الطينيس
 مقالة ؤلا فقرة ناقصينها عيون لكلام.لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
الطينيس هو نوع ديال الرياضات الفردية لي كيتنافسو فيها زوج د اللعّابا، وممكن حتا تلعب بشكل زوجي بحيت كيتنافسو جوج ديال لفراقي وكل فرقة كتكون من زوج ديال اللعّابا. وكول منافس كيستعمل راكيطة ديال اليد باش كيضرب الكورة فوق الشبكة لي كتكون فوسط التيران ل جيهة ديال اللعّاب لاخور لي هو لخصم. ولعدد ديال الضربات مكيكونش محسوب ولا محدد، ولكن النتيجة فلخر هي لي كتحدد شكون لي رابح وشكون لي خسر.
الطينيس هو واحد الرياضة أولامپية كتلعب على جميع نيڤويات ديال لمجتمع ولفئات كاملة وحتا لجميع الأعمار، بحيت يمكن لأي واحد كيما كان يشد بيدو راكيطة ويضرب لكورة ومنهم حتا صحاب الاحتياجات الخاصة وناس لي كيستعملو لكراسة لمتحركة. تصايبات هاد لوعبة ديال الطينيس لي جديدة فلمدينة ديال برمنيڭهام ف النڭليز، ف اللخر ديال لقرن تسعطاش كرياضة تلعب على لڭازو، دكشي علاش هي قريبة بزاف من شي رياضات ديال لوعاب لميدانية بحال لكريكت وحتا لبولينڭ، وبلا منساو طبعا رياضة ديال الراكيط لقديمة.
تبدلات بزاف ديال لقواعد ديال الطينيس شي شوية من تسعينات ديال لقرن تسعطاش حتا لدبا. وهاد الرياضة تاع الطينيس كيلعبوها ليوما الملاين ديال اللعّابا، الشي لي خلاها تولّي رياضة مشهورة بزاف وتنتاشر ف جميع لمناطق ديال العالم. عاد زيد بلي البطولات الكبرى ديال الطينيس كتعرف متابعة كبيرة ديال الجماهير و لإعلام. هاد لأمر نقز بيها ل مرتبة متقدمة بزاف بين الأحداث ديال الرياضة لي مهمة وكتعرف متابعة كبيرة فلعالم كل عام. وأهم هاد لبطولات: بطولة ديال رولان ڭاروس أولا لبطولة ديال فرانسا لي مفتوحة ف التيرانات ديال الرملة، لبطولة ديال أوستراليا لمفتوحة على التيرانات لقاسحة، بطولة ويمبلدون ف التيرانات د لڭازو، ولبطولة ديال لميريكان المفتوحة على التيرانات لقاسحة.
عيون لكلام
بدل هادي زريعة ديال مقالة خاصها تّوسع. تقدر تشارك ف لكتبة ديالها. |