

  1. "Just What is a Television "Season" Anyway" (بنڭليزية).
  تقدر تزيد شوف بزاف د صور و معلومات ديال Television programmes ف ويكيميديا كومنز.