لمداكرة د تصنيف:لألفيات

تحويل التصنيفات

سلام أ دّراري @Mounir Neddi, Reda benkhadra, Mico2022, و Anass Sedrati:. حوّلت جميع تصنيفات لألفيات و لقرون باش يكونو ب النماري ماشي ب لحروف (تصنيف:لقرن لعشرين => تصنيف:لقرن 20)، باش هاكا يكونو سهل ف لخدمة ب لبوت، و يتبعو شيما بحال ديال اللوغات لخرين. كان واحد لموشكيل صغير معا لقرن 16 صلحتو ديجا، مي يلا بان ليكوم شي موشكيل أخور علموني عافاكوم. موضوع أخور: دابا لعطاشة 6 ولات قادرة تدير تحويل د التصنيفات ب الجملة، ب تبديل كلمة ؤلا عبارة محددة متلا ل كلمة ؤلا عبارة خرة (شوفو هنا لفيشي د لپاراميطراج، و هنا لفيشي د التحويل لي تصاوب منو). يعني يلا بان ليكوم بلي مجموعة د التصنيفات فيهوم شي كلمة خاص لورطوڭراف ديالها تّبدّل، علموني ؤلا علمو رضا باش نقادو فيشي بحالو د لپاراميطراج، و نلونصيو لبوت يدير التبديلات دقة وحدة. تهلّاو!-- Ideophagous (مداكرة) 13:28، 18 يناير 2023 (+01)

شكرا منير على لمجهودات. يلا شي واحد بان ليه شي غلط ف بزاف د تصنيفات يعلمني باش نقاد لفيشي ؤ يلونصيه لبوت. ب لمناسبة، من مدة عندي واحد لملاحضة على تصنيفات لي صراحة ڭاعما تافقا كيفاش نقادوهم بطريقة موحدة حيت كيبانلي بعض لمرات شي وحدين كيديرو تصنيف ف لجمع (بحال تصنيف:أفلام د لخيال لعيلمي) ؤ وحدين خرين ف لفرد (بحال تصنيف:فيلم د دراما). نفس شي كينطابق على بزاف د ضومينات. Reda benkhadra (مداكرة) 15:34، 18 يناير 2023 (+01)

واخا خويا منير Mico2022 (مداكرة) 16:13، 18 يناير 2023 (+01)