مداكرة:بدر غازي

لملحوضية

طاڭ ل إمغارن ◀ Anass Sedrati ◀ Reda benkhadra ◀ Mico2022 ◀ Mounir Neddi. و طاڭ ل مول لمقال ◀ شاب مراكشي. هاد لمقال وخا كيبان مبدئيا بلي كيلبّي الشروط د لملحوضية حيت كاينين تلاتة د لمصادر (1، 4 و 5 ف لمقال) لي الجودة ديالهوم مقبولة، كاملين من هاد لعام، و لڤيرسيون اللولة ديالو كاتبان إشهارية. يعني عندنا هنا جوج مشاكيل:

1. لمقال يقدر يكون مكتوب ل غاراض إشهاري (ويكيپيديا ماشي مينصة ولا وسيلة د لإشهار)
2. يقدر يكون شي تعارض د لمصالح (شوفو ويكيپيديا:تعارض د لمصالح) ف لكتابة د لمقال (متلا شي واحد مخلّص باش يكتبو)

زيد على هادشي لي صاوب لمقال كانو عندو كونطات قدام تباناو من عند لإداريين ديال ميطا. كانضن ف ويكيپيديا لعربية دايرين قاعدة باش مايقبلوش لملحوضية د مقال يلا كانو جميع لمصادر لي كيدعموها مافايتينش عام ف لقدومية (من غير حالات ستيتنائية فاش شي موضوع كيدير بّوم ف لإعلام و كيكون عندو تأتير كبير بزاف على التقافة ؤلا السياسة ديال دابا). واقيلا تاحنا خاصنا شي قاعدة بحال هاكا تّزاد، سيرتو بالنسبة ل الشخصيات لي تعرفات بلأساس على طريق لإعلام (ماشي أكاديمي عندو بزاف د لأبحات لمنشورين، ؤلا كاتب ؤلا فنان). Ideophagous (مداكرة) 20:45، 17 يوليوز 2023 (+01)

تانظن الى كان لحساب لي صاوب المقالة فايت دار مقالات اخرين عندهم ملحوظية نقدرو نميكو، الى كانت اول مساهمة ليه هي هاد المقال، فراه باين القضية فيها تضارب مصالح ◀ Ideophagous Mounir Neddi (مداكرة) 21:12، 17 يوليوز 2023 (+01)

◀ Mounir Neddi لمسألة ب لأساس ماشي على لي صاوب لمقال، مي على لمقال براسو واش عندو ملحوضية ؤلا لا. لملحوضية و لقيمة لموسوعية ديال هاد الشخصية جاتني ضعيفة، و بزاف د الشخصيات لإعلامية يقدر يتصاوب ليهوم مقال على أساس ديال جوج ؤلا تلاتة د لمقالات ب نفس الطريقة، بحيت غادي تضعاف لقيمة لموسوعية ديال ويكيپيديا ب الداريجة بشكل عام يلا قبلنا بحال هاد لمقالات. جبدت لهضرة على لي كاتب لمقال غير باش نبيّن بلي عندو سوابق ف هاد لمجال. لمقال اللول ديالو تاهوّ كانت لملحوضية ديالو مشكوكة و خليناه، ولاكين واقيلا تاهوّ خاصنا نراجعوه مرة خرة. لكونطات لقدام ديالو كان دار بيهوم مقالات صاڤا عليهوم، ولاكين كانو تا مقالات خرين بحال هادو، لبعض منهوم تّحدف بسباب لملحوضية (و لإداريين ديال ميطا سدو ليه دوك لكونطات من بعد). Ideophagous (مداكرة) 07:59، 18 يوليوز 2023 (+01)

سلام دراري، مول هاد لمقال ديجا فايت دار مقالات ماعندهومش ملحوضية ؤ باين لغرض ديالو هو دعاية. واحد من لكونطات لي خدم بيهم هو هادا ؤ تمنع من لكتبة. Reda benkhadra (مداكرة) 13:38، 18 يوليوز 2023 (+01)

◀ Reda benkhadra. ڤوالا، و يلا عقلت كنت ديجا ڭلت ليه ف واحد لكونط أخور باش مايبقاش يزيد هاد الشخصيات لمشكوك فيها. لموهيم أنا كيبان ليّا لمقال يتحيد و نزيدو قاعدة د لملحوضية بالنسبة ل الشخصيات لي معروفة غير إعلامياً (ماشي أكاديمي ؤلا كاتب ؤلا فنان عندو إنتاجات)، باش يكونو لمصادر لي كيتبتو لملحوضية كاملين دازت عليهوم عام من الصدور ديالهوم، و يكونو 3 د لمصادر إضافيين بحالهوم صدرو ف ضرف داك لعام. Ideophagous (مداكرة) 19:52، 18 يوليوز 2023 (+01)

◀ Ideophagous◀ Mounir Neddi◀ Reda benkhadra واحد سلام عليكم من من ناحية حسابات لقدام تمحاو مكيهمكش دابا حسابات لقدام ولا مقالات لي كتبت دابا نتا قلتي بلي ملحوضية ناقصا دابا نصيفت ليك مصادر ديال هاد سيد قدام من ناحية ديال كتبا كيفاش حتى كتبت انا ماشي كنعرف نكتب مزيان بحالكم في ويكيبيديا إلي كانت شي حاجة خاطأ صححها راه كولي كاين في مقالات. إلا كانت ملحوظية ناقص حدف مقال انا حتيط مقالات كتار سيد داز ف 2m ف مستر شاف حاطينو ف سيت رسمي ديال 2m كاتبين عليه مقالات فمواقع صعيب إكتبو عليك وخا تخلصهم شاب مراكشي (مداكرة) 22:21، 19 يوليوز 2023 (+01)

بي نسبة قلتو بلي هاد سيد عندو مقالات ما قدامش كاينين بزام مقالات قدام مشارك في مستر شاف مغرب وكاتبين عليه 2m سيت رسمي وعندو انترفيو ومصادر كثار

https://2m.ma/sur-la-2/%D8%A7%D9%84%D8%B7%D8%A8%D8%AE-%D8%A7%D9%84%D8%AD%D8%A8-%D8%A7%D9%84%D8%A3%D9%88%D9%84-%D9%84%D8%A8%D8%AF%D8%B1-%D9%85%D9%85%D8%AB%D9%84-%D9%85%D8%AF%D9%8A%D9%86%D8%A9-%D8%A7%D9%84%D8%AF%D8%A7%D8%B1-%D8%A7%D9%84%D8%A8%D9%8A%D8%B6%D8%A7%D8%A1-%D9%81%D9%8A-%D8%A7%D9%84%D9%85%D9%88%D8%B3%D9%85-%D8%A7%D9%84%D8%B1%D8%A7%D8%A8%D8%B9-%D9%85%D9%86-%D9%85%D8%A7%D8%B3%D8%AA%D8%B1-%D8%B4%D9%8A%D9%81-%D8%A7%D9%84%D9%85%D8%BA%D8%B1%D8%A8-20180118/

https://2m.ma/ar/sur-la-2/%D8%B4%D8%A7%D9%87%D8%AF%D9%88%D8%A7-%D8%A3%D9%82%D9%88%D9%89-%D9%84%D8%AD%D8%B8%D8%A7%D8%AA-%D8%A8%D8%AF%D8%B1-%D9%85%D9%85%D8%AB%D9%84-%D9%85%D8%AF%D9%8A%D9%86%D8%A9-%D8%A7%D9%84%D8%AF%D8%A7%D8%B1-%D8%A7%D9%84%D8%A8%D9%8A%D8%B6%D8%A7%D8%A1-%D9%81%D9%8A-%D9%85%D8%A7%D8%B3%D8%AA%D8%B1-%D8%B4%D9%8A%D9%81-%D8%A7%D9%84%D9%85%D8%BA%D8%B1%D8%A8-20180131

https://casaoui.ma/1497910238.html

https://al3omk.com/380244.html

مزال بزاف مصادر قلب عليه ف google

شاب مراكشي (مداكرة) 23:30، 19 يوليوز 2023 (+01)

سلام ◀ شاب مراكشي. الليانات التلاتة اللولين ماكافيينش باش يتبتو لملحوضية، حيت لمشاركة ف مسابقة تيليفيزيونية ماشي سبب باش نصاوبو مقال ل شي واحد (من غير يلا كانت مسابقة تشهرات بزاف و كولشي كيهضر عليها و على داك الشخص ب التحديد، سيرتو ف بزاف د لبلدان). لمقال اللخراني فيه غير إشاعات. فينا هوّ الدليل بلي بدر غازي شارك ف مسلسل معا رشيد لوالي ف رمضان؟ زيد عليها يقدر يكون تعارض د لمصالح ف داك لمقال. شوف هاد الجملة ف اللخر "يشار إلى أن بدر كان قدم رمضان الفارط برنامجا للطبخ على قناة “العمق” في اليوتيوب." يعني كاتبين على واحد خدام عندهوم ؤلا معاهوم. باش تجنّب هاد الصداع، من لأحسن تكتب على شخصيات لي ماكاينش شك ف لملحوضية ديالهوم: مومتيلين و موغنين مغاربا معروفين (ماشي واحد غير عندو قناة د يوتيوب)، كتّاب مغاربا عندهوم 3 د لكتوبا ؤلا كتر، شخصيات إعلامية معروفة (بانو بزاف ف التلفازة و تّكتب عليهوم)، سياسيين مغاربا، عولاما و أكاديميين ناشرين أبحات علمية، ناس ديال السپور (كوايريا، جرّايا، لعّابا ديال لمونتاخاب ف أي رياضة) و غيرهوم. Ideophagous (مداكرة) 16:36، 20 يوليوز 2023 (+01)

قلتي بلي راه خاصر يكون داز فتلفزا داز فتلفزا فبرنماج لي معروف نتا براسك عارفو مستر شاف مغرب وقلتي بلي هاد مصادر مكافينش كاينين كثر من 50 مصدر كاتبين عليه و عندو انترفيكتار قلب عليه ف google كاتبين عليه ف 2m فسيت رسمي

راه باين كولشي سيد شيف بدر دابا سفير ديال لكوزينة لمغريبية التقليدية ف منصة ل تعليم الطبخ العالمي بلا مندويو علي ارقام تواصل الإجتماعي ديالو instagram ou tik tok ou facebook راه باين كولشي شاب مراكشي (مداكرة) 19:26، 20 يوليوز 2023 (+01)

سلام السي ◀ شاب مراكشي السيتات ديال التواصل لإجتماعي ماعندهوم تقريبا تا تأتير على لملحوضية. لمصادر قلّبت عليهوم ف ڭووڭل، وخا كاينين بزاف، قيمتهوم عيانة ف أغلبيتهوم. كيما كتبت ف لبدية، راه تلاتة من بين لمصادر لي درتي مزيانين، غير لموشكيل جداد بزاف. كون كان تّعرف بزاف تا ولّا كولشي كيهضر عليه، تا الصحافة لعالمية، وخا دايزة ف هاد لحالة، ولاكين ب مصادر عيانين، وخا يكونو كتار، لملحوضية ديالو كاتبقى ضعيفة. لموهيم أنا كانقتارح باش لمقال يتحوّل ل لواساخ (واساخ:بدر غازي) تا تدوز عام على لقدومية ديال دوك لمصادر، و نعاودو نشوفو ديك الساع. يقدر من هنا ل داك لوقت يكون زاد تّعرف و دار إنجازات خرة، و يولي كيستاحق مقال 100% بدون نقاش. Ideophagous (مداكرة) 19:40، 20 يوليوز 2023 (+01)

نتا كدو علي مصادر واش قدام كاينين مصادر قدام اصلان كاينين ماقالات في ويكيبيديا فيهم هير مصدر واحد مزال هاد سيد داز ف 2m وكاتبين عليه فسيت ديال 2m رسيمي نتا لي كاتهدر علا لملحوضية وخا تبقى تكتب حياتك كولها ف هاد ويكيبيديا ميدوزوكش ف 2m شاب مراكشي (مداكرة) 21:28، 20 يوليوز 2023 (+01)

سلام السي ◀ شاب مراكشي إيه، تانا نيت ماعنديش ملحوضية. باش يدوز ف دوزيم ؤلا ف أي قناة خرة، ماكيتّعتابرش شرط من شروط لملحوضية. ويكيپيديا راها موسوعة معرفية، يعني كاتجمع معلومات لي كيستاحقو باش يعرفو عليهوم الناس، حيت عندهوم تأتير تقافي على لمدى لبعيد (متلاً موغني تّعرف بزاف و غادي يسمعو ليه الناس أجيال و أجيال ف لغالب)، داكشي علاش كانحاولو نتجنّبو لبوز و لإشاعات اللحضية. أغلبية ديال داكشي لي كينشروه لقنوات و الصحافة راه غير بوز باش يجيبو لمشاهدات و لكليكات و يدخّلو لفلوس ب لإشهارات، داكشي علاش كانحاولو نحضيو من هاد لمسايل و نتيقّنو من لقيمة لموسوعية ديال لمواضيع. Ideophagous (مداكرة) 18:15، 21 يوليوز 2023 (+01)

لموهيم اهويا راه كولشي باين قلب ف google ou youtube هاذي إتلع ليك كولشي شاب مراكشي (مداكرة) 02:02، 22 يوليوز 2023 (+01)