لمحنشة
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل: لإقتباسات وسط النص خاصهوم يكونو ب اللوغة د لويكي. الإقتباس لأصلي يقدر يتزاد ف لحواشيماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
لمحنشة
| ||
| ||
| معلومات عامة | ||
| سّمية لأصلية | لمحنشة | |
| لبلاد لأصلية | لمغريب | |
| مصاوب من | ورقة لبسطيلا | |
| كوزينة | كوزينة مغريبية و لكوزينة الدزايرية | |
المحنشة هي نوع من لحلويات لمغريبية لمشهورة كتميز بشكلها لمحنش و بمذاقها. كتختلف طريقة تحضيرها من منطقة لأخرى، وكتعتبر من لحلويات لي كتميز بصعوبتها وتنوع مقاديرها.[1]
تسمية
بدلتسمات لمحنشة بهاد سمية حيث كتلوى كي لحنش، فا سميتها جاية من كلمة "لحنش".[2]
التاريخ
بدلفاش كنرجعو ل تاريخ لمحنشة كانلقاو عندها علاقة مع مدينة مكناس لمغربية، وبزاف تاع الباحثين رجحو بلي أصلها من هاد لمدينة بحال الباحث الراحل الشاف الهواري الحسين لي كيشوف بلي قصر المحنشة هو أصل حلوة المحنشة، و بلي نشأت هنا ف لمغريب، و بضبط بين قصر لمحنشة و قصر لكشاشين ف مكناس، وهي كيما كيقول بلي تطوير ل واحد طبق كان منتاشر ف لمغريب ف لقرن 15، فاش ولا السكار لبيض كيتنج ف لمغريب و كيتصدر ل ؤروپا و تستغنى على العسل.
.jpg)
و فاش كنرجعو لعهد مولاي سماعيل (1645 - 1727) كنلقاو بلي بنى قصر سماه بقصر "المحنشة" بسبب نمط توجيه لمياه لي كتشبه فتعرجاتها لمحنشة، وف هاد الصدد جا ف كتاب "Le Maroc: aperçu historique" ف صفحة 52:[3]
"من الأعمال المعمارية لمولاي إسماعيل، أحد أكثر الأمثلة إغراءً واكتمالاً التي بقيت لنا هو قصر الحريم، المسمى دار المحنشة بسبب نمط توجيه المياه التي تذكرنا بتعرجاتها بكعكة مغربية معينة."
و تدكرات حتى ف قصيدة اَلزَّرْدَة لي نظمها الزجال لمغربي محمد بن علي المسفيوي الدمناتي ف لقرن 19، وكيقول عليها:[4]
" هَاتْ اَلْبْسَاطَلْ اَلْمَحْسُونَا * وَ اَلُّوزْ فِي اَوْسَطْهَا يَنْبَا * وَكْدَاكْ بَاَلسّْمَنْ مَدْهُونَا * ومْحَنّْشَا اَنْحَبّْ اَبْرَغْبَا * اَتْكُونْ رَايْقَا مَتْقُونَا "
ف لعادات
بدلف عام 1997 نشرات الباحثة المصرية «جاد الله منال عبد المنعم» كتابها «الاتصال الثقافي: دراسة انثروبولوجية في مصر والمغرب»، وذكرات فيه لمحنشة لمغريبية وقالت بلي راها ضرورية فالأعراس لمغريبية:[5]
"وتحرص أم العروس على إرسال طعام مميز يوم "الصبوحى" أي يوم الصباحية الذى يلي ليلة الزفاف للعروسين وهي المحنشة وكما هو واضح من المسمى تأخذ شكل الحنش. ويرجع تصور المغاربة لضرورة المحنشة ما ترمز له من ناحية الشكل للاعتقاد في قوة الارتباط بين الزوج والزوجة والتفافهما حول بعضهما."
وفاش كنرجعو ︎لكتاب "Fès avant le protectorat" لي تصدر عام 1949، كانلقاو مذكور فيه بلي من العادات الفاسية ف الأعراس، أب لعروسة كيصيفط ف النهار السادس (نهار لغسيل) ل راجل بنتو ربعة ؤلا ستة د الطبلات ديال لبسطيلا و لغريبة و كعب الغزال ولمحنشة:[6]
"اليوم السادس، المسمى نهار الغسيل (يوم الحمام)، بسبب حمام الليل،.... غالباً ما يرسل والد الفتاة في ذلك اليوم إلى زوج ابنته أربعة أو ستة طاولات، واحدة من كعب الغزال، وواحدة من الغريبة، وواحدة أو اثنتين من المنحشة، وواحدة أو اثنتين من البسطيلا."
أنواع لمحنشة
بدلف لمغريب كاينين بزاف د النواع تاع لمحنشة و داكشي راجع ل ختلاف مكونات لحشوة، لكن لي مشهورين بزاف هوما لمحنشة لحلوة، و لمحنشة لمالحة.
لمحنشة لحلوة
بدللمكونات
بدل- 500 ڭرام د اللوز مقشر
- 250 ڭرام د السكار
- ربع معلقة صغيرة تاع المسكة لحرة
- 2 معالق كبار د لما زهر
- 40 ڭرام د زبدة
- 4 لوراق د لبسطيلة كبيرة
- 100 غرام د زبدة دايبة
- 1 لبيضة
- 250 ڭرام د عسل لبرتقال
- رقايق لوز محمر
طريقة التحضير
بدل- قلي 250 ڭرام د اللوز ف الزيت، و من بعد نشفو ب لورق النشاف.
- طحن اللوز لي قليتيه مع نص كمية السكار حتى تحصل على عجينة، و طحن داكشي لي بقى من اللوز المقشر و السكار حتى تحصل على عجينة خرة، و من بعد خلطهم بجوج وزيد عليهم المسكة الحرة، الزبدة و لما زهر حتى تحصل على خليط متجانس.
- خلي لعجينة شي ساعة، عاد شكل منو عصى بغلض 2 سم.
- فوق الطبلة، حط جوج نصوصا ديال ورقة لبسطيلا طوليا باش تحصل على بانضة طويلة من ورقة لبسطيلا.
- و حط ديك لعصا تاع عجينة اللوز على طول بانضة ورقة لبسطيلة. و لفو على لحشوة حتى تولي عصا طويلة.
- ومن بعد، لف ديك لعصا الطويلة تاع لمحنشة على راسها حتى تعطي شكل ببوشة، و لصق طرافها بالبيض.
- وف لخر، دهنها بالزبدة و حطها تحمر ف الفران على درجة 190 لمدة 20 حتال 25 دقيقة. وخرجها، وسقيها بالعسل وزينها برقائق لوز.[7]
لمحنشة لمالحة
بدللمكونات
بدل- ورقة لبسطيلا
- شعرية صينية
- كفتة ؤلا دجاج ؤلا حوت مقطع
- زيت
- خيزو
- مطيشة
- بصلة
- بطاطا
- فلفلة
- ملحة
- كامون
- لبزار
- زعفران
- زنجبيل
- بيض
طريقة التحضير
بدل- دوب الزبدة مع الزيت ف مقلا، و حمر لبصلة، زيد الكفتة و لعطرية و الملحة و الفلفلة و قلبهم حتى تطيب لكفتة و تمص السايل.
- حيدها من العافية، و زيد لقزبور و لمعدنوس و لبيض و لفرماج و خليها حتى تبرد.
- فوق الطبلة، حطي الجوج نصوصا ديال ورقة لبسطيلا طوليا باش تحصل على بانضة طويلة من ورقة لبسطيلا.
- حط لحشوة، و ضوّر عليها ورقة البسطيلة.
- و من بعد، ضوّر ديك لعصا طويلة تاع لمحنشة على راسها حتى تعطي شكل ببوشة. و لصق طرافها بالبيض.
- وف لخر، دهنها بزبدة و حطها تحمر ف الفران على درجة 190 لمدة 20 حتال 25 دقيقة.[2]
عيون لكلام
بدل- ^ "وصفة محنشة باللوز - المطبخ المغربي". maghrebkitchen.com (ب لعربية). مأرشيڤي من لأصل ف 2023-06-09. تطّالع عليه ب تاريخ 2023-06-08.
- ^ a b "وصفة سهلة لتحضير المحنشة المغربية - Pâtisserie GATÔ" (ب لعربية). 2021-09-14. مأرشيڤي من لأصل ف 2023-06-08. تطّالع عليه ب تاريخ 2023-06-08.
- ^ Le Maroc aperçu historique. ص. 52.
- ^ "موسوعة الملحون ديوان الشيخ محمد بين علي المسفيوي الدمناتي ص 738".
- ^ "الاتصال الثقافي: دراسة انثروبولوجية فى مصر والمغرب". pp. 197–219.
- ^ Fès avant le protectorat. ص. 523.
- ^ "محنشة باللوز". choumicha.ma (ب لفرانساوية). مأرشيڤي من لأصل ف 2023-06-08. تطّالع عليه ب تاريخ 2023-06-08.