لألفية 3 قبل لميلاد
ألفية
| ألفيات: | |
|---|---|
| قرون: |
لألفية التالتة قبل لميلاد هي ألفية ف لفترة د قبل لميلاد. بدات ف 1 يناير عام 3000 قبل لميلاد و سالات ف 31 دجنبر عام 2001 قبل لميلاد (من لقرن 30 قبل لميلاد تال لقرن 21 قبل لميلاد).
ف هاد لألفية، بانو أول إمبراطوريات كبار ف الشرق لأوسط، ف النتيقال من لعصر لبرونزي لمبكر ل لعصر لبرونزي لوسطاني. ف مصر، لفترة السلالية اللولة خلات بلاصتها ل لمملكة لقديمة. و ف بلاد بين لويدان، بانت لإمبراطورية لأكادية. ف الشمال لغربي ديال لهند و ف پاكيستان ديال دابا، بانت لحضارة د وادي لهندوس لي طوّرات دولة مركازية.
لعاداد د لبشري تزايد بشكل تقيل شوية ب موعدّال ديال التزايد د 0.03% ف لعام، بعد نفيجار د السكان بسباب التورة النيوليتية و وصل ل جوايه 60 مليون بنادم ف لعالم كامل.
تسلسل د لأحدات
بدل- جوايه 3000 ق.م: توحيد مصر لعالية و السفلية من عند نارمر باش يأسس لمملكة لقديمة د مصر • أول أدلة على تخدام الدهب ف الشرق لأوسط • تقافة لمجموعة اللولة ف نوبيا و لممالك ديالها سالاو، غالبا بسباب هجومات د لمصريين.
- جوايه 2900 ق.م: تأسيس الدولة لمدينة ماري ف سوريا.
- جوايه 2890 ق.م: تأسيس ديال السلالة لمصرية التانية، و لبدية د لحكم د لماليك هوطيپسيخيمْوي.
- جوايه 2879 ق.م: تأسيس مملكة ڤان لانڭ نص لأسطورية ف شمال ڤييطنام.
- جوايه 2700 ق.م: تأسيس لحضارة لإيلامية ف إيران ديال دابا، تولدات شجرة ماتوشلاخ لي باقية عايشة دابا و كاتّعتابر أكبر كائن حي ف لعمر.
- جوايه 2686 ق.م: لبدية د السلالة لمصرية التالتة و لحكم ديال لماليك ساناختي.
- جوايه 2613 ق.م: لبدية د السلالة لمصرية الرابعة و لحكم ديال لماليك سينيفرو.
- جوايه 2600 ق.م: بدية د لعصر الدهبي ديال حضارة وادي لهندوس
- جوايه 2500 ق.م: تأسيس لحضارة لأشورية • تأسيس سلالة لاڭاش ف سومر (لعراق دابا)
- 2474 تال 2398 ق.م: لعصر الدهبي ديال ؤر ف بلاد بين لويدان (لعراق)
- جوايه 2498 ق.م: لبدية د السلالة لمصرية لخامسة و لحكم ديال لماليك ؤسيركاف.
- جوايه 2492 ق.م: لقايد لأرميني هايك غلب لبابيليين و أسّس أرمينيا (رواية أسطورية)
- جوايه 2345 ق.م: لبدية د السلالة لمصرية الساتة و لحكم ديال لماليك طيتي.
- 2334 ق.م: لماليك سارڭون لأكادي سيطر على بلاد بين لويدان و أسّس لإمبراطورية لأكادية.
- جوايه 2181 ق.م: لبدية د السلالة لمصرية السابعة و التامنة لي مامعروفش عليهوم بزاف.
- جوايه 2161 ق.م: لبدية د السلالة لمصرية التاسعة و لحكم ديال لماليك أخطوي ميرييبطووي.
- جوايه 2130 ق.م: لبدية د السلالة لمصرية لعاشرة و لحكم ديال لماليك ميريهاثور.
- جوايه 2134 ق.م: لبدية د السلالة لمصرية لحاضشة و لحكم ديال لماليك مينتوحوطيپ.
- مابين 2500 و 2000 ق.م: نقارض لماموت.
- جوايه 2070 ق.م: لبدية د السلالة الشينوية اللولة على حساب لمصادر التاريخية الشينوية (سلالة شيا).
عيون لكلام
بدل- ^ "Minoans: The First European Civilization". مأرشيڤي من لأصل ف 4 ماي 2023. تطّالع عليه ب تاريخ 2023-05-01.
The Minoans, a vibrant and prosperous civilization, flourished in Crete in the 3rd and 2nd millennia BCE. They are considered by many as the first European civilization, being a substantial artistic, trading and religious force in the prehistoric Aegean and Eastern Mediterranean