ويكيپيديا:لخبار ديال الصفحة اللولا/قتيراحات

هادي صفحة طلب قتيراحات ديال لخبار د الصفحة اللولا. لحْكام د صّفحة: أي مساهم عندو لحقّ يحطّ قتيراحات ديال أي موضوع متعلّق ف لفقرات التلاتة. من لمستحب باش لموضوع ولّا لمواضيع لي متعلّقين ب لخبار يكونو ديجا موجودين ف لويكي، ولايني هادا ماشي شرط إلزامي. ولايني ضروري لموضوع يتصاوب ف شي وقت (ويكيپيديا موسوعة، ماشي سيت إخباري). إمغارن بوحدهم لي عندهم لحق يقررو واش لخبارات يتزادو ف الصفحة اللولا ولا لا، و عندهم تا لحق باش يزيدو خبار بلا مايدوزو من التصويت. ولايني من لمستحب باش يتقتارحو لخبار ديما ف هاد الصفحة (سيرتو ديال لفقرات الجوج اللولين ديال لخبار اللخرين و لحوايج لي طاريين)، و أي كتاتبي خور يقدر يعطي الرأي ديالو ف لموضوع، و يصوّت عليه ولّا ضدو. لحكام ديال كلا فقرة: لخبار اللّخرين: غير لخبارات لي طراو مؤخراً و ماشي قبل من أقدم خبار لي كاين ف الصفحة. كيتحيّد لخبار من الصفحة اللولة يلا ولّا قديم، و سيرتو باش يدير بلاصة ل خبارات جداد، و كيتزاد ف لارشيڤ. لحوايج لي طاريين دابا: خاص يكون شي حادات عندو تأتير عالمي ولّا محلي مغريبي، لي متوقّع باش يبقى مدة طويلة (كتر من 3 يام)، و لي باقي ماسالاش (متلا حرب لي باقية طارية). يلا تسالى لحادات خاصو يتحيّد من الصفحة و يتحطّ ف لارشيڤ. لوفيات: أي شخصيات توفات ف لعام الجاري، لي عندها ملحوضية ف ويكيپيديا ب الداريجة، و لي نهار لموت ديالها ماتقادمش بزاف (مايكونش قبل من أقدم تاريخ د لوفات ف الصفحة اللولة). ملي كيكتارو السميات ف هاد لفقرة، كيتم التحويل ديالهم ل لارشيڤ (عادةً شهر ب شهر). يلا بغى كتاتبي يدير قتيراح من نوع خور، خاصّو يزيدو ف ويكيپيديا:لبرلمان.