الرومانسية د بن حمر

الرومانسية د بن حمر (ب الصبليونية: Romance de Abenámar) هي واحد لقصيدة د لقرون لوسطانية من نوع الرومانثيرو مكتوبة على شكل حوار بين لموري بن حمر (ب الصبليونية: Abenámar) ؤ لماليك لقشتالي لكاطوليكي خوان التاني. لقصيدة هي شيعر قصير مكتوب ب ستيل الرومانثيرو ؤلا شيعر لحدود. (ب الصبليونية: Romance fronterizo) باللوغة القشتالية ب ريتم لأصونونص. لأحدات التاريخية لي كادوي عليها لقصيدة جرات ف 1431م، ولكن لمؤليف د لقصيدة ؤ التاريخ د لكتابة ديالها ما معروفينش.

جوج د لعازفين ف لقرن 13م، واحد أوروپي ؤ لاخور موري مسلم. بجوجهم كا يلعبو آلات لوتار.

لكونطيكس التاريخي

الرومانسية د بن حمر جرات ف واحد الفترة د لبلبالة ؤ عدم ليستيقرار ف تاريخ لحكم د بني حمر لموريين. بينما لمولوك لكاطوليك د قشتالة كانو باغين تكون عندهم سيطرة كبر على مملكة بني حمر ف غرناطة ؤ ياخدو من عندهم جزية كبر. أبينامار Abenámar غا يكون يا هو لماليك أبو لحجاج يوسف الرابع لمولقّاب ب بن لمول ؤلا شي واحد من لحاشية نتاعو. لقصيدة عبارة على خود-ؤ-أرا بين بن حمر ؤ لماليك لقشتالي خوان التاني لي كان كايتمنى يهرف على غرناطة.

لقصيدة ؤ طرجمة ديالها

لقصيدة كاتبدى ب خوان كايمدح لخصال الشريفة د لموري بن حمر. واخّا داكشي مكتوب من طرف قشتاليين، ولاكينها كاتمدحو بطريقة إيجابية ؤ كا تتعاطف مع لمقاتلة لي دارتها لمملاكة لمورية باش تبقى مستاقلّة.

ب الدارجة بن حمر يا بن حمر موري جاي من لموريرية (ملّاح د لمور) النهار لي تزاديتي فيه طراو فيه علامات كبار لبحر كان فيه مكالمي ؤ لقامار كان فيه ڭمرة موري لي تزاد بهاد لفال ما خاصوش يكدب غادي نجيك ل الصراحة أ مولاي واخّا الصراحة، بحياتي، تقد تقام عليا حيت أنا ولد واحد موري ؤ واحد النصرانية مسبية فاش كنت دري صغير ؤ فاش وليت راجل لميمة ديالي ݣالت لي: عمرك ما تكدب حيت لكدوب خايبين

ب صبليونية Abenámar, Abenámar, moro de la morería, el día que tú naciste, grandes señales había. Estaba la mar en calma, la luna estaba crecida; moro que en tal signo nace, no debe decir mentira. Yo te la diré, señor, aunque me cueste la vida, porque soy hijo de un moro y una cristiana cautiva; siendo yo niño y muchacho mi madre me lo decía: que mentira no dijese, que era grande villanía

منين بدا خوان كا يطل على غرناطة من بعيد، سوّل بن حمر على لقصورا ؤ لقلاع لعاليين لي كا يشوف وسط غرناطة. بن حمر بدا كا يوصف لمعالم لخلابة تاع لمعمار لموري لي ف لعاصيمة لمورية ؤ بدا كا يسمي قصر لحمرا، الجامع، لقصر د بني حمر ف أليخاريس، جنة لعريف، ؤ لبروج لحمرين. من مور ما شاف غرناطة ؤ نباهر بيها ؤ سمع على شحال مرفحة، خوان غادي يطلب يد غرناطة ل الزواج ؤ يعطيها قرطبة ؤ شبيليا كا صداق. ولكن غرناطة غادا تتنفخ عليه ؤ ترفض ب فتخار.

ب الدارجة أشنو هوما هاد لقصورا؟ لي عالين ؤ منورين! هادوك قصور لحمرا أ مولاي ؤ هاداك لاخور جامع لموري لي كان كا يخدمهم (لقصورا) كان كا يصور مياة دينار مرابطي ف النهار ؤ النهار لي ماكانش كا يخدمهم كان كايخسر فيه بزاف.

ب صبليونية ¿Qué castillos son aquéllos? ¡Altos son y relucían! El Alhambra era, señor y la otra la mezquita El moro que los labraba cien doblas ganaba al día y el día que no los labra otras tantas se perdía.

شوف تا

• ؤ فورتونا