نافانوا كانت قايدة أولا ملكة تاريخية (بالصاموية: ali'i) ومحاربة (بالصاموية: toa) من صاموا من عشيرة صا تونومايپيا (بالصاموية: Sā Tonumaipe'ā). خدات بزاف ديال لألقاب تاع لحوكم فلبلاد[1]، ومن مورا لموت ديالها رجعات إلاهة ديال لحرب فالديانة لپولينيزية.

نافانوا
معلومات عامة
لبلاد صاموا
لحرفة زعيمة قبيلة و محاربة
معلومات خرى
أتر ف الناس ديال صاموا


كاينين بزاف ديال لحكايات التاريخية ولخرايف عليها وعلى لفاميلة ديالها. لعبات دور كبير بزاف فلحرب لأهليه اللي شعلات مابين لقبايل دالشرق ولغرب ديال ݣزيرة صاڤاي. هي بنت صاڤياسيوليو اللي كايتحسب نص إلاه.[2] لواليدة ديالها هي تيلافايݣا، خت تويمية ل تاييما اللي جابت الطاطواج لصاموا، على حساب ماكاتݣول لخرافة.

لحكاية بدل

 
متال ديال تيپوتا اللي كانت نافانوا لابساه فوقات لحرب.

خدات نافانوا لألقاب ديال لحوكم حيتاش جابت السلام لݣزيرة صاڤاي من لحروب لكبيرة اللي ربحاتهوم. خدمات ربعة ديال لأنواع دالسلاح اللي كان مصاوب من لخشب. واحد لخرافة كاتݣول باللي ملّي رجّعات لعدو لبلاصتهوم، نسات مادارت داكشي اللي ݣال ليها لواليد ديالها. من بعد جات عجاج مجهد اللي هز التيپوتا ديالها وعرّا السدر ديالها، الشي اللي خلّا لعدو يستاسلم ملي عرفو باللي راه اللي غلبهوم مرا ماشي راجل. هاد لعديان حسو بالشمتة، وعتارفو بالشجاعة ديالها.[3] من هنا خدات لحوكم ديال لقبايل الربعة لكبار، وبنات السيستيم ديال التسيير اللي باقي لدابا كاين فصاموا.

عيون لكلام بدل

  1. ^ Tuimalealiifano، Morgan (2006). O Tama a ʻāiga: The Politics of Succession to Sāmoa's Paramount Titles. Suva: University of the South Pacific. ردمك 9789820203778. مأرشيڤي من لأصل ف 2023-03-13. تطّالع عليه ب تاريخ 2021-07-06.
  2. ^ [1], Coming of Age in American Anthropology: Margaret Mead and Paradise by Malo Pau'po Isaia, p. 39
  3. ^ Lesuma (2019). "Sā Nafanuā: Reconstituting Nafanua as Female Empowerment in Samoan Diasporic Literature". The Journal of American Folklore. 132 (525): 265–6. doi:10.5406/jamerfolk.132.525.0260. ISSN 0021-8715. Unknown parameter |s2cid= ignored (معاونة)