وعد بلفور

مقالة ؤلا فقرة ناقصينها عيون لكلام. لمعلومات لّي ف هاد لمقالة ؤلا هاد لفقرة ناقصين ف توتيق، خاصّ يتزادو فيها عيون لكلام باش تكون موتوقة. شوف هنا كيفاش تزيد لعيون. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط!

الوعد د بَلفور ولا الإعلان د بَلفور، واحد البيان عام دارتو الحكومة البريطانية ف 1917 ف الوقيتة د الحرب العالمية اللولا علنات بلّي غايعاونو ف التأسيس ديال "بلاد وطنية ل الشعب ليهودي" ف فلسطين، اللي كانت واحد المنطقة عتمانية فيها أقلية صغيرة د ليهود. هاد الإعلان جا ف واحد الرسالة ف تاريخ 2، شهر 11، 1917 من الوزير د الخارجية د المملكة المتحدة أرتر بلفور، ل اللورد روتشيلد، واحد الزعيم د المجتمع الليهودي البريطاني، باش يعطيها ل التيحاد الصهيوني د بريطانيا العضمى ؤ إيرلاندا. النص د الإعلان نشراتو الصحافة ف 9، شهر 11، 1917.

الرسالة الدوريجين من بلفور ل روتشيلد، اللي جا فيها: "الحكومة د صاحب الجلالة كاتشوف ب عطف التأسيس ف فلسطين واحد البلاد وطنية ل الشعب ليهودي، ؤ غاتدير جهدها كامل باش تسهّل التحقيق د هاد الهدف، ؤ خاس يتفهم مزيان بلّي ماغاتدار حتا حاجة اللي غاتنقص من الحقوق المدنية ؤ الدينية د المجتمعات اللي ماشي يهودية تما ف فلسطين، ولّا الحقوق ؤ الوضع السياسي اللي عند ليهود ف أي بلاد اخرا."

ديك الساعة مور الإعلان د الحرب على الامبراطورية العتمانية ف شهر 11، 1914، الكابينة د الحرب البريطانية بدات كاتفكر ف المستقبال د فلسطين؛ ف شهراين واحد المدكرة كانت كاتدور تما ف الكابينة، ديال واحد العضو صهيوني، سميتو هيربرت صمويل، كايقتارح فيها الدعم ديال الطموحات الصهيونية باش يربحو الدعم د ليهود ف الحرب. الرئيس د الوزارا ه. ه. أسكويت دار واحد اللجنة ف 1915 باش يعزلو السياسة ديالهوم معا الامبراطوية العتمانية اللي فيها حتا فلسطين. أسكويت اللي كان معا الإصلاح د الامبراطورية العتمانية مورا الحرب، استقل ف 1916، ديڤيد لويد جورج اللي جا موراه كان معا التقسيم ديالها، المفاوضات اللولا بين البريطانيين ؤ الصهيونيين كانت ف المؤتمر د 7 شهر 2، 1917 اللي كان فيها السير مارك سايكس ؤ القيادة د الصهيونيين. المناقشات اللي موراها جا واحد الطلب د بلفور، ف 19 شهر 6، ل روتشيلد ؤ تشيم ويزمان باش يحطّو واحد المسودة د الإعلان العام. مسودّات وحداخرا تناقشات ف مجلس الوزارا البريطاني ف شهر 9 ؤ 10، كانو شي مداخلات د ليهود الصهيونيين ؤ اللي ضد الصهيونية ولكن ماكانش حتا تمتيل د السكّان المحليين د فلسطين.

ف اللخر د 1917 ، قبل الإعلان د بلفور ، وصلت الحرب لواحد الطريق مسدود ، كان باقي ماشاركو فيها مزيان جوج من الحلفاء د بريطانيا: ميريكان كان باقي ماعندها حتا خساير ، ؤ الرواسا كانت عندهوم التورة حيت البلاشڤة كانو شادّين الحكومة. الجميد ف الجنوب د فلسطين تهرّس بسباب المعركة د بير السبع في 31 شهر 10، 1917. توافق باش يخرج البيان اللخراني ف 31 شهر 10. المناقشة د مجلس الوزرا اللي فاتت بينات الفايدة د الپروپّاݣاندا وسط المجتمع د ليهود ف ݣاع العالام ل الجهود د الحلفاء د الحرب.

تقدر تزيد شوف بزاف د تّصاور و لمعلومات ديال Balfour Declaration ف ويكيميديا كومنز.