ماداݣاسكار

ماداݣاسكار، رسميا لجمهورية د ماداݣاسكار (بلفرانساوية: République de Madagascar - بلملݣاشية: Repoblikan'i Madagasikara) هي بلاد أرخبيل ف لمحيط لهندي، جات تقريبا على 400 كم من لجنوب الشرقي د إفريقيا. لبلاد فيها جزيرة كبيرة (رابع أكبر جزيرة ف لعالم) و بزاف د لجزر صغار. هي تاني أكبر بلاد أرخبيل ف لعالم من جيهة لمساحة، من مورا أندونيسيا.

هادي 88 مليون عام، لجزر ديال ماداݣاسكار تفككو من شبه لقارة لهندية، اللي كانو طرف منها. من ديك الساعة و هاد لجزر معزولة ف لبحر، و هو اللّي خلا الطبيعة و النباتات اللي فيها يكونو عندهم شكل خاص. أول آتار ديال بنادم ف لمنطقة مسجلة من هادي 10.000 عام. الناس اللي سكنو فيها مخلطين ما بين اللي جاو من آسيا و اللي جاو من الشرق د إفريقا. ف لقرن 19، كانت لبلاد فيها مملكة موحدّة وب لمؤسسات ديالها. ف 1897 ستعمرات فرانسا لبلاد، و بقات فيها تال 1960، اللي هو لعام د لإستقلال د لجمهورية د ماداݣاسكار.

تيسكنو ف ماداݣاسكار تقريبا 26.2 مليون د الناس، و لعاصمة ديالها هي أنطاناناريڤو. اللغات الرسمية د لبلاد هوما لملݣاشية و لفرانساوية، و لفلوس اللي كاتخدّم هي آرياري. كاين 18 إثنية و مجموعة عرقية ف لبلاد^[1]، متبعين يا إما الديانات لمحلية، يا إما لمسيحية، ولا تيخلطوهم بجوج. ماداݣاسكار داخلة مع بزاف د لمنضمات دولية بحال لأمم لمتحدة و لإتحاد لإفريقي و مجموعة التنمية د إفريقيا لجنوبية، و لمنضمة لعالمية د لفرونكفونية.

عيون لكلام

^ "مدغشقر.. المحطة الأخيرة في جولة أردوغان الإفريقية - لأناضول (2017)". مأرشيڤي من لأصل ف 2021-05-04. تطّالع عليه ب تاريخ 2021-05-02.

تقدر تزيد شوف بزاف د تّصاور و لمعلومات ديال Madagascar ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "مدغشقر.. المحطة الأخيرة في جولة أردوغان الإفريقية - لأناضول (2017)". مأرشيڤي من لأصل ف 2021-05-04. تطّالع عليه ب تاريخ 2021-05-02.

[1]