ليخطنشطاين

ليخطنشطاين، رسميا لإمارة د ليخطنشطاين (بلألمانية: Fürstentum Liechtenstein) هي بلاد صغيرة ماكاطلش على لبحر جات ف لوسط ديال أوروپا، و بالضبط ف الجبال ديال لألپ. تاتحدّها سويسرا من لغرب و لجنوب، و لوطريش من الشمال و الشرق. لإمارة عندها نظام د لحكيم وراثي، تيحكم فيها لأمير، و اللي عندو السلطة بحال اللي تاتكون عند رئيس ف نظام جمهوري. ليخطنشطاين هي أصغر بلاد ف لعالم حادّينها جوج بلدان، و هي وحدا من جوج بلدان ف لعالم اللي ݣاع لبلدان اللي تيحدوها تاهوما ما فيهومش لبحر (لبلاد لاخرا هي أوزباكستان). هي لبلاد لوحيدة اللي جات كاملة ف الجبال د لألپ، و هي سادس أصغر بلاد من جيهة لمساحة ف لعالم.^[1]

تيسكنو ف ليخطنشطاين تقريبا 39.000 ديال الناس، لعاصمة ديالها هي ڤادوز، و أكبر مدينة هي شان. اللغة الرسمية ديال لبلاد هي لألمانية، و لفلوس اللي كاتخدّم هي لفرنك السويسري. هي وحدا من أغنى لبلدان ف لعالم، من حيت لمدخول د كل واحد ساكن فيها، و وحدا من لبلدان اللي عندها أقل كريدي ف لعالم، و من لبلدان اللي فيها أقل نسبة د لبطالة ف لعالم.^[2] لإقتصاد ديال لبلاد تيضور على لمالية (حيت فيها الضريبة هابطة)، و السياحة ديال السكي. هي داخلة مع لأمم لمتحدة و لمجلس ديال أوروپا و لمنطقة د شينݣين، و لكن ما داخلاش مع لإتحاد لأوروپي.

عيون لكلام

^ "ليشتنشتاين ـ جولة في ربوع سادس أصغر دولة في العالم". مأرشيڤي من لأصل ف 2023-04-27. تطّالع عليه ب تاريخ 2021-04-27.
^ "الملياردير الوحيد بدولة ليختنشتاين ويملك نصف ثروتها - من هو؟ - الجزيرة (2019)". مأرشيڤي من لأصل ف 2023-04-26. تطّالع عليه ب تاريخ 2021-04-27.

تقدر تزيد شوف بزاف د تّصاور و لمعلومات ديال Liechtenstein ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "ليشتنشتاين ـ جولة في ربوع سادس أصغر دولة في العالم". مأرشيڤي من لأصل ف 2023-04-27. تطّالع عليه ب تاريخ 2021-04-27.

[2] "الملياردير الوحيد بدولة ليختنشتاين ويملك نصف ثروتها - من هو؟ - الجزيرة (2019)". مأرشيڤي من لأصل ف 2023-04-26. تطّالع عليه ب تاريخ 2021-04-27.

[1]

[2]