لمؤسسة د ويكيميديا
مؤسسة ويكيميديا (ب نݣليزية Wikimedia Foundation ؤلا WMF) هيّا منضمة عالمية ماشي ربحية كاين لمقر ديالها ف سان فرانسيسكو ف لميريكان. لمؤسسة تاتسيّر بزاف د لمشاريع لّي عندها علاقة ب لمحتوى لحرُ، ؤ تاتملك ضّومينات ؤ سّيرڤورات ديالها، بحال لمشروع د ويكيپيديا، لّي هو خامس أكبر موقع ف لعالم من نّاحية ديال شحال من واحد تيدخليه. لمؤسسة ماتاتحكمش ف لمحتوى ديال ديك لمشاريع ؤ ماتقدرش تبدلو، هاداكشي تيديروه لمتطوعين ف لعالام كامل، أما لمؤسسة خدمتها هيّا تتأكد بلي كلشي خدام ؤ تعاون لمتطوعين ف أي حاجة حتاجو.
لمؤسسة د ويكيميديا
| ||
| ||
| معلومات أساسية | ||
| نوع د لمؤسسة | مونضامة لاربحية و منظمة خيرية | |
| لبلاد | الولايات المتاحدة د ميريكان | |
| لموضع | سان فرانسيسكو | |
| لمؤسس | دجيمي وييلز | |
| تاريخ د تّأسيس | 20 يونيو 2003 | |
| عاداد لموضّافين | 700 | |
| رئيس | ناتاليا تيمكيف | |
| سّيت رّسمي | wikimediafoundation.org | |
| معلومات إضافية | ||
| أعضاء/ڭزوات | Wikimedia Foundation elections committee، Funds Dissemination Committee، Machine Learning Team، مجلس أمناء مؤسسة ويكيميديا و Wikimedia Performance Team | |
| شيعار | تخيّل واحد لعالم فين كلا بنادم كيعيش فوق لأرض عندو أكصي ل لمعرفة كاملة | |
| راسمال | 250,965,442 | |
| فروع | ||
| أملاك | ||
لمؤسسة د ويكيميديا تأسسات ف 20 يونيو 2003 من عند جيمي وييلز ؤ لاري سانݣر. لمديرة ديالها من يناير 2022 هيّا ماريانا إسكندر.[1]
لأهداف ديالها
بدلمؤسسة ويكيميديا تأسسات ل بزاف د لغراض. لهدف لموهيم ݣاع ديالها هو تعاون لمشاريع ديالها د تّقافة لحورّة ؤ نّاس لمتطوعين لّي خدامين عليها. من بين لحوابج لّي تادير لمؤسسة باش توصل ل هاد لهدف:
- تّخدام د لموقع د ويكيپيديا - مؤسسة ويكيميديا تاتحكم ف مئات سّيرڤورات ف لعالام لّي تيحافظو علا لمشاريع ديالها، لّي أهم واحد فيهم هو ويكيپيديا.
- لمعاونة د لمتطوعين - بحال دابا تيوفرو ليهم موراد تقنية ؤلا تعليم ؤلا فلوس باش ينضّمو أنشطة ؤ مؤتمرات.
- شراكات مع بزاف د لمؤسسات - بحال ليونيسكو ؤلا منضمات لّي تيخدمو علا تّقافة لحورّة.
- تّعريف ب ويكيپيديا - ؤلا ب لمشاريع لخرة باش نّاس يشاركو فيها ؤ يطورو لمحتوى كتر.
لمشاريع ديالها
بدلمؤسسة د ويكيميديا واقفة علا بزاف د لمشاريع، لّي هيّا:[2]
شوف تا
بدلعيون لكلام
بدل- ^ Lima، Cristiano (2021-09-14). "Wikimedia taps leader of South African nonprofit as its next CEO". Washington Post (ب نڭليزية). ISSN 0190-8286. مأرشيڤي من لأصل ف 2021-09-14. تطّالع عليه ب تاريخ 2021-09-14.
- ^ "لپروجيات ديال ويكيميديا" (ب نڭليزية). مأرشيڤي من لأصل ف 2023-10-11. تطّالع عليه ب تاريخ 2021-05-22.
|
تقدر تزيد شوف بزاف د تّصاور و لمعلومات ديال Wikimedia Foundation ف ويكيميديا كومنز. |