لمداكرة د ويكيپيديا:تعارض د لمصالح

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

سياسة جديدة

سلام أ دّراري @Anass Sedrati, Reda benkhadra, و Mounir Neddi:. راجعو عافاكوم هاد سّياسة، ؤ عطيو لملاحضات ديالكوم. كاينين حالات ديجا طراو، منهوم مؤخراً محمد ارغيوي (شوفو تا صّفحة د لمداكرة)، و عبد الله لحسايني. لإشكالية كاتكون سيرتو فاش لموضوع د لمقال كاتكون عندو ملحوضية (يلا ماكانتش، راه لقضية ساهلة)، ؤ فاش مولاه كيبقا يسپامي بزاف د لويكيپيديات خرين و يقدر يتعرض لكونط ديالو ل سّينيال.-- Ideophagous (مداكرة) 15:16، 1 نونبر 2022 (+01)

بالنسبة لمحمد ارغيوي نطبقو عليه القاعدة ديال مامنحقوش يدير صفحة على راسو، واخا هاد المسألة ماواضحاش بزاف، حيت يقدر يصاوب فو كونط او يكتب على راسو تاني، او غانلقاو راسنا قدام نفس لوضعية، يعني الى قدرنا نفكرو فشي لعيبة حسن غايكون مزيان في اطار الملحوظية،

بخصوص عبد الله لحسيني، تانظن نقدرو نديرو عليه عين ميكة، المقال مابيهش، او محقق أغلب شروط الملحوظية Mounir Neddi (مداكرة) 19:59، 1 نونبر 2022 (+01)

سلام خاي @Mounir Neddi:. شكرا على رّد ديالك. ب نّسبة ل محمد ارغيوي، راني درت مراجعة ؤ كيبان ليا بلي شروط لملحوضية مامتوفّرينش، سيرتو بعد تّوضيح لي زدت ف صّفحة د سياسة لملحوضية. ب نّسبة ل عبد الله لحسايني، كانضن من لأحسن باش نعاودو مراجعة د لملحوضية باش نكونو متيقّنين. تا يلا كان هوّا عندو ملحوضية، كاينين صفاحي لي زاد على كتوبو لي شكيت ف لملحوضية ديالهوم.-- Ideophagous (مداكرة) 20:55، 1 نونبر 2022 (+01)

عاودت درت مراجعة ل لملحوضية د "عبد الله لحسايني". كيبان ليا بلي ماكاينش موشكيل د لملحوضية. خاصو غي لمرة جّاية فاش يبغي يبدل ف لمقال، يدير طلب د تّبديل، ماشي يديرو بيديه.-- Ideophagous (مداكرة) 21:50، 1 نونبر 2022 (+01)

صافي مزيان، أنا متافق على تطبيق سياسة الحذف السريع على المقالة ديال محمد ارغيوي Mounir Neddi (مداكرة) 16:11، 2 نونبر 2022 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.