إيزابيل دو شاريير
إيزابيل دو شاريير
| ||
| ||
| معلومات عامة | ||
| زيادة | 20 أكتوبر 1740 Zuylen Castle | |
| لموت | 27 دجنبر 1805 (65 عام) Colombier | |
| لجنسية | لجمهورية د هولاندا سويسرا | |
| لحرفة | موطرجيم، ملحّين، روائية، كاتيبة، كاتيبة مسراحية، شاعيرة، كاتبة مقالات و فيلسوف | |
| لّوغات لي كيعرف | لفرانساوية، لألمانية، نڭليزية و لهولاندية | |
| لفاميلة | ||
| لواليد | Diederik Jacob van Tuyll van Serooskerken | |
| لواليدة | Jacoba Helena de Vicq | |
| شريك | Charles-Emmanuel de Charrière (1771–) | |
إيزابيل دو شاريير (مزيودة ف 20 أكتوبر 1740، توفات ف 27 دجنبر 1805) لمعروفة ف هولاندا ب بيل ڤان زويْلن، كانت كاتبة هولاندية سويسرية ديال لفترة د الضواو، لي دوّزات النص التاني د حياتها ف كولومبيي، نوشاطيل، سويسرا. دو شاريير معروفة دابا ب لبريات و الروايات ديالها، و عندها تا كتيّبات، مؤلفات د لمزّيكة و مسراحيات. كان عندها هتيمام كبير ب لمجتمع و السياسة ف زمانها، و لأعمال ديالها ف جوايه التورة لفرانساوية تارت هتيمام مابيهش.
صغرها
بدلتولدات إيزابيل ف قصر زويلن حدا مدينة ؤتريخت، ف فاميلة أريسطوقراطية، و كانت لكبيرة ف 7 د لخوت و لخواتات.
ف 1750، واليديها سيفطوها ل جونيڤ، و سافرات ف فرانسا و سويسرا معا لمربية ديالها لفرانساوية جان لويز بريڤوصط، لي قرّاتها مابين 1746 و 1753. حيت بقات كاتهضر غير لفرانساوية ل مدة عام، ملي رجعات ل هولاندا، كان خاصها تعاود تتعلم ل لهولاندية. وخا داكشي بقات لفرانساوية اللوغة لمفضلة عندها، و هادشي كيفسر علاش تشهرات كتر برا بلادها.
خدات إيزابيل تعليم ب مقدار كبر من لبنات ف زمانها، و واليديها كانو منفاتحين و خلاوها تقرا لماط و لفيزيك و اللوغات بحال اللاتينية، الطاليانية، لألمانية و النڭليزية. ب بزاف د الشهادات، كانت إيزابيل تلميدة قرّاية.
فاش كان ف عمرها 14 عام، بدات كاتبغي واحد لكونط پولوني سميتو پيتر دونهوف. هاد اللخر ماكانش مسوّق ليها، داكشي علاش جاها إحباط، و غادرات ؤتريخت ل مدة 18 شهر.[1] و هي كاتكبر، تعرّفات على ناس خرين، ولاكين ماصدقاتش لعلاقة معاهوم. إيزابيل كانت كاتشوف الجواج طريق باش تاخد لحرية، ولاكين ف نفس لوقت كانت باغية تتجوج على حب.
لكبر
بدلف 1771، تجوجات ب شارل إمانويل دو شاريير دو پينطاز، لي كان ؤستاد ديال خوها روني. لكوپل ستاقرو ف كولومبيي، ف نوشاطيل، لي كان حاكمها فريدريك لعضيم. لمنطقة كانت كاتمتع ب حرية لعقيدة، و هادشي خلا عدد ديال الناس لمطاهدين سياسياً و فكرياً يهاجرو ليها، منهوم جان جاك روسو، لي إيزابيل ولات معجبة ب لأفكار ديالو.
إيزابيل دو شاريير ولات مرفّحة بعدما ورتات تروة من واليديها، لي منها 40% د لأسهم ديال شركات بحال شركة لهند لغربية لهولاندية، شركة لهند الشرقية لهولاندية، الشركة لبريطانية د لهند الشرقية و شركة لبحر د الجنوب، لي كانو كيجيبو بزاف د لفلوس ب تخدام لعبيد ف لمزارع.[2][3][4][5] كاين ريّ لي كيڭول بلي إيزابيل ماكاتنش عندها نضرة نتيقادية ضد لعبودية، على حساب بريات ديالها و روايتها "تلاتة د لعيالات" Trois Femmes (1795). ف بريات خرين من 1798، هضرات على "لبشاعة" horreurs ديال لعبودية ف لمستعمرات،[6] و ف ضرف 5 سنين مورما خدات لورت كانت باعت 70% ديال لأملاك ديالها ف دوك الشركات.[7]
عيون لكلام
بدل- ^ "First letter to Count Dönhoff". مأرشيڤي من لأصل ف 7 December 2014. تطّالع عليه ب تاريخ 23 November 2014.
- ^ Drieënhuizen، Caroline؛ Douze، Marjet (2021). "Belle van Zuylen in koloniale zaken". ف Jouwe، Nancy (إيديتور). Slavernij en de stad Utrecht (ب Dutch). Walburg Pers. pp. 153–172. ردمك 9789462497689.CS1 maint: unrecognized language (link)
- ^ te Slaa، Willem؛ Stam، Dineke (27 August 2021). "Koloniale belangen van de achttiende-eeuwse bewoners van Slot Zuylen". 27 Aug – 5 Dec (ب Dutch). Slot Zuylen en slavernij Magazine: Slot Zuylen. pp. 10–12.CS1 maint: unrecognized language (link)
- ^ te Slaa، Willem؛ Stam، Dineke (27 August 2021). "Belle van Zuylen: Vrijheid, gelijkheid, slavernij". 27 Aug – 5 Dec (ب Dutch). Slot Zuylen en slavernij Magazine: Slot Zuylen. ص. 13.CS1 maint: unrecognized language (link)
- ^ Stam، Dineke (27 August 2021). "Drie vrouwen: kleur, geld en slavernij". 27 Aug – 5 Dec (ب Dutch). Slot Zuylen en slavernij Magazine: Slot Zuylen. pp. 14–15.CS1 maint: unrecognized language (link)
- ^ van Dijk، Suzan (October 2021). "Belle van Zuylen over slavernij en rijkdom". Oud-Utrecht. Tijdschrift voor Geschiedenis van Stad en Regio Utrecht (ب Dutch). 94(5), 2021 (October): 13–17, page 15.CS1 maint: unrecognized language (link)
- ^ Dubois، Simone (1969). Belle van Zuylen, 1740-1805. Leven op afstand. Zaltbommel: Europese Bibliotheek. ص. 218.