لمداكرة د تصنيف:لعولوم

تحويل ل تصنيف:صيونص

سلام أ دّراري @Reda benkhadra, Mounir Neddi, و Anass Sedrati:. كانقتارح باش يتحوّل هاد تّصنيف ل تصنيف:صيونص باش يكون عندو نفس لعنوان ديال لمقال رّئيسي ديالو صيونص. تّحويل يقدر يتدار بشكل بوتي. يلا عندكوم عتيراض ؤلا قتيراح أخور، مرحبا.-- Ideophagous (مداكرة) 16:51، 20 نونبر 2022 (+01)

السلام Ideophagous. أنا متافق و ماعنديش مشكل من هاد الناحية -- Anass Sedrati (مداكرة) 21:34، 20 نونبر 2022 (+01)

ف نضري حسن نخليوها لعولوم ؤ نخدمو كلمة صيونص كا سينونيم، حيت لموشكيل هو ف لمشتقات ؤ غادي تكون تعنكيشة يلا بقينا كانخدمو متلا صيونتيفيك باش نوصفو شي حاجة بحال لبحت لعيلمي ولا لمنهاج لعيملي، ولا حتا باش نعنيو بيها شي حد عالم. كانضن نخليوها كيما هي. Reda benkhadra (مداكرة) 08:02، 21 نونبر 2022 (+01)

سلام خاي رضا. أنا هضرت غير على لمقال رّئيسي لمرتابط ب تّصنيف ديالو، حيت كاتجي تعنكيشة باش تربطهوم ب لموضيل موضيل:مقالة تصنيف، ؤ تا باش يكون تناسق بيناتهوم. أما تخدام كلمة "علمي" بشكل عام ماكاتطرح تا شي موشكيلة.-- Ideophagous (مداكرة) 09:40، 21 نونبر 2022 (+01)

أه ماعندي موشكيل باش يتقاد تصنيف Reda benkhadra (مداكرة) 10:37، 21 نونبر 2022 (+01)

تانظن ربما يكون العكس لي مزيان، نحولو المقال رئيسي من صيونص لعلوم، + علوم بلا واو دلمد، حيت ماكاتنطقش. ◀ Ideophagous Mounir Neddi (مداكرة) 09:18، 22 نونبر 2022 (+01)

خاي @Mounir Neddi:، راها بعدا ماشي واو د لمد كيما مشروح ف هاد الصفحة (لواو واخدة لبلاصة د الضمة، حيت الداريجة بشكل عام ماكاتميّزش بين لڤواييلات الطوال و لقصار). ب نّسبة ل علاش "صيونص" حسن من "عولوم" كا عنوان د لمقال، حيت "صيونص" مفهوم عام لي كيقابلو ف لعربية "العلم" (ماشي "العلوم")، ولاكين "العلم" مصطلح لي فضفاض شوية، و يقدر يتّقصد بيه حوايج خرين، ف لوقت لي "صيونص" مفهوم محدد و باين و عندو معنى واحد ("العلم" ب لمعنى لعصري، ماشي "العلوم الدينية" متلاً)، و متداول ف الداريجة د لمدينة، وخا ماشي كلمة قديمة ف الداريجة. "لعولوم" كاتعني لمجموع ديال لمجالات د الصيونص.-- Ideophagous (مداكرة) 09:31، 22 نونبر 2022 (+01)

شكرا على توضيح خاي منير،،، لكن على هاد لحساب، حنا كانتوقعو من أي واحد غادي يقرا شي مقال فويكيبيديا بدارجة، غادي يشوف قبل هاد الصفحة ديال لقواعد،،،، حيت إلى ماشافهاش مستحيل يقرا ديك الواو على أنها ضمة، غادي يقراها مد.

فهاد الحالة التوقع ديالنا غالط 100 فل 100، حيت ويكيبيديا بدارجة موجهة لشعب لمغربي كامل، او القارئ العادي مايمكنش يقلب على لحكام دلغة قبل مايقرا لمقال، حيت هو اصلا تايقلب فويكيبيديا حيت باغي معلومة سريعة. بتالي كاتبان لي هاد لعيبة ماعندها تا معنى صراحة، ولكم واسع النظر ...

◀ Ideophagous◀ Anass Sedrati◀ Reda benkhadra Mounir Neddi (مداكرة) 18:11، 23 نونبر 2022 (+01)

سلام خاي @Mounir Neddi:. ف جميع لحالات لحكام كاتديرها الجماعة د لكتاتبيا ف ويكيپيديا، يعني رّأي ديالك كا كتاتبي و كا أمغار راه عندو وزن كبير. ولاكين خاصنا نوازنو مابين بزاف د لحوايج لي متناقضين (متلاً واش نديرو ويكيپيديا ساهلة ف لقراية على لي قاري لعربية ديجا ب مستوى عالي، ب كتبة إتيمولوجية ولّا ساهلة على لي ماقاريش بزاف، بحال لي خارج من لبتيدائي ؤلا لي كيقرا لحروف ب لكشايف، ب كتبة فونيتيكية قريبة ل النطقان). ف جميع لحالات، راه كيما درنا 100% كاين شي حد غادي ينتاقد و مايعجبوهش بعض لختيارات لي درنا. ب نّسبة ل شرح طريقة د لكتابة، راه داكشي لي كنت قتارحت ف طيليڭرام، باش نزيدو لفوق د لمقال توضيح ديال طريقة د لكتابة، و ليان كيدّي ل ديك صّفحة د شّرح. غادي يبان هاكا:

هاد لمقال مكتوب ب كتبة فونيتيكية لي كاتميل ل تمتيل لكلمات كيما كيتنطقو، و كاتدير لڤواييلات (ا، و، ي) بلاصت لحاراكات (فتحة، ضمة، كسرة). باش تزيد تعرّف على هاد سّيستيم د لكتابة شوف لكتابة د الداريجة.

Ideophagous (مداكرة) 19:18، 23 نونبر 2022 (+01)

شكرا على التفاعل،،، مثلا الى خدينا لكتوبا ديال محو الأمية فلمغريب، غادي نلقاوهم تايكتبو بطريقة عادية، واخا كايتعاملو معا فئة ماكاتعرفش تقرا، تانظن لحل الى بغينا ندمجو هاد لفئة هو نزيدو من لمقالات صوتية ولا نرجعو نشكلو لكلمات، أما هاد لعيبة تايبان لي ماعندهاش تأثير، حيت لي تعلم لحروف لعربية أول مرة غايكون تعلمهم بلقواعد ديالهم، الى خلقنا ليهم قواعد جداد غير غادي نزيدو نتلوفهم، ◀ Ideophagous Mounir Neddi (مداكرة) 07:20، 24 نونبر 2022 (+01)

التشكال د لكلمات ماشي عملي، ف خدمة تطوعية، سيرتو ب لوسائل لي عندنا. ب نّسبة ل سّيستيم د لكتابة لفونيتيكي راه ماشي مبدّل بزاف، و ماكانشوفش بلي صعيب بنادم يولّف يكتب الداريجة ب هاد السيستيم و ف نفس لوقت يشد لعربية تا هيّا. كانضن لإشكالية ف لعقلية لي عند بزاف د الناس بلي لعربية و الداريجة نفس اللوغة ؤ خاصهوم يتكتبو بحال بحال. فوق من هادشي هاد سّيستيم عتامدنا فيه على توصيات ديال ليساني مغريبي محمد لمدلاوي لي متخصص ف لفونيتيك ؤ دار كتاب كامل على لقواعد د الداريجة. تقدر تطيليشارجيه من هنا يلا بغيتي (محمد لمدلاوي، العربية الدارجة).-- Ideophagous (مداكرة) 07:46، 24 نونبر 2022 (+01)

@Mounir Neddi: لكتوبا د محو لأمية بعدا كيقرّيوهوم ب تشكال لكلمات حيت لهاداف هوّا باش يتعلمو يقراو و يكتبو لعربية لفصيحة، ماشي الداريجة. تا كون بغاو يقرّيوهوم الشينوية غادي يعلّموهوم كيفاش يكتبو ب رّموز ديالها، و هادي حاجة طبيعية و ماشي دليل بلي التشكال د لكلمات هوّا أحسن سيستيم د لكتابة. Ideophagous (مداكرة) 07:50، 24 نونبر 2022 (+01)