لمداكرة د ويكيپيديا:لخبار ديال الصفحة اللولا/قتيراحات

زيادة د صفحة ب لحكام

سلام ل إمغارن د ويكيپيديا @Abdes101 @Reda benkhadra @Anass Sedrati. درت هاد الصفحة ديال لقتيراحات ب لحكام ديالها، باش نقنّنو شوية الطريقة ديال الزيادة د لخبار ديال الصفحة اللولة كيما كيديرو لويكيپيديات لخرين. شوفو واش جاكم داكشي هوّ هاداك ولا لا. يلا وافقتو على الطريقة و لحكام، غادي ندير حماية ل موضيل:لخبار ديال الصفحة اللولا باش مايبدّلو فيها غير إمغارن. تهلاو! Ideophagous (مداكرة) 00:19، 15 أكتوبر 2024 (+01)

السلام Ideophagous و شكرا أنك خدمتي عبى هاد الصفحة. قريت لموضيل و جاني مزيان بزاف. عندي ملاحضة وحدا هي فالنقطة التانية ديال "إمغارن بوحدهم لي عندهم لحق يقررو واش لخبارات يتزادو ف الصفحة اللولا ولا لا"، يقدر يكون خاص نكتبو شحال لماكسيموم دسال لوقت اللي أيتسنا يه لواحد لقرار د إمغارن، واش ساعة واش نهار إلخ. حيت راك عارف إلا شي واحد كتب شي خبار وكانت مهمة، غالبا خاص يتجاوب بالزربة شويا و إلا ديك لخبار نيت ما كاتبقاش مهمة. شنو بانليك؟ -- Anass Sedrati (مداكرة) 12:45، 15 أكتوبر 2024 (+01)

سلام خاي @أناس، شكرا على الجواب ديالك. بعدا فكّرتيني بلي صاوبت هاد الصفحة ف لمجال السمياتي د لموضيل ماشي ديال لپروجي (ويكيپيديا:). كانضن تا الصفحة لي خاصة ب لخبار د الصفحة اللولة ماخاصهاش تكون موضيل (حيت لموضيلات عادةً كيكون فيهم لكوض). بنّسبة ل لقتيراح ديالك، متافق معاك. نقدرو نديرو متلاً 3 يام مانفوتوهاش. غير هوّ مبدئيا راه خاص يكون ديما شي أمغار عاسّ على لويكي و حاضي هادشي، وخا يكون كيطلّ غير مرة ف نهار ولّا يوماين. زيادة على هادشي لقتيراح ديالي هوّ نحميو الصفحة اللولة و الصفاحي لي تابعين ليها باش مايبدّلو فيهم غير إمغارن، ولّا كتاتبيا عندهم خبرة extended auto-confirmed ولّا "محرر" ب لعربية، فاش نكونو فعّلنا هاد لإمكانية كيما دايرين ويكيپيديات خرين. Ideophagous (مداكرة) 13:07، 15 أكتوبر 2024 (+01)

تعليق أمغاري: تطبقات حيت دازت كتر من سيمانة بلا عتيراض.--Ideophagous (مداكرة) 19:03، 25 أكتوبر 2024 (+01)