لونݣاج

(تحولات من لونڭاج)

لّونݣاج ؤلا لّوغة د لبرماجة هيّا مجموعة د تّعليمات ؤ لقواعد لواجدة لي كاتطرجم ترّينݣة د لحروف ؤلا د لعناصر لمتشافة (ف لحالة د لّونݣاجات د شّوفان) ل لونݣاج د لماكينة باش تحصل على نواع مختالفين د نّتايج (نتيجة د حساب، تبدال ف شّكل ديال شي عنصر د شّاشة، ؤ زيد ؤ زيد). لّونݣاجات د لبرماجة هوما نوع من نواع لّونݣاجات د لورديناتور، ؤ كيتخدّمو ف لبرماجة د لورديناتور باش يأمپليمونطيو ألݣوريتمات. لمجموع ديال تّعليمات لمتسلسلة لي كاتأمپليمونطي شي ألݣوريتم كاتسمّا پروݣرام ؤلا برنامج، ؤ نّص د لپروݣرام كيتسمّا كوض سورس.

لكوض سورس ديال پروڭرام مكتوب ب لّونڭاج سّي. سّطورا ب رّمادي كيمتّلو تعليقات لي كيسهّلو على أي واحد كيقرا لكوض باش يفهم لپروڭرام شنو كيدير. هاد لكوض يلا تكومپيلا ؤ تلونصا كيطبع فوق شّاشة لعيبارة "Hello, world!"

من لبدية د لقرن 19، تستعملو پروݣرامات باش يتحكّمو ف لماكينات، بحال لماكينة د جاكار ديال تّيكستيل، لبواطة د لموسيقا، ؤ لپيانولا (پيانو كيلعب راسو). هاد لپروݣرامات لّولين ماكانوش كيعطيو نتيجة مختالفة (أوتپوت) على حساب شنو تدخّل (إنپوت).

كاينين لألاف د لّونݣاجات لي تّختارعو ؤ باقين كيتّختارعو. كلا لونݣاج نقدرو نقسّموه ل جوج عناصر أساسيين: سّانطاكس لي كيمتّل شّكل ديالو، ؤ سّيمانتيكية لي كاتمتّل لمعنى. بعض لّونݣاجات كيكونو معرّفين ف شي سطوندار موتّق (بحال لّونݣاج سّي لي معرّف ف من طاراف مونضّامة إيزو)، ؤ كاين لي كاتكون فيه شي نسخة لي طاغية ؤ مستعملة بزاف بلا ماتكون موحّدة بشكل رسمي بحال پورل. نقدرو نقسّمو لّونݣاجات أيضا ل لونݣاجات د لمستوى لعالي، قريبة ل لّوغة د بنادم ؤ سهل ف لفهامة، ؤ لونݣاجات د لمستوى لهابط، لي قريبة ل لّونݣاج د لماكينة ؤ كاتكون صعب ف لفهامة، بحال لاصومبلور.[1]

نّضرية د لّونݣاجات هوّا مجال فرعي د لانفورماتيك لي كيعتاني ب دّيزاين، تّطبيق، تّحليل ؤ لكلاصاج ديال لّونݣاجات.

عيون لكلام بدل

  1. ^ "شنو هوّا لونݣاج؟" (ب نڭليزية). مأرشيڤي من لأصل ف 2023-10-14. تطّالع عليه ب تاريخ 2022-01-26.
 
هادي زريعة ديال مقالة خاصها تّوسع. تقدر تشارك ف لكتبة ديالها.