مداكرة:1 يناير

ناس تزادو وتوفّاو

تحياتي ليك خويا @Ideophagous: وشكرا ليك بزاف على لمجهود اللي كاتدير. آجي واش مابانش ليك باللي هاد الطريقة كاتطول لمقالة بزاف؟ آش بان ليك تدير بحال هكا، زعما عوض بزاف ديال لعناوين السفليين تكتب لمقالة هكّا:

قبل لميلاد

• -650: صافو
• -623: طاليس
• -582: پيطاݣوراس

بعد لميلاد

• 1460: سيدي أحمد أوموسى  · ڤاسكو دا ݣاما
• 1502: مصطفى أزموري (إسطيبانيكو)
• 1906: موحى أو الحسين أشيبان

هكدا غاتبان لمقالة مافيهاش عناوين بزاف ولمقالة صغيرة. كانتمنى تاخد هادشي بعين ليعتيبار. تحياتي (: --سمير تامر (نقاش) 18:03، 1 شتنبر 2021 (+01)

سلام خاي @سمير تامر:. درتها هاكاك حيت يقدرو يكونو سميات كتار د ناس مزيودين ف نفس لعام ؤ غادي يخص عنوان فرعي ل كولا عام. غير حيت دابا ماعندناش بزاف د لمقالات ف ويكيپيديا ب دّاريجة، داكشي علاش ف أغلبية د لحالات كاتطلع سمية ؤلا جوج ماكسيموم ل كولا عام. مي يلا جاتك هاكاك حسن، نقدر نبدّلها، علّاقل حتا يوليو عندنا بزاف د لمقالات علا شّخصيات. لأعوام د قبل لميلاد نقدر نبدّل ليهوم لفورمة، حيت ماعجباتنيش بصراحة ديك ناقص كاتجي علّيمن د لعاداد. نقدر ندير متلا "251 ق.م." بلاصت -251. فكّرت حتا نزيد وصف قدام كولا سمية ناخدو من لمقال ديال كولا شخص (متلا عبد الله بوقدور: صحافي مغريبي)، ولاكين علا حساب كيفاش مكتوبة لجملة لّولة ف كولا مقال تقدر ماتصدقش مزيان ف جميع لحالات. -- Ideophagous (نقاش) 19:23، 1 شتنبر 2021 (+01)

تحياتي خاي مزيانة لقضية ديال ق.م حيتاش ناقص عليمن خايبة. بالنسبة للسميّات لكتار راه ورّيتك كيفاش بليستيعمال ديال لقالب د {{•}} واللي غايفرّق بين السميات (دابا لمقالة كبيرة بزاف وصعيب تناڤيݣا). من لأحسن بلا مايكون شي وصف، الشي اللي غايخلي اللي كايقرا يدخل يشوف شكون داك/ديك فلان(ة) (يعني نكبّرو شوية لفضول، إلا ݣلتي للناس ڤاسكو دا ݣاما: مستكشيف قديم غاتكون حيّدتي لفضول اللي غايخلّي لواحد يدخل للمقالة). لموهيم شوف اللي بان ليك، عشية مبروكة. --سمير تامر (نقاش) 19:35، 1 شتنبر 2021 (+01)

صافي مشات، طّاريقة ديالك حسن باش يبان لمقال مجموع. --Ideophagous (نقاش) 19:39، 1 شتنبر 2021 (+01)

شكرا ليك بزاف خويا @Ideophagous:. بالتوفيق (: --سمير تامر (نقاش) 20:03، 1 شتنبر 2021 (+01)

مولاحضة علا Placeholder

شكرا بزاف خاي @Ideophagous: علا ڭاع هاد لخدمة لي كاتدير، تبارك الله عليك! عندي غير مولاحضة وحدا علا هاد لارتيكل د 1 يناير، جابلي الله بلي لبوط كيعتابر ناس لي عندهوم غير لعام د زيادة لي معروف بلي راهم تولدو ف 1 يناير (بحال شكل لي دارت دولة معا لمغاربة قبل مايكون كناش لحالة لمدنية). ف نضري، خاص نزيدو غير لي بصاح تولدو ولا توفاو ف هاد نهار، أما لخرين نقدرو نزيدوهوم ف پاجات ديال لعوام ملي يكونو. --Reda benkhadra (نقاش) 23:28، 1 شتنبر 2021 (+01)

سلام خاي @Reda benkhadra:. لمعلومات فاش كيتجبدو من ويكيداطا كيكونو ب داك شّكل، ؤ ماكاينش باش نميز مابين تاريخ فيه غير لعام، ؤ تاريخ فيه نيت 1 يناير. مابانتش ليا ل حد سّاعة شي طاريقة، من غير نخلي لبوت يتجاهل لقوالب د 1 يناير ؤ نبقاو نزيدو تّوارخ تماك بيدينا. يلا لقيت شي حل بوتي غادي نعلمكوم. عندي قتيراح هوّا ندير نفس لبلان ل لعوام كيما راهوم دايرين ف نّڭليزية ("ناس تزادو ف 1975"، "ناس توفاو ف 1578"...)، ولاكين ف لحالة ديال لعوام نزيد غير لقوالب ؤ لپاجات لي كاينين فيهوم توارخ موجودين باش مايكونوش مزيودين غير خاويين. ب نّسبة ل لقالب ديال "حوايج وقعو"، عندي ليه واحد لفيكرة غادي نشوف واش تقدر تّطبق. --Ideophagous (نقاش) 23:52، 1 شتنبر 2021 (+01)

سلام خاي @Reda benkhadra:. صافي لقيت لحل ل داك لموشكيل ديال 1 يناير. كاينة خاصية سميتها timePrecision يقدر لبوت يعرف بيها واش داك تّاريخ فيه غير لعام ؤلا حتا شّهر ؤلا نّهار. غادي نصلح لبوت ؤ نعاود نلونصيه ملي يكون واجد. -- Ideophagous (نقاش) 21:28، 2 شتنبر 2021 (+01)

معلم خاي منير. هادي حاجة أتعاون بزاف. --Reda benkhadra (نقاش) 01:46، 3 شتنبر 2021 (+01)

تقادّات صافي. عافاكوم أ دّراري @Reda benkhadra, سمير تامر, Anass Sedrati, و OussamaOuh: شوفو دوك جّوج قتيراحات لتحت واش جاوكوم مزيانين ؤلا لا. --Ideophagous (نقاش) 12:11، 3 شتنبر 2021 (+01)

قتيراح 1

عندي قتيراح هوّا ندير نفس لبلان ل لعوام كيما راهوم دايرين ف نّڭليزية ("ناس تزادو ف 1975"، "ناس توفاو ف 1578"...)، ولاكين ف لحالة ديال لعوام نزيد غير لقوالب ؤ لپاجات لي كاينين فيهوم توارخ موجودين باش مايكونوش مزيودين غير خاويين. إضافة: نقدرو نعطلو هاد لعطاشة حتا تكبر شوية لويكيپيديا، باش تبقا نّيسبة د لمقالات لي مقادهوم لبوت معقولة.

قتيراح 2

سلام أ دّراري @Reda benkhadra, سمير تامر, Anass Sedrati, و OussamaOuh:. عندي قتيراح أخور، هوّا نزيد سّميات د شخصيات مغريبية (ب تّوارخ د زّيادة ؤ لموت) لي كاينين ف ويكيپيديا ب لعربية (سيرتو علا ود سّمية، سينو كنت نقدر ناخد حتا من لوغات خرين)، مي ماشي ب ضّارورة عندنا. تقدر تكون نيت فورصة باش يبانو لّيانات ديالهوم حمرين ؤ نبداو نقادّو ليهوم مقالاتهوم. شنو بان ليكوم؟ --Ideophagous (نقاش) 09:47، 2 شتنبر 2021 (+01)

تبارك الله عليك خاي @Ideophagous: على لخدمة ديالك. أنا معا لقتيراح اللول. لقتيراح التاني مزيان، ولاكين دابا الناس اللي كايساهمو قلال بزاف. خاصنا بزاف ديال لخدادمية. من هنا لتما يكون خير. تحياتي --سمير تامر (نقاش) 19:44، 3 شتنبر 2021 (+01)