لخو لكبير
لخو لكبير ولا لبيݣ براظر (ب نّݣليزية: Big Brother) هو ف لاصل ديالو شخصية متخيّلة ف رّيواية دّيسطوپية 1984 د جورج أورويل[1] و لّي كاتشير ل دّيكتاتور د دّولة د أوصيانيا و شّاف د لحيزب لوحيد لّي مسيطر على كولّشي فيها. لمفهوم د "لخو لكبير" كايتستعمل حتا باش يوصف لمؤسسات (دول، شركات، مؤسسات حوكومية بحال لموخابرات) لّي ما كاتحتارمش حقوق لإنسان لأساسية و لحياة لخاصّة د لمواطنين.[2]
ف رّيواية د أورويل
بدلشّخصية د لخو لكبير ف رواية 1984 هي ديال واحد دّيكتاتور د واحد لبلاد متخيّلة سميتها أوصيانيا ف واحد لعالم مستقبلي دّيسطوپي. هاد دّيكتاتور فارض عبادة شّخصية على لمجتمع ديالو و شّعار لّي كايتعاود بزّاف ف دّولة هو Big Brother is watching you يعني "لخو لكبير راه حاضيك" و على حساب سّياسة د لپروپاݣاندا لّي داير، كاتلقاه معمّر لّافيتات ف شّوارع ديال لبلاد.
لخو لكبير كايحضي لمواطنين كاملين و عارف آش كايديرو حتّا ف لبلايص لحميمية و لخاصّة ديالهوم: دّيور كاملين معمّرين ب أجهزة د لمراقبة و لحضية.
لخو لكبير عمّرو ما كايبان و ديما كايتصوّر ب وجه راجل عندو 45 عام ب شّلاغم و كايشوف ف لعينين نيشان ب واحد شّكل لّي كايرهب.
على حساب رّيواية رّسمية لخو لكبير هو لّي أسّس لحيزب لوحيد د لبلاد و عندو بزّاف لبوطولات و لإنجازات الثورية و لحربية.
لقضية ديال أنه كايبقا ديما صغير ب نّسبة لداكشي لّي كايتقال عليه كايخلي نّاس تشكّ واش بصّاح كاين و بأنه يقدر يكون غير ختيراع ديال لماكينة د لپروپاݣاندا د لحوكومة د أوصيانيا.
ف تّقافة شّعبية
بدللخو لكبير ولّا من بعد ما تشهرات رّيواية د أورويل رمز باش كايتوصفو دّول ولا لمنظمات لّي فيهوم تفرعين كبير ديال لبوليس ولا لموخابرات ولا لأنظمة لأمنية لّي فيها لمراقبة لمعيّقة ديال كولشي و كتيرشي فاش ماكاتحتارمش لحياة لخاصّة د نّاس.[1]
عيون لكلام
بدل- ^ a b ""1984" de George Orwell, un roman visionnaire ou satirique?". مأرشيڤي من لأصل ف 2021-07-05. تطّالع عليه ب تاريخ 2020-09-03.
- ^ "BIG BROTHER - Le scandale de la surveillance des données personnelles booste les ventes de « 1984 »". مأرشيڤي من لأصل ف 2022-11-30. تطّالع عليه ب تاريخ 2020-09-03.
|
تقدر تزيد شوف بزاف د تّصاور و لمعلومات ديال Big Brother ف ويكيميديا كومنز. |