ݣوانشا
لݣوانشا ؤلا لݣوانشيا هوما ناس كانو ساكنين ف لجزر ديال لكناري جاو من سوس و درعة و هاجرو ما بين 1000 و 100 ق.م. و لأصل ديالهوم أمازيغي. ملي جاو الصبليون للجزر لقاوهم تما عايشين حياة بسيطة و ماكنتش عندهوم التكنولوجيا ديال ديك الساعة. التقافة ديالهوم نقارضات تقريبا من غير لغة الصفير السيلبو اللي مازال تاهضروها شي ناس ف لجزيرة ديال لا ݣوميرا.[1]
التاريخ
بدللݣوانش هوما من الأمازيغ اللي هاجرو من الغرب ديال شمال إفريقيا.
واحد الكاتب روماني سميتو پلينيوس لقديم قال: على حساب داكشي للي قال لملك ديال موريطانية يوبا التاني راه لقرطاجيين سافرو ل لجزر ديال لكناري عام 50 ق.م. و ما تلاقاوش بنادم من غير شي بنايات كبار.
تقتلو بزاف ديال لݣوانش ف لحرب ضد صبانيا لّي ستعمرو لجزر ف لقرن 14. بزاف منهوم ماتو بسباب لأمراض حيت ما كانتش عندهوم مناعة ضدها حيت كانو منعازلين جغرافياً.
لݣوانشية هي لّوغة لّي كانو تايهضرو بها لݣوانش و عندها بزاف ديال لحوايج مشتاركة معا لأمازيغية.
كانو لݣوانش عندهوم تجربة كبيرة معا تّحنيط بحال لفراعنة لّي كانو ف مصر لقديمة. كاين بزاف ديال لموميات ف لمتحف ديال طبيعة و لإنسان لّي كاين ف لجزيرة ديال سانطا كروز دي تينيريفي.
كانو لݣوانش تايأمنو ب بزاف ديال لمعتقدات على لآلهة و شّياطن و لأرواح.
من بين هاد لآلهة كاين:
- آخمان - الله ديال سما
- ماجيك - الله ديال شمش
- جيوتا - شيطان
- شاكسيراكسي - لإلهة لأم
تصاور
بدل-
رسم ديال ملوك لݣوانش و هوما تايستاسلمو لصبانيا ف جزر لكناري -
مجسم ديال واحد لقرية ديال لݣوانش -
موميا ديال لݣوانش
شوف حتا
بدلعيون لكلام
بدل
|
تقدر تزيد شوف بزاف د تّصاور و لمعلومات ديال Guanches ف ويكيميديا كومنز. |