لمداكرة د ويكيپيديا:لحكام د لمحتوى - عناوين لمقالات

سلام أ دّراري @Reda benkhadra, Anass Sedrati, سمير تامر, OussamaOuh, AyourAchtouk, و Mohamed.mdb:. لقاعيدة ديال بلي شّكل يقدر يكون ف لعنوان جاتني ماشي هيا هاديك. شّكل يقدر يدير مشاكيل ف تّقلاب، حيت كيزيد لحتيمالات ديال كيفاش كاتّكتب لكلمة. زيد علا هادشي كانضن بلي ف شي وقت قريب غادي يخصنا نفتحو نّيقاش علا طّاريقة د لكتبة، ؤ واش محتاجين أصلا ل شّكل ف دّاريجة (من غير شّدة) ؤلا لا. كانضن بلي غير تّحويلات لي يقدر يكون فيهوم شّكل ف لعنوان. -- Ideophagous (نقاش) 19:57، 7 غشت 2021 (+01)

سلام خاي @Ideophagous: التشكال ضروري باش نفرقو بين كلمة "نعاس" و "نعّاس" (متال) يعني محتاجينو، أما فلعنوان كيقلتي كايدير مسايل فالتقلاب لحسن هوا نديروه بلا تشكال ؤ معا تحويلات مشكلين-- OussamaOuh (نقاش) 20:16، 7 غشت 2021 (+01)

السلام عليكم السي @Ideophagous: -- تانا متافق باللي الشكل ف لعنوان غادي يرد التقلاب صعيب. هو مزيان شي كلمات نشكلوهوم لا كانو جداد ولا ما معروفينش بزاف، ولكن هادشي نقدرو نديروه ف النص ماشي ضروري ف لعنوان. -- Anass Sedrati (نقاش) 10:28، 8 غشت 2021 (+01)

تحياتي @OussamaOuh:، هاد الشكل فلعنوان ماخصّوش يكون حيت زيادة على التقلاب اللي كايولّي صعيب، كايولي يدير مشاكيل تقنية بزاف بحال فالتصنيفات ومعا لبوتات (سبق ليا شفت هادشي فويكي لفوصحا شحال هادا). التشكال يمكن يكون فلبدية د لمقال آه، ولاكين فلعنوان بلاش منو. فلميتال ديال نعاس ونعّاس متلا نقدرو نفرقو بيناتهوم ب نعاس (حالة بيولوجية) ونعاس (صفة)، غير ميتال، وفلمقالة يكون شكل وتكون صفحة ديال التوضيح (كيما دار Ideophagous هنا). نهاركوم مبروك --سمير تامر (نقاش) 12:38، 8 غشت 2021 (+01)

تحياتي خاي، @سمير تامر: راه هادشي نيت اللي قلت لاحقاش جربتها واحد لمرة فلمقالة دنوّار ومالقيتهاش حتا فاش تبدلات ب "نوار" عاد سهال التقلاب عليها.OussamaOuh (نقاش) 12:50، 8 غشت 2021 (+01)

تعليق أمغاري: درت تّعديلات علا نّقطة ديال شّكل. عافاكوم قراو ؤ ديرو واش متافقين ؤلا بغيتو شي تعديل أخور. -- Ideophagous (نقاش) 13:41، 8 غشت 2021 (+01)