موحا أوحمو الزياني
موحا أو حمًو أو عقًا أو حمد و اللي معروف بموحا أوحمُو الزياني (تزاد ف 1857 فآيت حركات - مات ف 1921 ف تاوجكالت) كان قايد (أمغار) ومقاوم مغريبي ضد ليستيعمار لفرانساوي فزايان.
موحا أوحمو الزياني
| ||
| ||
| معلومات عامة | ||
| زيادة | 1857 خنيفرة | |
| لموت | 27 مارس 1921 (63/64 عام) | |
| لجنسية | لمغريب | |
| لحرفة | قايد عسكري | |
| لّوغات لي كيعرف | لوغات أمازيغية | |
حياتو عدل
تزاد موحا أوحمو الزياني ف 1857 فوسط عائلة أمحزون, اللي تابعة لقبيلة آيت حركات فالنواحي د خنيفرة، و اللي هي طرف من لقبايل د زايان فلأطلس لمتوسط.
ف 1886، من مورا ما مات خوه سعيد, عيًنو السلطان الحسن اللًول قايد (أمغار) ديال زايان وعطاه 300 عسكري وثلاثة د لمدافع.[1] السلطان عاون موحا حيث كان الحسن اللًول محالف مع لقبيلة ديالو وتيعطيهم السًلاح باش يحاربو لقبايل اللي ماباغينش السلطان فبلاد السيبة.
ف 1908، غادي يبدا موحا يحارب لفرانساويين اللي كانو احتلًو ديك لوقت الشاوية و الدار لبيضا. ف 1913، غادي يبداو يدخلو لفرانساويين للأطلس و غادي يحاربهم موحا وجيشو ف لقصيبة. فنونبر 1914, غادي يغلبو لقبايل د زايان فرانسا ف لمعركة د لهري، اللي تقتل فيها جينيرال فرانساوي و 33 من الضباط ديالو.[2] من بعد هاد لمعركة غادي تزيد فرانسا فلعسكر ديالها وغادي تحتل خنيفرة. موحا و لجيش ديالو كمًلو لمقاومة ديالهم فالجبل.
نهار 27 مارس 1921، فلمعركة د أزلاك ن تازمًورت، غادي يموت موحا أوحمو الزياني من بعد ماتيرا فيه واحد من ولادو بلغلط, وجاب فيه قرطاسة فلعنق.[3]
عيون لكلام عدل
- ^ "موحا أحمو الزياني - المقاوم المغربي الذي أذل المستعمر الفرنسي".
- ^ [youtube.com/watch?v=9ZFp8oqpcmY لقاء مع حفيد موحا أوحمو الزياني - أمودًُو (2019).]
- ^ "موحى الزياني - أمازيغي واجه جيش دولة وقتله ابنه!".