أيل حمر

مقالة ؤلا فقرة ناقصينها عيون لكلام.
لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون.
ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

أيل حمر


معلومات عامة
سمية لعيلمية	Cervus elaphus (كارولوس لينيوس، 1758)
لخاصية د ترتاب	نوع
تابع ل	جنس الأيل
حالة د لحماية

مامهددش
UICN	55997072
لعيشة
لمودة د لعيشة	حتال 31.5 عام
داخل على	ؤسطراليا
لخاريطة ديال فين عايش لكائن

معلومات خرين
لكائن مصدر ديال	red deer horn oil *wapiti meat
رمز ديال ليونيكود	🦌

لأيل لحمر (سمية عيلمية Cervus Elaphus، سيرڤوس إلافوس) هو واحد من أكبر النواع د لأيايل. كايعيش تقريبا ف ݣاع أوروپا، لمنطاقة د جبال لقوقاز، لأناضول، إيران و شي پارتيات ف غرب آسيا. كايعيش عاوتاني نوع فرعي من لأيل لحمر ف جبال لأطلس ف شمال إفريقيا سميتو لأيل لأطلسي، هو نوع لوحيد من لأيايل لي كايعيش ف إفريقيا. لأيل لحمر تدخّل ل بزاف د لبلايص، منها، ؤسطراليا، نيوزيلاندا، الولايات المتاحدة د ميريكان كاناضا، پيرو، ؤروڭواي، تشيلي و لارجونتين. ف بزاف د لقنات ف لعالم، اللحم د لأيل لحمر كايتخدم كا مصدر ل لماكلة.

لأيل لحمر من لمضايغيات، حيت عندو معدة رباعية لبيوت. لاديلة لجينية كاتلمح بلي لأيل لحمر، هي ݣروپ د النواع، ف عوض نوع واحد، غير هو شحال من نوع ب الضبط كاين ف لݣروپ باقي محط ل النيقاش.

لوصف

لأيل لحمر هو رابع أكبر نوع د لأيل باقي دابا، مورا لموض، لايلك و أيل الصامبار. هو حيوان مضايغي، كاياكل لماكلة على جوج مرحلات و عندو الصباع ف قياس واحد ف كل حافر، بحال الجمال، لمعيز، و لبݣر. لأيل لحمر لأوروپي عندهوم قزازب طوال ب لموقارنة معا النواع لفرعية لخرى د لأيل لحمر، تقشعات ختيلافات صغيرة ف لمضهر بينات النواع لفرعية، ف الطاي و لݣرون، الصغير ف هاد النواع هو لأيل لحمر لكورسيكي و السرديني و لكبير هو لأيل لحمر لقزويني.

لقياس

لعلو د لأيل لحمر يقدر يوصل حتى ل 1.37 ميطر ف لكتاف، و الطول من النيف ل لقزيبة يقدر يوصل حتى ل 2.01 ف الدكور. لوزان د هاد النوع كاتفاوت بين 30 كيلوݣرام حتى ل 50 كيلو عند الصغار، 70 حتى ل 100 كيلو عند النتوات، و 100 حتى ل 180، و شي نواع فرعية تقدر توصل حتى ل 225 كيلو عند الدكور لبالغين. لعمر د لأيل لحمر يقدر يوصل حتى ل 20 عام، و لايني أيايل قليلة لي كاتعيش مور ال16 لعام.

لفرو

لأيل لحمر ف الصيف كايكون لفرو ديالو قصير، معا شوية د الصوفة ولا يقدر يكون بلا صوفة، لي كاتبدا تكبر ف جوايه ماي و كاتكمل ف لعادة جوايه اللخر د يوليوز و بدية د غشت. الزغب كايكون قهوي محمر ب غرق د 5 سونتيميطر، هادشي كايعطي ل لحيوان لون قهوي محمر غني. ف جوايه شتنبر، كايبدا يكبر لفرو د الشتا لي كايكون طوْل، و حرش كتر، ب لون قهوي-رمادي، و كايكمل لفرو معا جوايه اللخر د لعام.

الريجيم

كتاكل لأيايل لحمرا لݣازو، التارة، لأسلية ف لوقيتة د فصل الصيف، و الشجيرات لقزمة بحال لفاميلة د لخلنجيات كي التوت الزرق، ف لوقيتة د فصل الشتا.

التوزيع الجغرافي و لموايل الطابيعية

التوزيع

نقدرو نلقاو لأيل لحمر تقريبا ف ݣاع أوروپا، ف فرانسا، ألمانيا، النمسا، التشيك، هونݣاريا، صلوڤاكيا و پولونيا. موجودين عاوتاني ف النرويج، السويد، لاطڤيا و إيصطونيا. و ف ݣاع توركيا حتى ل إيران، حتى ل الشمال ف جورجيا و ف الجنوب د روسيا حتى ل لغرب ف لقرم ف أوكرانيا. كاينين ريوس قلال ف الصبليون، الطاليان و الدول د يوݣوسلاڤيا لقديمة. لأيل لحمر هو النوع لوحيد د لأيايل لي كايعيش ف إفريقيا، فين كايتلقاو ف ف جبال لأطلس ف شمال لقارة. آپار من كورسيكا و سردينيا هاد النوع غايب من لݣزاير د لبحر لبيض لمتوسط، برا على أوراسيا و شمال إفريقيا، هاد النوع تدخّل ل شي بلايص ف أمريكا الجنوبية، نيو زيلانضا، و أوصطراليا.

لموايل

لأيايل لحمر نوع كايكون ب كترة ف لغابات د الشجر ف لوقيتة د تطياح لوراق، وخا هوما حيوانات كاتآضاپطا و نقدرو نلقاوهوم ف لغابات د الصنوبر، التيرات د لݣازو لمحلولة، لمروج، لوديان د النهر، السهول لفياضانية، لحدائيق و لݣلتات. بصح بلي، كايميلو باش يدوزو وقت كبير ف اللاكات و لݣلتات، هادشي لي خلا شي عولاما يقترحو بلي هاد النوع من النواع النهرية. هوما قلال بزاف ف لبلايص لي فيهوم لغابات لكتيفة بزاف. هاد النوع ب شكل عام كايتّلقى تحت من لخط د الشجر، وخا شي نواع فرعية بحال (لأيل د لآلپ) يقدر يتلقى ف علو زايد فوق لخط د الشجر ف لوقيتة د الصيف.

السولوك

لأيايل لحمرا من لبزوليات لجتيماعية، ديما كانلقاوهوم ف ݣروپات د لفاميلة. أيل حمر بالغ ف لعادة كايبقى ف ݣروپ د نفس لجينس كتر من عام. ف لوقيتة د موسم لمجاوجة، لأيايل لبالغة كايتطايفو على ود نتيباه د النتوات و من موراها غايحاولو يحاميو على النتاوي لي جدبو. لأيايل لمنافسة كايتحداو الدكورا لخرين ب لمشيان ب شكل متوازي معاهوم. هادشي كايخلي لمطايفين يعبرو لݣرون د بعضياتهوم، لكبورية د لكسدة، و الجهد ديالهوم. يلا حتى واحد فيهوم ما رجع ل اللور، تقدر توقع مناطحة، لي تقدر تودي شي خطرات ل جروح خطيرة.

لمجاوجة

لملاقية كاتاخد بلاصة من جوايه اللخر د شتنبر حتى ل نوفمبر. فين الدكورا لبالغين من 5 سنين حتى ل 6 سنين، كايمشيو من لݣروپات د الدكور باش يقلبو على النتوات ف لبلايص د لمجاوجة. الدكور كايميلو باش يدافعو على مجموعة من 10 حتى ل 12 نتوة (ف شي حالات ستيتنائية حتى ل 70) كا محاولة باش يتجنبو لملاقية معا دكورا خرين، ب الدخول ف مطايفات صوتية "زئير"، لي يقدر يطلع ل لمشيان ب التوازي و لمشابكة ب لݣرون. مورا لمجاوجة، الدكور و النتوات ف لعادة كايطلقو ليفرازات مرة خرى. الصغار (نورمالمو واحد، ناديرا توام) كايتولدو كا نتيجة ل لمجاوجة د لخريف من لوسط د ماي، و لكين لأوج د لولادات كايكون ف السيمانة اللولى و التانية من شهر يونيو. الصغار كايفطمو ف عمر التمن شهور، و كايكونو ديجا طيحو لفرو لمنقط د الصغر ديالهوم.