ويكيپيديا:مستويات د لاكصي د لخدايميا

لمستويات د لاكصي د لخدايميا كيحدّدو صّلاحيات لي كيكونو عند لخدايميا ف ويكيپيديا، باش يقدّو يديرو تبديلات من نواع مختالفين ف لموسوعة. كلا كونط د لخدايمي كيكون كينتامي ل ڭروپ ؤلا ڭروپات محددين د لخدايميا، ؤ كلا ڭروپ كيكونو عندو صلاحيات محددة، يعني نوع د تّبديلات لي يقدر ؤلا مايقدرش يدير.

من بين صّلاحيات لي كاينين ف ويكيپيديا، كاين لمصاوبة د صفاحي جداد، تّبدال ف صّفاحي لي ديجا كاينين، تحويل لعنوان ديال صفحة، تبدال خاصيات لحماية ديال صفحة، لمنع ؤلا تحياد لمنع على شي خدايمي، ؤ غيرهوم. هاد صّلاحيات ماكيكونوش موتاحين ب نفس دّوڭري ف جميع لمجالات سّمياتية.

تّفاصيل ديال لڭروپات د لخدايميا و صّلاحيات لي عندهوم مشروحين ب تّفصيل ف هاد صّفحة لخاصة.

ڭروپات كيتّعطاو ديريكت

خدايمي ب أيپي

لخدايمي ب أيپي هوّا خدايمي لي مامقيّدش ف ويكيپيديا، ؤلا مقيّد و عندو كونط، ولاكين ماداخلش ليه. لخدايمي ب أيپي كيكون معروف غير ب لأيپي ديالو، لي كيبان ف تّاريخ د تّبديلات ديال صّفحة لي بدّل فيها، ؤلا ف لمداكرات يلا دار تدخّل ب سينياتور.

أغلبية د صّفاحي د ويكيپيديا كيكونو مفتوحين باش يبدّل فيهوم أي واحد، وخا بلا كونط. هادشي جزء من سّياسة د نّفيتاح ديال ويكيپيديا، باش جميع نّاس يكونو قادرين يساهمو ب لمعرفة ديالهوم، ؤ يقدرو يصلحو لمقالات ؤ لمحتوى د ويكيپيديا بشكل عام. لخدايمي ب أيپي مايقدرش يبدّل ف صفاحي محميين، ؤ ناقصينو بزاف د صّلاحيات لخرين لي عند خدايميا ب كونط.

خدايمي مقيّد

لخدايمي لمقيّد كيكون عندو كونط ف ويكيپيديا، لي صالح ف جميع مشاريع ويكيميديا ب جميع لّوغات لمتوفرة. عندو صلاحية ديال لمصيفطة د إميلات ل خدايميا خرين يلا كان مفعّل ليميل. عندو صلاحية د لماركاج د "تبديل صغير" (يعني يدير علامة بلي شي تبديل ديالو ف صفحة راه صغير). يقدر يخوي صفحة بلا مايكونفيرمي، مي خاصّو يجاوب على كاپتشا باش يزيد ليان برّاني. تّبديلات لي دار ف صفاحي عليهوم حماية د تّبديلات لمعلقة ماكيدوزو غير مور مراجعة ديال شي كتاتبي عندو صلاحيات د موراجيع. يقدر يبدّل تّفضيلات ديالو ف خاص:تفضيلات، ؤلا ب زيادة ديال سكريپت CSS ف common.css ؤلا جاڤاسكريپت ف common.js. يقدر يقاد ؤ يتبّع صفاحي ف لّيستة د لمتابعة ديالو.

خدايمي مكونفيرمي

راك ماملوڭيش، داكشي علاش راك مامكونفيرميش. لكونط ديالك مكونفيرميمامكونفيرميش.

خدايمي مكونفيرمي نيشان

راك ماملوڭيش، داكشي علاش راك مامكونفيرميش نيشان. لكونط ديالك مكونفيرمي نيشانمامكونفيرميش نيشان.

ڭروپات كيتّعطاو غير ب طلب

أمغار

•  صفحة متعمقة: ويكيپيديا:إمغارن

لأمغار (جمع إمغارن) هوّا أدمين ؤلا مودير ف ويكيپيديا پ دّاريجة، لي هوّا خدايمي لي نال تّيقة د جّماعة د لويكيپيديين باش يكونو عندو صلاحيات واسعة ف تدبير لموسوعة. ب لإضافة ل صّلاحيات لي لفوق، لأمغار يقدر يمحي صفاحي ؤلا يسترجعهوم يلا كانو تّمحاو. يقدر يبلوكي كتاتبيا سوا ب لأيپي ؤلا ب مستويات أعلى يلا كانو كيديرو تخريب ف صّفاحي، ؤ يقدر يبدّل مستوى لحماية على صّفاحي.

أمغار د لانطيرفاص

لأمغار د لانطيرفاص هوّا أمغار لي عندو صلاحية زايدة لي هيّا باش يبدّل ؤ يقاد صفاحي ف لمجال سّمياتي د ميدياويكي. هاد صّلاحية ماكاتّعطاش ل أي واحد حيت صّفاحي د ميدياويكي يقدر يكون عندهوم تأتير شامل على كيفاش كاتبان لويكيپيديا بشكل عام، ؤ يلا أي كتاتبي كان عندو لحق يبدّل فيهوم يقدر هادشي يدير تخريب كبير ف لمضهر و لمحتوى د سّيت.

بيروقراطي

لبيروقراطي هوّا مستوى د لاكصي لي فوق لأمغار، ؤ لي كيكون مولاه عندو صلاحية باش يعطي صلاحيات د أمغار ل كتاتبيا خرين، ب لإضافة ل صلاحية د لبوتات ل لكونطات د لخدايميا لي غادي يستعملوهوم بوتات. كاينين صلاحيات لي فوق لبيروقراطي، ولاكين ماكيكونوش ف لعادة على مستوى ويكيپيديا، مي ف ميطاويكي. ل حد سّاعة ماكاين تا شي بيروقراطي ف ويكيپيديا ب دّاريجة.