إينوا لمورية
إينوا لمورية
| ||
| ||
| معلومات عامة | ||
| زيادة | لقرن 1 قبل لميلاد | |
| لحرفة | مرات لحاكم | |
| لفاميلة | ||
| شريك | بوݣود | |
إينوا لمورية (ب اللاتينية Eunoë Maura) كانت لمرا ديال بوڭود لماليك لأمازيغي ديال الطرف لغربي د مملكة موريطانية.[1] سميتها شي مرات كاتّكتب إيوريس (Euries)، إيورييس (Euryes)، ولّا إيونوا (Eunoa).[2][3]
حياتها
بدللأصل ديالها
بدلكيتّعتاقد بلي إينوا من أصول أمازيغية، ولايني السمية ديالها يونانية،[4] داكشي علاش كاينة فرضية بلي كبرات ف ليونان، ولّا عندها أصل يوناني.[1] ف لغالب كانت عندها مكانة جتيماعية عالية حيت التوارخي سويطونيوس كيدكرها ف النفس السياق معا كليوپاطرا.[5]
الجواج
بدلف شي تاريخ مامحددش، تجوجات إينوا ب لماليك بوڭود. هاد اللخر مشى موراها ف رحلة ستيكشافية ف لمناطق لإستوائية د إفريقيا، و فاش رجع جاب ل مراتو هدية على شكل نبتات عملاقة.[4]
كيتّعتاقد بلي إينوا كانت عشيقة ديال يوليوس قيصر. و تقدر تكون خدات لبلاصة ديال كليوپاطرا ملي قيصر جا ل شمال إفريقيا قبل معراكة طاپسوس ف 6 أبريل 46 قبل لميلاد. هيّ و كليوپاطرا كانو من بين بزاف د لماليكات لي يوليوس قيصر حاول يتودد ليهم.[6] تقدر تكون تلاقات لمرة اللولة معا قيصر ف هيسپانيا (سپانيا دابا)، لي كانت فيها ف حملة عسكارية معا راجلها بوڭود.[4] وخا هاد لعلاقة لغرامية كانت مدة قصيرة، هيّ و راجلها ستافدو بزاف من هدايا عطاهم ليهم قيصر،[7] لي غادر شمال إفريقيا ف يونيو 46 قبل لميلاد، 5 شهور و نص مورما جا.[8]
تمتيلات تقافية
بدلف لأداب لفرانساوي ديال لقرون لوسطانية، سيرتو ف كتاب Les Faits des Romains (لإنجازات ديال الرومان)، تبالغ ف التفاصيل ديال لعلاقة لغرامية مابين إينوا و قيصر. لكاتبة جانيط بير ڭالت بلي ف هاد لكتاب "قيصر كيولي فارس ديال لقرون لوسطانية"، و بلي لكاتب ديال النص ركّز على القوة و لهيمنة الجنسية ديال قيصر على لماليكة إينوا، كتر من لقوة السياسية ديالو موقابيل راجلها بوڭود.[9] التيكست ديال لكتاب كيوصف إينوا بلي كانت "أجمل مرا ف لممالك الربعة، وخا كانت مورية". هادشي على حساب بير كيبيّن كيفاش الجمهور ف ؤروپا داك لوقت ماكانتش كيتصور كيفاش قيصر يقدر يكون معا عشيقة خايبة، و ف نفس كيفاش لمور (الناس د غرب شمال إفريقيا) كانو كيمتّلو أخيب ما كاين ب نّسبة ليهم.[10]
إينوا بانت ف عدد ديال الروايات على قيصر، و ف سلسلات ديال قيصاص ف مجلة كورنهيل.[11] ف هاد لأعمال، كاتبان إينوا واحد لمرا لي كاتحاول تخصر لعلاقة مابين يوليوس قيصر و كليوپاطرا، بحال ف رواية The Memoirs of Cleopatra.[12] ف رواية The Song of the Nile كاتلعب دور كا شخصية لي كاتجبد لإهتمام ديال بنت كليوپاطرا، سيلين، لي ولّات تا هيّ ماليكة ديال مملكة موريطانية معا راجلها يوبا.[13]
لفنان و لعالم لموسوعي الطالياني جاكوپو سطرادا رسم إينوا ف رسمة نوميسماتية (على شكل شقفة د لفلوس) ف لقرن 16. ولايني ماكاين تا شي دليل أركيولوجي بلي كانو شي فلوس تسكّو ب سميتها ولّا ب تصويرتها.[2]
عيون لكلام
بدل- ^ a b Emmanuel Kwaku Akyeampong, Henry Louis Gates, Mr. Steven J. Niven; Dictionary of African Biography, Volume 1–6 – page: 471
- ^ a b Dirk Jacob Jansen (26–29 March 2014). MAGNUM AC NOVUM OPUS – Jacopo Strada's Numismatic Drawings in Gotha. Annual Meeting of the Renaissance Society of America. New York. ص. 3.CS1 maint: date format (link)
- ^ The History of the World, Ecclesiastical and Civil: from the Creation to the Present Time ... Done Into English by Several Hands from the Fourth and Best Edition, Etc: Volume 5.
- ^ a b c Duane W Roller; The World of Juba II and Kleopatra Selene: Royal Scholarship on Rome's African Frontier – page: 57
- ^ Duane W Roller; The World of Juba II and Kleopatra Selene: Royal Scholarship on Rome's African Frontier – page: 58
- ^ Cleopatra and Rome, Diana E.E. Kleiner, Harvard University Press, 2005, p. 96.
- ^ The Women Who Influenced The Lives of Cicero, Caesar, and Vergil, Leila Celestia Walker, Master of Arts Thesis, University of South Carolina, 1935, Chapter II.
- ^ Caesar: Life of a Colossus, Adrian Goldsworthy, Chapter XXI, p. 468.
- ^ Beer, Jeanette; A Medieval Caesar – page: XVI
- ^ Beer, Jeanette; A Medieval Caesar – page: 162
- ^ William Makepeace Thackeray. Smith, Elder and Company, 1932; The Cornhill Magazine: Volume 73; Volume 146 – 186
- ^ Margaret George; The Memoirs of Cleopatra – page: 210
- ^ Stephanie Dray; Song of the Nile