Omar omar dz

مرحبا

سلام سّي @Omar omar dz:. مرحبا بيك معانا ف ويكيپيديا ب دّاريجة. شكرا علا لمواضيع لّي ديجا زدتي. يلا خاصك معاونة تقنية، شوف لپاج ديال دّوزان، ؤلا سوّل شي واحد ف لپاج د نّيقاش ديالو ؤلا ديال دّوزان. نّيقاشات لّوغاوية كاينين ف ميزان لكلام. يلا عندك شي سؤال مرحبا. --Ideophagous (نقاش) 21:29، 13 يونيو 2021 (+02)

التعديلات فلمقالة ديال الدارجة

مرحبا بيك خويا Omar omar dz وشكرا ليك على لمساهمات ديالك فويكيپيديا بالداريجة. راه حيّدت شي تعديلات درتيهوم فلمقالة ديال الداريجة. بالنسبة للتعديل اللي سمّيتيه "اضطهاد عرقي"، ويكيپيديا بالداريجة خدّامة على أساس ديموقراطي، وماكاتجيبش لمعلومات ديالها إلا من عيون دلكلام اللي موتوقين، أولا كاطّرجم من لوغات خرين اللي ديجا لعيون ديالها كايكون متحقق منهوم. حتى واحد مانكر باللي "الداريجة لمغريبية" ديال ليوم هي عربية وغالب عليها كلمات من لعربية (كلمات كاينين فيها ݣاع ماكايتخدّمو فالشرق باقي بحال الزمهرير وفعال بحال ݣعد)، ولاكين علميا التركيب اللوغوي ديالها جاي من لوغات أمازيغية بحال تاريفيت وتاشلحيت. ماعارفش بزاف على الداريجة الدزايرية، ولاكين فلحالة ديال لمغريب ناس قلال بزاف (غاليبا من جاليات عربية أولا سفراء ديال دول خرين) هوما اللي كايهضرو بلعربية (لعربية عندنا لمعنى ديالها هي لفوصحى). أما اللي كايتعلّم الداريجة كلوغة تانية هوما لأمازيغ ولمهاجرين من الصحرا لكبيرة. آه وحاجة خرة، فويكيپيديا بالداريجة كانكتبو تقريبا بحال كيما كانطقو، هادشي لاش لأندالوس تكتبات هكا فداك السياق، ولعنوان دلمقالة هو أندلوس. شكرا ليك بزاف مرة خرة ومرحبا بيك فويكيپيديا الداريجة. نهارك مبروك (: --سمير تامر (نقاش) 19:39، 30 غشت 2021 (+01)