مداكرة:مجلس لمستشارين (لمغريب)

التعليق اللخراني: قبل سنتين ديال OussamaOuh ف لموضوع Untitled

Untitled بدل

سلام خاي ، @Ideophagous: فالداريجة كانضن ماكايتقالش "مستشار" كانقولو "مشاوري" يعني "مجليس لمشاوريا" سينو إلا متافق تدار نيت السمية لمخدمة عند الناس و لميديا "مجلس المستشارين" بحال لعربية حيت فاش كادير "مجلس لمستشارين" مانتا كاتب بلعربية مانتا كاتب بالدارجة...أش بان ليك؟ --OussamaOuh (نقاش) 14:58، 11 شتنبر 2021 (+01)ردّ

لقضية د ال ولا ل، هيا مسألة صرفية ؤ إملائية ماعندها علاقة ب واش بغينا نخليو لكلمة بحال لعربية ؤلا. ضونك هاديك مداكرة خرة. ب نّسبة ل كلمة "مستشار" ؤلا "مشاوري"، حاليا كانفضل نخليو لكلمة رّسمية لمعروفة، حتا تبان شي كلمة لي عندها مدلول مغريبي تاريخي (كانت مستعملة قبل) ؤ تكون مناسبة مزيان (أنا بعدا ماعمري سمعت شي حد كيڭول "مشاوري") ؤ حتا يلا بقات مْسْتْشار ماشي موشكيل. مي نشوفو دّراري @سمير تامر, Reda benkhadra, و Anass Sedrati: شنو بان ليهوم. --Ideophagous (نقاش) 15:06، 11 شتنبر 2021 (+01)ردّ
سّميات د لبلايص ؤ نّاس هوما بوحدهوم لي يقدرو، علا حساب لحالة، مايتبعوش لقواعد صّرفية د لّوغة، أي سمية ف شي لوغة خاصها تّبع لقواعد صّرفية ديال ديك لّوغة، كيما كان لأصل ديالها ف شي لوغة خرة. ضونك يلا تّافقنا باش نزيدو لّام ف تّعريف يلا كانت سّمية كاتبدا ب حرف ڭمري، ؤ ال (ؤلا غير شّدة) يلا كان حرف شمسي، هاد لقاعيدة خاصها تطبّق علا كولشي سّميات (من غير سّتيتناوات لي دكرت قبل). --Ideophagous (نقاش) 15:10، 11 شتنبر 2021 (+01)ردّ
@Ideophagous: بالنسبة للكلمة ديال "مشاوري" راه تاريخية ؤ مدكورة حتا فلمسلسلات اللي كاتديها فالترات لمغريبي كيف "حديدان" ولا "رمانة و برطال" --OussamaOuh (نقاش) 19:22، 11 شتنبر 2021 (+01)ردّ
صافي، نشوفو غير دّراري شنو يڭولو، حيت كلمة "مستشار" ديجا مخدّمة ف بزاف د لبلايص، ؤ غادي يخص يكون تّيفاق. --Ideophagous (نقاش) 19:51، 11 شتنبر 2021 (+01)ردّ
سلام @OussamaOuh و Ideophagous: ف نضري، لكلمات سياسية بحال "مجليس نواب" ولا "مجليس لمستشارين" ولا حتا "برلاماني" دخلو ف تداول شعبي ب داريجة ؤ ماكاين لاش نعقدو لومور ؤ نبداو نقلبو علا كلمات غابرين لي غادي يصعبو لفهامة. --Reda benkhadra (نقاش) 21:10، 11 شتنبر 2021 (+01)ردّ
سلام @Reda benkhadra و Ideophagous: لمهم غير هوا مستشار بالداريجة هيا مشاوري... قتارحتها حيت ديجا تدكرات و شلا خطرات فمسلسلسلات مغريبية تراتية،بحال رمانة وبرطال ؤ حديدان (كايبان ليا مصدر مزيان لاحقاش كايخدمو داريجة مغريبية "نقية" فكلامهوم )، لمهم سير للحلقة د "لقايدة بامو" غاتلقا كلمة مشاورية معاودة بزاف دلمرات الدقيقة 20:42، 22:30، 23:00، ولا الحلقة 20 من حديدان الدقيقة 6:23, 6:45 لمهم هادا كايبقا غير قتيراح ؤ صافي -- 10:22، 12 شتنبر 2021 (+01)ردّ
سلام خاي @OussamaOuh:. لقتيراح ديالك زوين ؤ حتا لقضية ديال نخدّمو بحال هاد لمسلسلات كا عين د لكلمات، فيكرة واعرة. غير سّؤال لي مطروح هوّا واش بحال هاد لحالات لي كيكون فيها مصطلح رسمي منتاشر بزاف، واش ماشي حسن نخليوه كيما هوّا؟ حتا يلا كنا غادي نبدلوه خاص لمصطلح لباديل يكون عندو نفس لوقع علا بنادم، من نّاحية ديال لمعنى ؤ لپريستيج (ؤ هاد نّقطة تّانية موهيمة، سيرتو ف لمجال د سّياسة). لي نقدرو نتمناوه هوّا يلا شي نهار كتاب ل دّاريجة باش تولي لوغة وطنية ؤلا رسمية، بلي دّولة غادي تطرجم هاد لمصطلحات رّسمية ب كلمات مناسبين، حيت هيّا بوحدها لي عندها بحال هاد سّلطة. ولاكين بشكل عام، كانضن خاصنا نّاقشو كولا حالة بوحدها، ؤ يقدرو يكونو حالات لي نلقاو فيهوم مصطلح كيبان حسن من داك لي منتاشر.--Ideophagous (نقاش) 10:42، 12 شتنبر 2021 (+01)ردّ
@Ideophagous: راه أصلا سباب ديال النجاح ديال هاد لمسلسلات وخلا عندو قابول فلمجتمع لمغريبي سيرتو رمانة وبرطال ماشي هيا لقصة بحد داتها والايني هوا التخدام د "دارجة مغربية نقية" اللي كاترجع للسان لمغريبي لقديم قبل مايتأتر بلميديا و لقراية...كايبان ليا مصاب كون رجعنا لهاد اللسان فويكي و كتبنا لمقالات بهاد الطريقة فلكلام بهاكا نقدرو نجحوها كتر!كيقلت ياد.راه ڭاع لمغاربة قادرين يقراو بالعربية والايني الداريجة ماشي غايقراوها باش يفهمو بلقدر اللي غايقراوها باش يشوفو حاجة قريبة ليهوم --OussamaOuh (نقاش) 11:59، 12 شتنبر 2021 (+01)ردّ
رجع ل صفحة "مجلس لمستشارين (لمغريب)".