إسحاق نيوتن

إسحاق نيوتن

معلومات عامة
زيادة	25 دجنبر 1642 ^{(يولياني)} منزل وولستورب مانور
لموت	20 مارس 1727 ^{(يولياني)} (84 عام) كنزينغتون
لجنسية	مملكة إنجلترا مملكة بريطانيا العظمى
لحرفة	ماطيماتيسيان و فيلسوف
لّوغات لي كيعرف	اللاتينية و نڭليزية
لفاميلة
لواليد	إسحاق نيوتن
لواليدة	هانا أيسكوف
لمحيط	كاثرين بارتون (بنت لخو/لخت)
لإتنية	إنجليز
معلومات خرى
دين	لاثالوثية
لحيزب	حزب الأحرار البريطاني
لأعمال	(1680) الأصول الرياضية للفلسفة الطبيعية (1704) البصريات (1736) طريقة التدفقات
تأتر ب	روني ديكارط


لجوايز	(1705) فارس حدث

إسحاق نيوتن (تزاد ف 25 دجنبر 1642 - مات ف 20 مارس 1727) هو عالم نݣليزي من أكبر لعلما لي عطاو ف لماط ؤ لفيزيك ؤ من بين رّموز د ثّورة لعلمية. نيوتن كان رئيس ديال لجمعية لملكية لبريطانية ؤ كان عضو ف لبرلمان د نݣليز، نيوتن كتب لكتاب ديالو "لأصول د لماط ف لفلسفة ديال طّبيعة"، عام 1687، لي كيهضر علا لميكانيك كلاسيك، نيوتن عطى حتا ف ضومين د لبصريات، ؤ هو (معا لايبنيتز) لي حط لباز د تّفاضل ؤ تّكامل.

حياتو

تزاد نيوتن ف 25 دجنبر 1642 ف وولسثورپ-حدا-كلوستروورث، ف إقليم لينكونشير ف نݣليز، من بعد ما مات باه ب شي تلت شهور، ولي كان كيخدم فلاح و حتا باه سمو إسحاق نيوتن.

فاش عمل إسحاق 13 عام، تزوجت لم ديالو ب راجل أخور و خلاتو معا جداتو تربيه لي كان إسما مارݣريت آيسكوف. بسباب هادشي إسحاق مكانش كيبغي لم ديالو ف ديك لوقيتة.

منين كان عندو 12 عام تال 17 عام كان كيقرا ف مدرسة لماليك ف ݣرانتهام، و من بعد خرج منها ف أكتوبر 1659 و رجع بحالو ل لفيرما د وولسثورپ. بحيت لقا لم ديالو أرملة و لقاها كتخطط باش تخدمو فالفلاحة بحال لواليد ديالو. ولكن هو مكانش كتعجبو لفلاحة.

كتوبا ديالو

إسحاق نيوتن خرج بزاف د لكتوبا هما :

طّريقة ديال تّفاضل (1671)
من طّبيعة: قوانين وعمليات باينة في لحياة لنباتية (ماتنشرش، تكتب بين عام 1671 ؤ عام 1675)^[1]
علا لحركة د لأجسام ف دوارات (1684)
لأصول دلماط ف لفلسفة ديال طّبيعة (1687)
لبصريات (1704)
لحساب لعالمي (1707)
سيستيم ديال لعالم، محاضرات علا لبصريات، ترتيب دلوقت للممالك لقديمة (تنشر عام 1728 مورا مامات)
شي ملاحظات علا سفر دانيال ؤ سفر رؤيا لقديس يوحنا (1733)
شرح تاريخي لجوج تزويرات مهمة ف لكتاب لمقدس (1754)

مصادر

^ "Daily News Bulletin, February 23, 1962" (PDF) (ب نڭليزية). 23 فبراير 1962. مأرشيڤي (PDF) من لأصل ف 2022-01-20. تطّالع عليه ب تاريخ 2023-10-25.

http://www-history.mcs.st-andrews.ac.uk/Mathematicians/Newton.html http://www.questia.com/read/5876270 مؤرشف 2009-08-13 فموقع وايباك ماشين

http://www.newtonproject.sussex.ac.uk/prism.php?id=1

http://plato.stanford.edu/entries/newton/ https://web.archive.org/web/20081007101707/http://www.math.rutgers.edu/courses/436/Honors02/newton.html

تقدر تزيد شوف بزاف د تّصاور و لمعلومات ديال Isaac Newton ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[eulogy-1] "Daily News Bulletin, February 23, 1962" (PDF) (ب نڭليزية). 23 فبراير 1962. مأرشيڤي (PDF) من لأصل ف 2022-01-20. تطّالع عليه ب تاريخ 2023-10-25.

[1]