لطيفة رأفت

مغنية مغريبية

لطيفة رأفت (خلاقت ف 25 نونبر 1965 ف قنيطرة) مغنية مغريبية د لموسيقا لمغريبية لعصرية. بدات لكاريير ديالها ف 1982 و عندها شعبية كبيرة ف لمغريب و دزاير و تونس.

لطيفة رأفت
معلومات عامة
زيادة 25 نونبر 1965 (58 عام)
قنيطرة
لجنسية لمغريب
لحرفة مغنية و مومتيلة
لّوغات لي كيعرف عربية
معلومات خرى
لألة صوت
Spotify: 5uUlnJGUnydIG03RcSgURu Musicbrainz: 2c50fa1f-72f0-4776-b539-82ace33dad9c Discogs: 3208207 Modifica els identificadors a Wikidata


حياتها

بدل

لطيفة خلاقت ف قنيطرة و أصلها من وزان. بانت فاش كانت صغيرة و دازت ف برامج د لمواهب ف تّلفزة لمغريبية غنات فيهوم غنيات مشرقية و ب دّات د أم كلثوم. و غنية سجلاتها كانت ف 1982 و سميتها "موال الحب".

ف 1984 تجوجات ب لملحن لمغريبي لكبير حميد العلوي و هو لّي لحن ليها غنية "خويي" لّي كانت تختارت أحسن غنية مغريبية ف 1985. ف تّمانينات و تّسعينات د لقرن لعشرين كانت من أكبر لمغنيات لمغريبيات و وحدة من لمغنيات لّي رفضو يهاجرو ل لمشريق و بقاو شادين ف لغنا ب دّاريجا و ف لمغريب بحال نعيمة سميح. ديك لفترة عرفات أهم لأغاني لخالدة ديال لطيفة بحال "مغيارة"، "أنا فعارك يا يما"، "يا هلي يا عشراني" و "الحمد لله.

ف 1993 تفارقات هي و حميد العلوي و كانت فترة صعيبة عليها ب حيت مرضات نفسيا، ب سباب أن حميد مابغاش يطلق لكونطرا لّي كان كاخليه يحتاكر لأعمال ديالها، و وقفات لكاريير لموسيقية ديالها 3 سنين.[1]

من بعد ديك لمحنة، رجعات لطيفة ل نّشاط لفني ديالها : ف لّول عاودات ب توزيع عصري غنيات مغريبية قديمة بحال "العود والناي" د إسماعيل أحمد، و ف عوام ل2000 خرجات غنيات ب شكل "دويتو"، لّي نجحو بزاف، بحال "توحشتك بواف" مع لمغني دّزايري محمد لامين.[2]

عيون لكلام

بدل
  1. ^ "خمسة أسرار لاتعرفونها عن لطيفة رأفت التي ندمت على عدم الإنجاب". مأرشيڤي من لأصل ف 2023-10-05. تطّالع عليه ب تاريخ 2020-03-25.
  2. ^ "لطيفة رافت - سيت ليالينا". مأرشيڤي من لأصل ف 4 أكتوبر 2023.