اللوغات لأصلية دؤسطراليا
اللوغات لأصلية دؤسطراليا هي مابين 293 و363[1] لوغة كاتنتامي ل28 فاميلة داللوغات ولوغات منعازلة، كايهضرو بيها السكان لأصليين دؤسطراليا فلبلاد دؤسطراليا وفشي ݣزاير قراب منها.[2] لعلاقة مابين هاد اللوغات مازال ماباينة دابا. اللوغات لأصلية دؤسطراليا كاتجمع فݣروپ كبير داللوغات كايتسمى "اللوغات لؤسطرالية" أولّا "فاميلة اللوغات لؤسطرالية" واخّا كاين باقي شك فلأصول ولعلاقات مابيناتهوم.
فاللخر ديال لقرن 18 كانو كتر من 250 ݣروپ جتيماعي أصلي وعدد بحالو ديال اللوغات ولمتغيرات.[3] لوضعية ولمعريفة باللوغات لأصلية ليوما كايختالف بشكل كبير. بزاف ديال اللوغات نقارضو بسباب الدخول ديال لمجتمع دلمستعميرين على التقافة لأصلية. للبعض ديال هاد اللوغات غير شوية ديال لقواعد ولكلمات هوما اللي مقيّدين. فلبدية ديال لقرن 21، غير شي 150 لوغة هي اللي كاتستعمل يوميا، ولأغلبية ديالهوم كاينين فخطر.[4] ف2020، 90 فلمية ديال كتر من 100 لوغة اللي بقاو كايتعتابو كاينين فخطر.[5] 13 لوغة منهوم باقا كاتدوز للدراري.[6] اللوغات اللي نجاو كاينين فلبلايص اللي معزولين بزاف.
كايبان باللي قبل مايجيو لأوروپيين لؤسطراليا، كانو شي 250 لوغة اللي كولّا وحدة فيهوم كايهضر بيها مابين 3000 و4000 واحد.[7] عدد كبير ديال هاد اللوغات تمحا من لوجود غير عقود من مورا ماطرا التفاعول مع لمستعميرين، كيفما لحالة ديال السكان لأصليين دطازمانيا، اللي هوما ميتال ديال ليبادة لإتنية. طازمانيا تفرقات على ؤسطراليا من مورا لعصر لجليدي فاش داب التلج، وبقاو الناس محصورين تما على لعالام كتر من 12 ألف عام. ستنتجات لعاليمة داللوغات كلير باورن باللي كانو 12 لوغة طازمانية، وهاد اللوغات ماعندهومش علاقة (علأقل اللي كاتبان) معا اللوغات اللي فؤسطراليا.[8] ف2017 تكتاشف تنشرات ديراسة كاتفتارض باللي إلا درسنا السميات ولحروف دالزيادة اللي كايجيو قبل منهوم، يمكن نوصلو لواحد اللوغة ؤسطرالية بديانية جايين منها ݣاع اللوغات لؤسطرالية لأصلية اللي كاينة ليوما تمّا. هاد اللوغة هادي غايكون تّهضر بيها هادي 12 ألف عام فالشمال دلبلاد.[9][10][11]
عيون لكلام
بدل- ^ Bowern, C. 2011. Oxford Bibliographies Online: Australian Languages
- ^ *Bowern، Claire؛ Atkinson، Quentin (2012). "Computational Phylogenetics and the Internal Structure of Pama-Nyungan". Language. 84 (4): 817–845. CiteSeerX 10.1.1.691.3903. doi:10.1353/lan.2012.0081.
- ^ *Walsh، Michael (1991). "Overview of indigenous languages of Australia". ف Romaine، Suzanne (إيديتور). Language in Australia. Cambridge University Press. pp. 27–48. ردمك 978-0-521-33983-4.
- ^ *Dalby، Andrew (2015). Dictionary of Languages: The definitive reference to more than 400 languages. Bloomsbury Publishing. ردمك 978-1-408-10214-5. مأرشيڤي من لأصل ف 2023-03-26. تطّالع عليه ب تاريخ 2021-05-08.
- ^ Morse، Dana (13 نونبر 2020). "The next generation is bringing Australia's ancient languages into the future". ABC News. Australian Broadcasting Corporation. مأرشيڤي من لأصل ف 2023-10-10. تطّالع عليه ب تاريخ 13 نونبر 2020.
- ^ *Goldsworthy، Anna (شتنبر 2014). "In Port Augusta, an Israeli linguist is helping the Barngarla people reclaim their language". The Monthly. مأرشيڤي من لأصل ف 27 يوليوز 2023.
- ^ McConvell، P.؛ Thieberger، Nicholas (نونبر 2001). State of Indigenous languages in Australia 2001 (PDF). Department of the Environment and Heritage. مأرشيڤي (PDF) من لأصل ف 2021-09-02. تطّالع عليه ب تاريخ 2021-05-08.
- ^ *Bowern، Claire (2012). "The riddle of Tasmanian languages". Proceedings of the Royal Society B. 279 (1747): 4590–4595. doi:10.1098/rspb.2012.1842. PMC 3479735. PMID 23015621.
- ^ David Marchese (28 مارس 2018). "Indigenous languages come from just one common ancestor, researchers say". Australian Broadcasting Corporation. مأرشيڤي من لأصل ف 14 أكتوبر 2023. تطّالع عليه ب تاريخ 30 مارس 2018.
- ^ "Australia's indigenous languages have one source, study says". BBC News. 28 مارس 2018. مأرشيڤي من لأصل ف 10 أكتوبر 2023.
- ^ Harvey، Mark؛ Mailhammer، Robert (2017). "Reconstructing remote relationships: Proto-Australian noun class prefixation". Diachronica. 34 (4): 470–515. doi:10.1163/187740911x558798. مأرشيڤي من لأصل ف 2023-10-10. تطّالع عليه ب تاريخ 2021-05-08.
|
تقدر تزيد شوف بزاف د تّصاور و لمعلومات ديال Australian Aboriginal languages ف ويكيميديا كومنز. |